完整藏文原文 · 德格版页 当前仅加载第 50 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག །གསུམ་གང་ཞེ་ན། འདུན་པ་དང་། བརྩོན་འགྲུས་དང་། བག་ཡོད་པའོ། །ཁྱེད་གནས་འདི་གསུམ་གྱིས་བསྐལ་པ་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་དུ་བསྒྲུབས་པ་བླ་ན་མེད་པའི་ཆོས་དཀོན་མཆོག་གི་མཛོད་འདི་ལ་གནས་ན་དགེ་བའི་རྩ་བ་མ་ཐོབ་པ་རྣམས་ཐོབ་པར་འགྱུར་རོ། །
D111.050.0109b01.01དགེ་བའི་ཆོས་ཐོབ་པ་རྣམས་ཡོངས་སུ་མི་ཉམས་པར་འགྱུར་རོ། །གལ་ཏེ་ཁྱེད་བསྐལ་པ་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་དུ་བསྒྲུབས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ལ་གནས་གསུམ་གྱིས་མི་གནས་ན་དགེ་བའི་ཆོས་མ་ཐོབ་པ་རྣམས་ཁྱེད་ཀྱིས་ཐོབ་པར་མི་འགྱུར་ལ་
D111.050.0109b02.01དགེ་བའི་ཆོས་ཐོབ་པ་རྣམས་ཀྱང་ཡོངས་སུ་ཉམས་པར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་ང་འཇིག་རྟེན་གྱི་ཡབ། འཇིག་རྟེན་གྱི་མགོན་པོ། དོན་བཞེད་པ། ཕན་པར་བཞེད་པ། བདེ་བར་བཞེད་པ། གྲུབ་པ་དང་བདེ་བ་བཞེད་པ། ཕན་བཞེད་པ། ཐུགས་བརྩེ་བ་
D111.050.0109b03.01ཅན། ཐུགས་རྗེ་དང་ལྡན་པས་གང་བྱ་བ་དེ་ནི་ངས་བྱས་ཟིན་གྱིས་ད་ཁྱོད་ཀྱིས་བྱོས་ཤིག །ཀུན་དགའ་བོ་བསྐལ་པ་གྲངས་མེད་པ་བྱེ་བ་ཁྲག་ཁྲིག་བརྒྱ་སྟོང་དུ་བསྒྲུབས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ནི་གནས་གསུམ་གྱིས་མེད་པར་འགྱུར་རོ། །གསུམ་གང་ཞེ་ན།
D111.050.0109b04.01མ་དད་པ་དང་། མི་སྒྲུབ་པ་དང་། མི་སྟོན་པའོ། །ཀུན་དགའ་བོ་དེ་བས་ན་དམ་པའི་ཆོས་དཀོན་མཆོག་གི་མཛོད་འདི་བསྲུང་བའི་ཕྱིར་མངོན་པར་དད་པ་དང་། བསྒྲུབ་པ་དང་། བསྟན་པ་ལ་འདུན་པ་དང་། བརྩོན་འགྲུས་དང་། བག་ཡོད་པ་ལ་བརྩོན་པར་གྱིས་ཤིག །དེ་ལྟར་བྱས་ན་
D111.050.0109b05.01ཆོས་ཀྱི་རྗེ་འཇིག་རྟེན་གྱི་ཡབ་ངའི་བྱ་བ་ཁྱེད་བུ་རྣམས་ཀྱིས་བྱས་པར་འགྱུར་རོ། །ཀུན་དགའ་བོ་དེ་བས་ན་བླ་ན་མེད་པའི་ཆོས་དཀོན་མཆོག་གི་མཛོད་འདི་རྒྱ་ཆེར་ཡོངས་སུ་གཏད་པའི་ཕྱིར་ཁྱོད་ལ་དཔེ་བསྟན་པར་བྱ་སྟེ། འདི་ལ་སྐྱེས་བུ་མཁས་པ་ཁ་ཅིག་དཔེས་སྨྲས་པའི་དོན་ཤེས་པར་འགྱུར་
D111.050.0109b06.01ཏེ། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བདག་ཅག་གི་དོན་དུ་ཡོངས་སུ་མྱ་ངན་ལས་འདའ་བའི་ཚེ་ཕྱག་གཡས་པས་ཚེ་དང་ལྡན་པ་ཀུན་དགའ་བོའི་ལག་པ་ནས་བཟུང་སྟེ་བསྐལ་པ་གྲངས་མེད་པ་བྱེ་བ་ཁྲག་
D111.050.0109b07.01