完整藏文原文 · 德格版页 当前仅加载第 50 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་གིས་ཆོས་དཀོན་མཆོག་འདི་མཉན་པར་བྱ་བའི་ཕྱིར་ངས་ཆོས་དཀོན་མཆོག་གི་མཛོད་འདི་ཁྱོད་ལ་གཏད་དོ། །ཀུན་དགའ་བོ་ཁྱོད་ཀྱིས་གལ་ཏེ་ངའི་ཆོས་དཀོན་མཆོག་གི་མཛོད་འདི་རིགས་ཀྱི་བུ་དང་། རིགས་ཀྱི་བུ་མོ་དད་པ་དེ་དག་ཉན་དུ་མ་བཙུད་ན། དེ་ལྟ་ན་ནི་ཀུན་དགའ་བོ་
D111.050.0117a01.01ཁྱོད་དེ་བཞིན་གཤེགས་པ་ལ་ཉེས་པ་བྱེད་པ་ཡིན་ནོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་རིགས་ཀྱི་བུ་དང་རིགས་ཀྱི་བུ་མོ་དེ་དག་ཆོས་དཀོན་མཆོག་འདི་ལྟ་བུ་ཐོས་ནས་ཁ་ཅིག་གིས་ནི་ཁྱད་པར་ཐོབ་པར་འགྱུར། ཁ་ཅིག་གིས་ནི་རབ་ཏུ་དགའ་ཞིང་མགུ་བར་འགྱུར། ཁ་ཅིག་ནི་ཆོས་ཀྱི་
D111.050.0117a02.01ཤུགས་ཀྱིས་མཆི་མ་འབྱུང་ཞིང་སྤུ་ཟིང་ཞེས་བྱེད་པར་འགྱུར་རོ། །ཀུན་དགའ་བོ་གང་དག་ཆོས་ཀྱི་རྣམ་གྲངས་འདི་ལྟ་བུ་ཐོས་ནས་ངའི་ཡོན་ཏན་རྗེས་སུ་དྲན་ཞིང་ཆོས་ཀྱི་ཤུགས་ཀྱིས་མཆི་མ་འབྱུང་ལ་སྤུ་ཟིང་ཞེས་བྱེད་པར་འགྱུར་ན། ཀུན་དགའ་བོ་དགེ་བའི་རྩ་བ་དེ་དག་ཐམས་ཅད་ཀྱི་འབྲས་བུ་ནི་
D111.050.0117a03.01མྱ་ངན་ལས་འདས་པ་ཡིན་ཏེ། ཐ་མ་མྱ་ངན་ལས་འདའ་བར་ང་སྨྲའོ། །ཀུན་དགའ་བོ་དགེ་སློང་གང་དག་ཆོས་ཀྱི་རྣམ་གྲངས་འདི་ལྟ་བུ་འཛིན་ལ་རིགས་ཀྱི་བུ་དང་རིགས་ཀྱི་བུ་མོ་དད་པ་ཆོས་འདོད་པ་རྣམས་འོངས་ཤིང་ལྷགས་པ་དག་ལ་ཆོས་མི་འཆད་ཅིང་རབ་ཏུ་མི་སྟོན་ན་དེ་དག་དེ་བཞིན་
D111.050.0117a04.01གཤེགས་པ་ལ་ཉེས་པ་བྱེད་པ་ཡིན་ནོ། །ཀུན་དགའ་བོ་གང་དག་རིགས་ཀྱི་བུ་དང་རིགས་ཀྱི་བུ་མོ་ཆོས་དོན་དུ་གཉེར་ཅིང་ཉན་པར་འདོད་དེ་ཉན་པ་རྣམས་ཆོས་ཉན་པ་ལས་ཉམས་པར་བྱེད་ན། དེ་དག་དེ་ལྟར་སྣོད་དུ་གྱུར་པ་རྣམས་ལ་མི་འཆད་པས་བདག་གི་རྒྱུད་ལ་དགེ་བའི་རྩ་བ་ཉམས་པ་
D111.050.0117a05.01དང་། གཞན་གྱི་རྒྱུད་ལ་དགེ་བའི་རྩ་བ་ཡོངས་སུ་ཉམས་པར་བྱེད་པ་ལ་ཞུགས་པ་ཡིན་ནོ། །དེ་ཅིའི་ཕྱིར་ཞེ་ན། དེ་དག་ནི་གང་ལ་ཆོས་བཤད་པར་བྱ་བ་དང་། གང་ལ་མི་བཤད་པ་མི་ཤེས་སོ། །ཀུན་དགའ་བོ་དེ་བས་ན་དོན་དེ་རྒྱ་ཆེར་ཤེས་པར་བྱ་བའི་ཕྱིར་ཁྱོད་ལ་དཔེ་བསྟན་པར་བྱའོ། །
D111.050.0117a06.01ཀུན་དགའ་བོ་འདི་ལྟ་སྟེ་དཔེར་ན། ཚོང་པ་བྱིས་པའི་རང་བཞིན་ཅན་ལ་ལ་ཞིག་རིན་པོ་ཆེ་མང་པོ་ཁྱེར་ཏེ་འོང་བ་དེ་བྱེས་ནས་འོངས་ཏེ་འབྲོག་དགོན་པ་ཆེན་པོ་ཆོམ་རྐུན་ཡོད་པ་དེར་ཟོང་དེ་དག་བཀྲམ་སྟེ་རྐུན་པོའི་ཚོགས་རྣམས་བོས་ནས། ཀྱེ་མི་དག་ཟོང་འདི་དག་ཇི་ཙམ་དུ་བཟང་ཇི་ཙམ་དུ་མཛེས་པ་
D111.050.0117a07.01