完整藏文原文 · 德格版页 当前仅加载第 50 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲིག་བརྒྱ་སྟོང་དུ་བསྒྲུབས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཡོངས་སུ་གཏད་དོ་སྙམ་ནས་དེ་དག་རྒྱ་ཆེར་ཡོངས་སུ་དགའ་བ་དང་མགུ་བར་འགྱུར་རོ། །ཀུན་དགའ་བོ་འདི་ལྟ་སྟེ་དཔེར་ན། དེད་དཔོན་བྱེས་སུ་སོང་བས་གང་བདག་གི་བྱ་བ་ཅུང་ཟད་ཅི་
D111.050.0110a01.01ཡོད་པ་དང་། འདྲོན་པ་ཐམས་ཅད་ཀྱི་གང་བྱ་བ་ཅུང་ཟད་ཅི་ཡོད་པ་དེ་དག་བྱས་ཟིན་པར་གྱུར་ན་ཀུན་དགའ་བོ་དེ་ཇི་སྙམ་དུ་སེམས། དེད་དཔོན་དེ་བདག་གི་ཁྱིམ་དུ་འོང་ངམ། འོན་ཏེ་བྱེས་དེ་ཉིད་ན་འདུག་གམ། གསོལ་པ། བཅོམ་ལྡན་འདས་སླར་ཁྱིམ་དུ་མཆིའི་མི་མཆི་བ་མ་མཆིས་སོ། །ཀུན་
D111.050.0110a02.01དགའ་བོ་དེ་བཞིན་དུ་དེ་བཞིན་གཤེགས་པ་འཇིག་རྟེན་གྱི་ཡབ། འཇིག་རྟེན་གྱི་མགོན་པོ། འཇིག་རྟེན་གྱི་ཡོངས་སུ་འདྲེན་པ། དེད་དཔོན་ཆེན་པོས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སངས་རྒྱས་ཀྱི་ཡེ་ཤེས་ཀྱིས་གང་བྱ་བ་དེ་དག་
D111.050.0110a03.01ཐམས་ཅད་བྱས་ཟིན་ཏེ་དེ་ལ་སངས་རྒྱས་ཀྱི་བྱ་བ་གང་ཕྱིས་བྱ་དགོས་པ་ཅུང་ཟད་ཀྱང་མེད་དོ། །ད་ལྟ་སངས་རྒྱས་ཀྱིས་གདུལ་བའི་སེམས་ཅན་གང་མ་དུལ་བའམ་མ་ཞི་བ་འགའ་ཡང་མེད་དོ། །ཀུན་དགའ་བོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་
D111.050.0110a04.01ནི་གནས་གསུམ་ཡོངས་སུ་མ་རྫོགས་ཡོངས་སུ་མ་བརྙེས་པར་ཡོངས་སུ་མྱ་ངན་ལས་མི་འདའི། གང་གི་ཚེ་གནས་དེ་གསུམ་མཛད་ཅིང་ཡོངས་སུ་རྫོགས་ལ་ཡོངས་སུ་བརྙེས་པར་གྱུར་པ་དེའི་ཚེ་ན་གདོད་དེ་བཞིན་གཤེགས་པ་ཡོངས་སུ་མྱ་ངན་ལས་འདའོ། །གསུམ་གང་ཞེ་ན། བྱང་ཆུབ་
D111.050.0110a05.01སེམས་དཔའ་གང་དེ་བཞིན་གཤེགས་པའི་བསྟན་པ་ནུབ་པའི་འོག་ཏུ་བསྐལ་པའམ། བསྐལ་པ་བརྒྱའམ། བསྐལ་པ་སྟོང་ངམ། བསྐལ་བརྒྱ་སྟོང་ངམ། བསྐལ་པ་བྱེ་བ་ཁྲག་ཁྲིག་བརྒྱ་སྟོང་ན་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཕྱིར་མི་ལྡོག་པའི་
D111.050.0110a06.01ཆོས་ལ་གནས་པར་མ་གྱུར་ལ། གལ་ཏེ་སངས་རྒྱས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱིར་མི་ལྡོག་པ་ཉིད་དུ་དབང་པོ་ཡོངས་སུ་མ་སྨིན་པ་གཟིགས་ནས་དེའི་ཚེ་གང་ཟག་དེ་ཡོངས་སུ་སྨིན་པར་བྱ་བའི་ཕྱིར་བྱང་ཆུབ་སེམས་དཔའ་ཕྱིར་མི་ལྡོག་པའི་ཆོས་ཉིད་མ་ཐོབ་ཀྱི་བར་དུ་རྫུ་འཕྲུལ་
D111.050.0110a07.01