完整藏文原文 · 德格版页 当前仅加载第 38 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
བར་མོས་པ་བསྐྱེད་པ་དང་། བྱང་ཆུབ་སེམས་དཔའི་སྟོབས་བསྔགས་ཤིང་། སངས་རྒྱས་ཀྱི་ཆོས་ཡང་དག་པར་བླང་བ་དང་། བྱང་ཆུབ་སེམས་དཔའི་སྤྱོད་པ་སྨོས་ཏེ། བྱང་ཆུབ་སེམས་དཔའི་ཏིང་ངེ་འཛིན་གྱི་སྟོབས་ཡོངས་སུ་བསྐྱེད་པ་དང་། བྱང་ཆུབ་
D44.038.0052a01.01སེམས་དཔའི་ཤེས་རབ་ཀྱི་སྟོབས་ཡང་དག་པར་སྟོན་ཅིང་། བྱང་ཆུབ་སེམས་དཔའི་དྲན་པའི་སྟོབས་རྣམ་པར་དག་པའི་མཐར་ཕྱིན་པར་བྱ་བའི་ཕྱིར། ཆོས་ཀྱི་གཏམ་བྱེད་ཅིང་འདི་ལྟ་སྟེ། བྱང་ཆུབ་ཏུ་སེམས་བསྐྱེད་པ་ལ་མངོན་པར་མོས་པར་བྱ་བའི་ཕྱིར་ཆོས་སྟོན་ཅིང་འདུག་
D44.038.0052a02.01པ་མཐོང་ངོ་། །དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}གཏམ་དེའི་རྗེས་ཆད་ཆད་དུ་བསྡད་ནས་ཚོང་དཔོན་རྒྱལ་བ་དམ་པའི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། རིང་མོ་ཞིག་ཏུ་བཏུད་ནས་ཆོས་ལ་ཤིན་ཏུ་གུས་པའི་བསམ་པས་ཚིག་འདི་སྐད་དུ་བརྗོད་དོ། །འཕགས་པ་བདག་ནི་
D44.038.0052a03.01ནོར་{བཟངས་,བཟང་}ནོར་{བཟངས་,བཟང་}ཤེས་བགྱི་བ་སྟེ། བྱང་ཆུབ་སེམས་དཔའི་སྤྱོད་པ་ཡོངས་སུ་ཚོལ་ན་ཅི་ནས་ཀྱང་བདག་བྱང་ཆུབ་སེམས་དཔའི་སྤྱོད་པ་ལ་སློབ་པར་འགྱུར་བ་དང་། བསླབས་ནས་ཀྱང་ཅི་ནས་སེམས་ཅན་ཐམས་ཅད་ཡོངས་སུ་སྨིན་པར་བགྱི་བ་དང་། གདུལ་བའི་དོན་ལ་མངོན་དུ་མོས་པར་འགྱུར་བ་དང་། སངས་རྒྱས་ཐམས་ཅད་
D44.038.0052a04.01ཀྱི་ཞལ་བལྟ་བ་ལས་མི་འཕང་བ་དང་། སངས་རྒྱས་ཐམས་ཅད་ཀྱི་ཆོས་ཐོས་པར་འགྱུར་བ་དང་། སངས་རྒྱས་ཐམས་ཅད་ཀྱི་ཆོས་ཀྱི་སྤྲིན་གྱི་ཆར་ཡོངས་སུ་གཟུང་བ་དང་། སངས་རྒྱས་ཐམས་ཅད་ཀྱི་ཆོས་ཀྱི་ཚུལ་ལ་ནན་ཏན་དུ་བགྱི་བ་དང་། འཇིག་རྟེན་གྱི་ཁམས་ཐམས་
D44.038.0052a05.01ཅད་དུ་བྱང་ཆུབ་སེམས་དཔའི་སྤྱོད་པ་སྤྱད་པ་དང་། བསྐལ་པ་ཐམས་ཅད་དུ་གནས་ཀྱང་བྱང་ཆུབ་སེམས་དཔའི་སྤྱོད་པས་ཡོངས་སུ་མི་སྐྱོ་བ་དང་། དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་ཡོངས་སུ་བཙལ་བར་འགྱུར་བ་དང་། སངས་རྒྱས་ཐམས་
D44.038.0052a06.01ཅད་ཀྱི་བྱིན་གྱི་རླབས་ཡང་དག་པར་མནོད་པ་དང་། དེ་བཞིན་གཤེགས་པ་ཐམས་ཅད་ཀྱི་སྟོབས་རྣམས་ལ་སྣང་བ་ཐོབ་པར་འགྱུར་བ་དེ་ལྟར་འཕགས་པས་བདག་ལ་བཤད་དུ་གསོལ། །དེ་ནས་ཚོང་དཔོན་རྒྱལ་བ་དམ་པས། ཚོང་དཔོན་གྱི་བུ་ནོར་{བཟངས་,བཟང་}ལ་
D44.038.0052a07.01