完整藏文原文 · 德格版页 当前仅加载第 38 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འཁོད་ཅིང་བདག་ཉིད་ཀྱང་རྗེས་སུ་འབྲང་བར་མཐོང་ངོ་། །དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་དང་བྱང་ཆུབ་སེམས་དཔའ་ཐམས་ཅད་ཀྱི་དྲུང་དང་། སེམས་ཅན་ཐམས་ཅད་ཀྱི་གནས་དང་། འཇིག་རྟེན་གྱི་ཁམས་དེ་དང་དེ་དག་ཐམས་ཅད་ནའང་བྱང་ཆུབ་སེམས་དཔའ་
D44.038.0126b01.01ཀུན་ཏུ་བཟང་པོའི་གཟུགས་བརྙན་ཀུན་ཏུ་བྱུང་སྟེ། འཇིག་རྟེན་གྱི་ཁམས་དེ་དག་རེ་རེ་ནའང་སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་མཚམས་ཀྱི་རྒྱན་དང་བཅས་པ་དང་གཞི་དང་བཅས་པ་དང་། དབྱིབས་དང་བཅས་པ་དང་། ལྷུན་དང་བཅས་པ་དང་།
D44.038.0126b02.01རྒྱན་སྣ་ཚོགས་ཡོངས་སུ་དག་པ་དང་བཅས་པ། རྒྱན་སྣ་ཚོགས་ཀྱི་སྤྲིན་གྱིས་ཀུན་ནས་ཁེབས་པ་རྣམ་པར་བཀོད་པ་དང་། མྱིད་དང་གྲགས་རྣམ་པ་སྣ་ཚོགས་དང་ལྡན་པ་དང་། དེ་བཞིན་གཤེགས་པའི་རྒྱུད་སྣ་ཚོགས་ལས་བརྗོད་པ་དུས་གསུམ་གྱི་ཚུལ་སྣ་ཚོགས་སུ་
D44.038.0126b03.01གཏོགས་པ་དང་། ཕྱོགས་འབྱམ་ཀླས་པ་སྣ་ཚོགས་སུ་འདུ་བ་ཆོས་ཀྱི་དབྱིངས་འབྱམ་ཀླས་པ་སྣ་ཚོགས་ཀྱི་ཁོངས་སུ་གཏོགས་པ། ཆོས་ཀྱི་དབྱིངས་ཀྱི་གཞི་སྣ་ཚོགས་སུ་འདུས་པ། ནམ་མཁའི་དབྱིངས་སྣ་ཚོགས་ལ་རྣམ་པར་གནས་པ། སྙིང་པོ་བྱང་ཆུབ་སྣ་ཚོགས་
D44.038.0126b04.01ཀྱིས་བརྒྱན་པ། དེ་བཞིན་གཤེགས་པའི་རྣམ་པར་འཕྲུལ་པ་སྣ་ཚོགས་ཀྱིས་བྱུང་བ་སངས་རྒྱས་ཀྱི་སེང་གེའི་གདན་སྣ་ཚོགས་ཀྱིས་བརྒྱན་པ། དེ་བཞིན་གཤེགས་པའི་འཁོར་གྱི་དཀྱིལ་འཁོར་རྒྱ་མཚོ་སྣ་ཚོགས་དང་ལྡན་པ། དེ་བཞིན་གཤེགས་པའི་འཁོར་གྱི་དཀྱིལ་
D44.038.0126b05.01འཁོར་གྱི་རྒྱུད་སྣ་ཚོགས་ཅན། དེ་བཞིན་གཤེགས་པའི་ཐབས་མཁས་པ་སྣ་ཚོགས་ཡོངས་སུ་བརྗོད་པ་དང་ལྡན་པ། དེ་བཞིན་གཤེགས་པའི་ཆོས་ཀྱི་འཁོར་ལོ་འཁོར་བའི་ཚུལ་སྣ་ཚོགས་ཅན་དེ་བཞིན་གཤེགས་པའི་དབྱངས་ཀྱི་ཡན་ལག་དང་། གསུང་གི་ང་རོ་
D44.038.0126b06.01སྣ་ཚོགས་རབ་ཏུ་འབྱུང་བ། སྐད་སྣ་ཚོགས་རྒྱ་མཚོ་ཤིན་ཏུ་བསྟན་པ་དང་ལྡན་པ་དང་། མདོ་སྡེའི་སྤྲིན་སྣ་ཚོགས་རྗེས་སུ་སྒྲོག་པ་ཅན་དག་ཀྱང་མཐོང་བར་གྱུར་ཏོ། །མཐོང་ནས་དེ་བས་ཀྱང་དགའ་བ་དང་། མོས་པའི་ཤུགས་ཆེན་པོ་ཐོབ་པར་གྱུར་ཏེ། དེ་དེ་ལྟར་
D44.038.0126b07.01