完整藏文原文 · 德格版页 当前仅加载第 50 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་མོད་པ་མ་ཡིན་པ་དང་། གང་སེམས་མེད་པའི་དངོས་པོ་རི་དང་། ངམ་གྲོག་དང་། གཡང་ས་དང་། ཤིང་དང་རྩྭ་དང་ཤིང་གེལ་པ་དང་། སྨན་དང་ནགས་ཚལ་སའི་སྟེང་ན་ཡོད་པ་དག་དེ་བཞིན་གཤེགས་པ་ལམ་དུ་བཞུད་པ་ག་ལ་བ་ལོགས་སུ་མི་འདུད་པ་དེ་དག་མོད་པ་མ་ཡིན་པ་
D111.050.0097b01.01ལ་ལྟོས། དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ཉིད་ན་བླ་མ་ལ་བཏུད། རབ་ཏུ་བཏུད། ཕྱག་འཚལ་ཅིང་གནས། ཕ་མ་ལ་རབ་ཏུ་གུས་པར་བཏུད་ཅིང་གནས། རྒན་པ་དང་བར་མ་དང་གཞོན་པ་དང་། མཛའ་བཤེས་དང་ཉེ་དུ་དང་། སྣག་
D111.050.0097b02.01གི་གཉེན་མཚམས་དང་། སངས་རྒྱས་དང་བྱང་ཆུབ་སེམས་དཔའ་དང་། དགེ་བའི་བཤེས་གཉེན་དང་། ཉན་ཐོས་དང་། རང་སངས་རྒྱས་དང་། མངོན་པར་ཤེས་པ་ལྔ་དང་ལྡན་པ་དང་། དེ་བཞིན་དུ་དེ་ལས་གཞན་པ་དགེ་སྦྱོང་དང་། བྲམ་ཟེ་རྣམས་ལ་བཏུད། ངས་སངས་རྒྱས་དང་བྱང་ཆུབ་
D111.050.0097b03.01སེམས་དཔའ་དང་། དགེ་བའི་བཤེས་གཉེན་དང་། ཉན་ཐོས་དང་རང་སངས་རྒྱས་དང་། ཕྱི་རོལ་པའི་དྲང་སྲོང་དང་། དགེ་སྦྱོང་དང་། བྲམ་ཟེ་དང་། ཕ་མ་དང་། མཛའ་བཤེས་དང་། ཉེ་དུ་དང་། སྣག་གི་གཉེན་མཚམས་དེ་དག་ཐམས་ཅད་དང་། དེ་ལས་གཞན་པ་རྒན་པ་དང་། བར་མ་དང་།
D111.050.0097b04.01གཞོན་པ་དང་། གྲོགས་པོ་རྣམས་ལ་ཡིད་རབ་ཏུ་དགའ་བར་བྱས་ཏེ་ལུས་ཀྱིས་ཕྱག་བྱས་ཤིང་ངག་གིས་དེ་དག་ལ་བླ་མར་བྱ་བའི་སྒོ་དེ་ནས་མངོན་པར་བཏུད་དོ། །ཀུན་དགའ་བོ་ངའི་ལས་དགེ་བའི་རྣམ་པར་སྨིན་པ་དེས་དེ་བཞིན་གཤེགས་པ་བྱང་ཆུབ་བརྙེས་ནས་དེ་བཞིན་གཤེགས་པ་ལམ་
D111.050.0097b05.01དུ་བཞུད་པའི་ཚེ་དངོས་པོ་གང་སེམས་ཡོད་པའམ་སེམས་མེད་པ་ཡང་རུང་མ་གུས་པ་དང་། མི་འདུད་པ་དང་། རབ་ཏུ་མི་འདུད་པ་དེ་དག་མོད་པ་མ་ཡིན་ནོ། །ཀུན་དགའ་བོ་ངས་བླ་མ་ལྟ་བུ་དང་། དེ་བཞིན་གཤེགས་པ་དང་། སེམས་ཅན་རྣམས་ལ་སྦྱིན་པ་གཙང་བ་དང་། བཟང་བ་དང་།
D111.050.0097b06.01ཡིད་དུ་འོང་བ་མང་པོ་རང་གིས་ལག་དར་ནས་སྦྱིན་པ་བྱིན་ཏེ། ཀུན་དགའ་བོ་ལས་དེའི་རྣམ་པར་སྨིན་པ་དེས་དེ་བཞིན་གཤེགས་པ་ལམ་དུ་བཞུད་པ་ན་བཟང་ཞིང་གཙང་ལ་ཤིན་ཏུ་སྦྱངས་ཏེ། ཤིང་དང་བོང་བ་དང་། འདམ་རྫབ་རྣམས་བསལ་བར་གྱུར་ཏོ། །ཀུན་དགའ་བོ་ང་བླ་ན་མེད་པ་
D111.050.0097b07.01