完整藏文原文 · 德格版页 当前仅加载第 50 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
བ་མཛད་དེ་ཁྱོད་ཀྱང་གཟིགས་པར་བཞེད་ཀྱིས་སྒྲ་གཅན་ཟིན་ཁྱོད་ངེས་པར་དེ་ན་འདུག་དགོས་སོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་དེ་བཞིན་གཤེགས་པ་དེད་དཔོན་ལ་ཚེ་དང་ལྡན་པ་སྒྲ་གཅན་ཟིན་གྱིས་འདི་སྐད་ཅེས་གསོལ་ཏོ། །གང་བཅོམ་
D111.050.0075a01.01ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཡོངས་སུ་མྱ་ངན་ལས་འདའོ་ཞེས་བགྱི་བའི་སྒྲ་དེ་ལྟ་བུ་ཡང་བདག་ཐོས་པར་མི་སྤྲོ་ན། བཅོམ་ལྡན་འདས་དེ་ཡོངས་སུ་མྱ་ངན་ལས་འདའ་བ་མཐོང་བ་ལྟ་སྨོས་ཀྱང་ཅི་འཚལ། བཅོམ་
D111.050.0075a02.01ལྡན་འདས་གང་བཅོམ་ལྡན་འདས་ཤཱཀྱ་ཐུབ་པ་ཤཱཀྱའི་རྒྱལ་པོ་དེ་ཡོངས་སུ་མྱ་ངན་ལས་འདའོ་ཞེས་བགྱི་བའི་སྒྲ་དེ་ལྟ་བུ་དེ་ཐོས་པས་བདག་ལུས་དུབ་པར་གྱུར་ཏོ། །བཅོམ་ལྡན་འདས་སེམས་ཅན་རིན་པོ་ཆེ་འཇིག་རྟེན་ཐམས་ཅད་ལ་ཕན་པར་བཞེད་པ། འཇིག་རྟེན་ཐམས་ཅད་ལ་ཕན་
D111.050.0075a03.01པ་དང་ཐུགས་བརྩེ་བ། འཇིག་རྟེན་ཐམས་ཅད་ཀྱི་སྒྲོན་མ། འཇིག་རྟེན་ཐམས་ཅད་དང་མི་མཚུངས་པ། འཇིག་རྟེན་ཐམས་ཅད་ཀྱི་འོད་མཛད་པ། འཇིག་རྟེན་ཐམས་ཅད་ཀྱི་མིག །ཤེས་རབ་ཀྱི་སྒྲོན་མ་ཆེན་པོས་སྣང་བར་མཛད་པ། དེ་ལྟ་བུ་དང་བདག་སང་ནང་པར་འབྲལ་
D111.050.0075a04.01ཞིང་འབྱེ་བ་དང་མི་འགྲོགས་པར་གྱུར་པ་ཇི་ལྟར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་དེ་བཞིན་གཤེགས་པ་དེད་དཔོན་གྱིས་ཚེ་དང་ལྡན་པ་སྒྲ་གཅན་ཟིན་ལ་འདི་སྐད་ཅེས་བཀའ་སྩལ་ཏོ། །སྒྲ་གཅན་ཟིན་ཐོང་སྨྲེ་སྔགས་མ་འདོན། སྒྲ་གཅན་ཟིན་བཅོམ་ལྡན་འདས་
D111.050.0075a05.01དེས་འདུ་བྱེད་ཐམས་ཅད་མི་རྟག་པ། འདུ་བྱེད་ཐམས་ཅད་སྡུག་བསྔལ་བ། ཆོས་ཐམས་ཅད་བདག་མེད་པ། མྱ་ངན་ལས་འདས་པ་ཞི་བའོ་ཞེས་ཐོག་མ་ཉིད་དུ་ཆོས་མ་བསྟན་ཏམ། སྒྲ་གཅན་ཟིན་བཅོམ་ལྡན་འདས་དེས། འདུ་བྱེད་ཐམས་ཅད་མི་རྟག་སྟེ། སྐྱེ་ཞིང་འཇིག་པའི་
D111.050.0075a06.01ཆོས་ཅན་ཡིན། སྐྱེས་ནས་འགག་པར་འགྱུར་བ་སྟེ། དེ་དག་རྣམ་པར་ཞི་བ་བདེ་ཞེས་བྱ་བ་དེ་སྐད་ཀྱང་གསུངས་སོ། །གསོལ་པ། བཅོམ་ལྡན་འདས་དེ་ལྟ་ལགས་སོ། །བདེ་བར་གཤེགས་པ་དེ་ལྟ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བཅོམ་ལྡན་འདས་
D111.050.0075a07.01