完整藏文原文 · 德格版页 当前仅加载第 38 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
ཐག་ཏུ་དེའི་མོད་ལ་གྲོང་ཁྱེར་ཆེན་པོ་འོད་བཟང་པོ་ཡུལ་དང་། ཕྱོགས་སུ་བཅས་པ། གྲོང་ཁྱེར་དང་གྲོང་རྡལ་དང་། ལྗོངས་དང་ཁམས་དང་། རྒྱལ་པོའི་ཕོ་བྲང་གི་འཁོར་དང་བཅས་པ་རྣམ་པ་དྲུག་ཏུ་གཡོས་སོ། །དེ་གཡོས་པའི་ཚེ་རིན་པོ་ཆེའི་ར་བ་དེ་དག་དང་རིན་པོ་
D44.038.0033a01.01ཆེའི་ཁང་པ་དང་། རིན་པོ་ཆེའི་སྙིང་པོ་དང་། རིན་པོ་ཆེའི་ཁྱིམ་དང་། རིན་པོ་ཆེའི་གནས་དང་། རིན་པོ་ཆེའི་གཞལ་མེད་ཁང་དང་། རིན་པོ་ཆེའི་ཁང་པ་བརྩེགས་པ་དང་། རིན་པོ་ཆེའི་བ་གམ་དང་། རིན་པོ་ཆེའི་པུ་ཤུ་དང་། རིན་པོ་ཆེའི་སྐར་ཁུང་དང་། རིན་པོ་ཆེའི་སྟེགས་བུ་དང་། རིན་པོ་ཆེའི་རྟ་བབས་དང་།
D44.038.0033a02.01རིན་པོ་ཆེའི་ཟླ་གམ་དང་། རིན་པོ་ཆེའི་སེང་གེའི་དྲ་བ་དང་། རིན་པོ་ཆེའི་ལན་ཀན་དང་། རིན་པོ་ཆེའི་འབྲུ་དང་། རིན་པོ་ཆེའི་བླ་རེ་དང་། རིན་པོ་ཆེའི་སྲད་བུས་བརྒྱུས་པའི་དྲིལ་བུ་གཡེར་ཀའི་དྲ་བ་དང་། རིན་པོ་ཆེའི་དྲིལ་བུ་དང་། རིན་པོ་ཆེའི་རྒྱལ་མཚན་དང་། རིན་པོ་ཆེའི་བ་དན་དང་།
D44.038.0033a03.01རིན་པོ་ཆེའི་ཏ་ལ་དེ་དག་ཀྱང་རབ་ཏུ་གཡོས་ཏེ། སྒྲ་འབྱིན་ཏོ། རབ་ཏུ་འཁྲོལ་ལོ། དེ་དག་དེ་ལྟར་སྒྲ་འབྱིན་ཅིང་ཡིད་དུ་འོང་ལ་སྙན་པ་དང་། མཉན་ན་དགའ་བའི་དབྱངས་རྗོད་ཅིང་། རྒྱལ་པོ་འོད་ཆེན་པོ་གང་ན་བ་དེར་འདུད་ཏེ་ཕྱག་འཚལ་ལོ། །གྲོང་ཁྱེར་ཆེན་པོ་འོད་བཟང་པོའི་
D44.038.0033a04.01ནང་ན། སེམས་ཅན་ཇི་སྙེད་ཅིག་གནས་པ་དེ་དག་ཐམས་ཅད་ཀྱང་། དགའ་བ་དང་རངས་པའི་སེམས་ཀྱིས་ཡོངས་སུ་རྒྱས་ནས། རྒྱལ་པོ་འོད་ཆེན་པོ་གང་ན་བ་དེར་ལོགས་སུ་མངོན་ཏུ་ལྟ་སྟེ། ལུས་ཐམས་ཅད་ཀྱིས་ཕབ་ཅིང་ཕྱག་འཚལ་ལོ། །དེའི་ཁམས་ཀྱི་གྲོང་དང་གྲོང་
D44.038.0033a05.01ཁྱེར་དང་། ལྗོངས་དང་ཡུལ་དང་ཁམས་དང་། རྒྱལ་པོའི་ཕོ་བྲང་འཁོར་ན་གནས་པ་དེ་དག་ཐམས་ཅད་ཀྱང་ལུས་དང་སེམས་བདེ་བར་གྱུར་ཏེ། དགའ་ཞིང་རངས་པ་སྐྱེས་ནས། རྒྱལ་པོ་འོད་ཆེན་པོ་གང་ན་བ་དེ་ལོགས་སུ་ཕྱག་འཚལ་ལོ། །བྱོལ་སོང་གི་སྐྱེ་གནས་སུ་གཏོགས་
D44.038.0033a06.01པའི་སེམས་ཅན་དེ་དག་ཐམས་ཅད་ཀྱང་གཅིག་ལ་གཅིག་བྱམས་པའི་སེམས་དང་། ཕན་པའི་སེམས་སུ་ལྡན་པར་གྱུར་ནས། རྒྱལ་པོ་འོད་ཆེན་པོ་གང་ན་བ་དེར་ལོགས་སུ་ལྟ་ཞིང་མངོན་པར་འདུད་དོ། །རི་དང་སྒངམཐོན་པོའི་སའི་ཕྱོགས་ཐམས་ཅད་ཀྱང་རྒྱལ་པོ་འོད་ཆེན་པོ་གང་ན་
D44.038.0033a07.01