完整藏文原文 · 德格版页 当前仅加载第 50 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཏེ། དེ་ལྟར་བགྱིས་ན་དེ་ཆོས་དང་རྗེས་སུ་འཐུན་གྱི། ཚོང་དུས་སུ་ཟོང་བཀྲམ་ནས་གོ་བགོས་ཏེ་མཆིས་པ་ནི་མི་རིགས་སོ། །བཀའ་སྩལ་པ། ཀུན་དགའ་བོ་དེ་བཞིན་དུ་འདི་ལ་དགེ་སློང་ཁ་ཅིག་ཆོས་དཀོན་མཆོག་གི་མཛོད་མང་པོ་འདི་ལྟ་སྟེ། མདོའི་སྡེ་དང་། དབྱངས་
D111.050.0118a01.01ཀྱིས་བསྙད་པའི་སྡེ་དང་། ལུང་དུ་བསྟན་པའི་སྡེ་དང་། ཚིགས་སུ་བཅད་པའི་སྡེ་དང་། ཆེད་དུ་བརྗོད་པའི་སྡེ་དང་། གླེང་གཞིའི་སྡེ་དང་། རྟོགས་པ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པ་རབས་ཀྱི་སྡེ་དང་། ཤིན་ཏུ་རྒྱས་པའི་སྡེ་དང་། རྨད་དུ་བྱུང་བའི་ཆོས་ཀྱི་སྡེ་དང་།
D111.050.0118a02.01གཏན་ལ་བབ་པར་བསྟན་པའི་སྡེ་རྣམས་ཀུན་ཆུབ་པར་བྱས་ནས་གང་ན་ཆོས་དཀོན་མཆོག་གི་མཛོད་འདིའི་སྣོད་དུ་གྱུར་ཅིང་ལེན་པར་བྱེད་པ་གང་དག་གིས་ཐོས་ནས་ཁྱད་པར་ཐོབ་པར་འགྱུར་ཞིང་དགའ་བ་དང་། མཆོག་ཏུ་དགའ་བ་ཆེན་པོ་རྙེད་པར་འགྱུར་བ་དང་། དེའི་དགེ་བའི་རྩ་བས་མྱ་
D111.050.0118a03.01ངན་ལས་འདའ་བར་འགྱུར་བ་ཡོད་པ་དེར་དེ་དག་མི་འཆད་ཀྱི་དེ་དག་གང་ན་ཆོས་དཀོན་མཆོག་འདིའི་སྣོད་དུ་མ་གྱུར་ཅིང་ཐོས་ནས་དང་བར་མི་འགྱུར། དད་པར་མི་འགྱུར། མོས་པར་མི་འགྱུར་གྱི་སྤོང་བར་འགྱུར་བ་དང་། དེའི་མི་དགེ་བའི་རྩ་བ་ངན་སོང་གསུམ་དུ་འགྱུར་བ་ཡོད་པ་དེར་འཆད་
D111.050.0118a04.01དེ། ཀུན་དགའ་བོ་འདི་ལྟ་སྟེ་དཔེར་ན། ཚོང་པ་བྱིས་པའི་རང་བཞིན་ཅན་དེ་གང་དུ་ཟོང་དེ་བཀྲམ་པའི་རིགས་པ་དེར་མི་འགྲེམས་པར་གང་དུ་དགྲམ་པར་མི་བྱ་བ་དེར་འགྲེམས་ཏེ། གང་དག་ལ་སྦྱིན་པའི་རིགས་པ་དེ་དག་ལ་ནི་མི་སྟེར། གང་དག་ལ་སྦྱིན་པའི་མི་རིགས་པ་དེ་དག་ལ་སྟེར་བ་དེ་བཞིན་
D111.050.0118a05.01དུ་ཀུན་དགའ་བོ་གང་དག་རིགས་ཀྱི་བུ་དང་རིགས་ཀྱི་བུ་མོ་མངོན་པར་དད་པ། ཆོས་དང་ལྡན་པ། ཆོས་འདོད་པ། ཉན་འདོད་པ། སྒྲུབ་འདོད་པ། སྣོད་དུ་གྱུར་པ་ལྷགས་པ་རྣམས་ལ་ཆོས་མི་འཆད་པར་དེ་གང་ལ་བཤད་པའི་མི་རིགས་པ་དེ་དག་ལ་འཆད་ཅིང་། གང་ལ་བཤད་པའི་རིགས་པ་
D111.050.0118a06.01དེ་དག་ལ་མི་འཆད་པ་དག་ཀྱང་ངས་དེ་ལྟ་བུ་ཡིན་པར་མཐོང་ངོ་། །ཀུན་དགའ་བོ་དེ་ལྟ་བས་ན་གང་དག་སྣོད་དུ་གྱུར་པ་དང་བ་ཉན་འདོད་པ་མྱ་ངན་ལས་འདའ་བ་དོན་དུ་གཉེར་བ་དེ་དག་ལ་ཆོས་བཤད་པར་བྱའོ། །གང་དག་སྣོད་དུ་མ་གྱུར་པ། མ་དད་པ། གླགས་ཚོལ་བ། ཚུལ་ཁྲིམས་འཆལ་
D111.050.0118a07.01