完整藏文原文 · 德格版页 当前仅加载第 38 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ་པར་བྱ་བའི་ཕྱིར་ཆོས་བསྟན་ཏོ། །དེས་བཏུང་བ་དོན་དུ་གཉེར་ཅིང་འོངས་པ་རྣམས་ལ་བཏུང་བ་མང་པོ་ཞིམ་པ་ཁ་ན་མ་ཐོ་བ་མེད་པ། ཡིད་ཤིན་ཏུ་དགའ་བར་བྱེད་པ་དག་གིས་ཚིམ་པར་བྱས་ནས། དེ་དག་ལ་འཁོར་བས་སྐོམ་ཞིང་འཁོར་བ་ལ་དགའ་
D44.038.0015a01.01བ་ལས་རྣམ་པར་བཟློག་པ་དང་། སངས་རྒྱས་ཀྱི་ཆོས་ལ་དགའ་ཞིང་སངས་རྒྱས་ཀྱི་ཆོས་ལ་མོས་པ་ཡོངས་སུ་བསྐྱེད་པའི་ཕྱིར་ཆོས་བསྟན་ཏོ། དེས་རོའི་མཆོག་དོན་དུ་གཉེར་ཅིང་འོངས་པ་རྣམས་ལ་རོའི་མཆོག་སྣ་ཚོགས་དང་རབ་དང་། སྐྱུར་བ་དང་། ལན་ཚ་དང་། ཚ་བ་དང་། ཁ་བ་
D44.038.0015a02.01དང་། །བསྐ་བ་རྣམ་པ་ཐ་དད་པས་ཡོངས་སུ་ཚིམ་པར་བྱས་ཏེ། དེའི་འོག་ཏུ་སྐྱེས་བུ་ཆེན་པོའི་མཚན་རོ་བྲོ་བའི་མཆོག་ཐོབ་པར་བྱ་བའི་ཕྱིར་ཆོས་བསྟན་ཏོ། །དེས་བཞོན་པ་དོན་དུ་གཉེར་ཅིང་ཕྱོགས་ཀྱི་རྒྱུད་སྣ་ཚོགས་ནས་འོངས་པ་རྣམས་ལ་བཞོན་པ་སྣ་ཚོགས་ཀྱི་སྦྱིན་
D44.038.0015a03.01པས་ཡོངས་སུ་བསྡུད་དེ། དེ་དག་ཐེག་པ་ཆེན་པོ་ལ་གནས་པར་བྱ་བའི་ཕྱིར་ཆོས་བསྟན་ཏོ། །དེས་གོས་དོན་དུ་གཉེར་ཅིང་ཕྱོགས་སྣ་ཚོགས་ནས་འོངས་པ་ཀུན་ནས་འདུས་པར་ཤེས་ནས། ཡུད་ཙམ་དུ་བསམས་ཏེ། ནམ་མཁའི་དབྱིངས་ལ་བལྟས་པ་དང་། ནམ་
D44.038.0015a04.01མཁའི་དབྱིངས་ལས་གོས་སྣ་ཚོགས་དང་། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། ཤེལ་གྱི་ཁ་དོག་ཏུ་འདུག་པ་ཁ་དོག་སྣ་ཚོགས་ཅན་ཁ་དོག་དུ་མར་རྣམ་པར་དག་པ་དག་འཐོན་ཅིང་ལག་པའི་མཐིལ་དུ་འོངས་པས། དེས་དེ་དག་གིས་
D44.038.0015a05.01སློངས་མོ་བ་དེ་དག་ལ་ཡོངས་སུ་བསྡུད་ནས། དེ་བཞིན་གཤེགས་པའི་ངོ་ཚ་ཤེས་པ་དང་། ཁྲེལ་ཡོད་པ་བླ་ན་{མྱེད་,མེད་}པ་དང་། མདོག་གསེར་གྱི་ཁ་དོག་ལྟ་བུ་ཐོབ་པར་འགྱུར་བ་རྣམ་པར་དག་པར་བྱ་བའི་ཕྱིར་ཆོས་བསྟན་ཏོ། །དེ་བཞིན་དུ་ཡོ་བྱད་སྣ་ཚོགས་ཐམས་ཅད་ཀྱིས་
D44.038.0015a06.01ཇི་ལྟར་འོངས་པའི་སློངས་མོ་བ་རྣམས་ལ་སྡུད་པ་བྱས་ནས། ཅི་རིགས་སུ་ཆོས་བསྟན་ཏོ། །དེ་ལྟར་ཁྱིམ་བདག་མཁས་པས་བྱང་ཆུབ་སེམས་དཔའི་རྣམ་པར་ཐར་བ་བསམ་གྱིས་མི་ཁྱབ་པའི་ཡུལ་བསྟན་པ་བྱས་ནས་ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་
D44.038.0015a07.01