完整藏文原文 · 德格版页 当前仅加载第 38 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཚུལ་དང་། དེ་བཞིན་གཤེགས་པའི་སྨོན་ལམ་གྱི་ཕ་རོལ་ཏུ་ཕྱིན་པའི་ཚུལ་རྒྱ་མཚོ་ཚད་མེད་པ་ལ་འཇུག་པར་བྱ་བའི་ཚུལ་དང་། དེ་བཞིན་གཤེགས་པའི་བསོད་ནམས་དང་། ཡེ་ཤེས་ཀྱི་སྟོབས་ཀྱི་ཕ་རོལ་ཏུ་ཕྱིན་པ་ཚད་མེད་པ་ལ་གནས་
D44.038.0145a01.01པར་བྱ་བ་དང་། ཡོངས་སུ་འཕེལ་བར་བྱ་བའི་ཡེ་ཤེས་རབ་ཏུ་ཐོབ་པར་བྱ་བའི་ཚུལ་དང་། དེ་བཞིན་གཤེགས་པའི་ཡེ་ཤེས་ཀྱི་ཕ་རོལ་ཏུ་ཕྱིན་པའི་ཚུལ་རྒྱ་མཚོ་ཚད་མེད་པ་ལ་རྣམ་པར་སྤྱད་པ་རབ་ཏུ་ཐོབ་པར་བྱ་བའི་ཡེ་ཤེས་ཡོངས་སུ་བསྒྲུབ་པའི་ཚུལ་དང་།
D44.038.0145a02.01དེ་བཞིན་གཤེགས་པའི་སྔོན་གྱི་བྱང་ཆུབ་སེམས་དཔའི་ས་ཡོངས་སུ་གནོན་པར་མཛད་པའི་ཡེ་ཤེས་སྣང་བ་རབ་ཏུ་ཐོབ་པར་བྱ་བའི་ཚུལ་དང་། དེ་བཞིན་གཤེགས་པའི་ས་ཡོངས་སུ་གནོན་པའི་མཚམས་ཀྱི་རྣམ་པར་འཕྲུལ་པ་ཚད་མེད་པས་བསྐལ་པ་རྒྱ་མཚོ་
D44.038.0145a03.01གནས་པར་བྱ་བའི་ཚུལ་དང་། དེ་བཞིན་གཤེགས་པའི་སྔོན་གྱི་བྱང་ཆུབ་སེམས་དཔའི་སའི་དཀྱིལ་འཁོར་ཚད་མེད་པ་ཡོངས་སུ་གནོན་པའི་ཚུལ་དང་། དེ་བཞིན་གཤེགས་པའི་སྔོན་གྱི་བྱང་ཆུབ་སེམས་དཔའི་ས་ཚད་མེད་པ་ལ་གནས་པར་བྱ་བའི་ཚུལ་དང་།
D44.038.0145a04.01དེ་བཞིན་གཤེགས་པའི་སྔོན་གྱི་བྱང་ཆུབ་སེམས་དཔའི་ས་ཚད་མེད་པ་ཡོངས་སུ་དག་པར་བྱ་བའི་ཚུལ་དང་། དེ་བཞིན་གཤེགས་པའི་ས་ཚད་མེད་པ་ཡེ་ཤེས་རྒྱ་མཚོས་རྣམ་པར་དཔྱད་པའི་ཚུལ་དང་། དེ་བཞིན་གཤེགས་པའི་སའི་ཡེ་ཤེས་སྣང་བ་ཚད་མེད་པ་
D44.038.0145a05.01རབ་ཏུ་ཐོབ་པར་བྱ་བའི་ཚུལ་དང་། དེ་བཞིན་གཤེགས་པ་བྱང་ཆུབ་སེམས་དཔར་གྱུར་པས་སྔོན་གྱི་སངས་རྒྱས་མ་ལུས་པར་གཟིགས་པ་དང་། རྗེས་སུ་འབྲང་བར་མཛད་པ་ཚད་མེད་པ་རྣམ་པར་དམིགས་པར་བྱ་བའི་ཚུལ་དང་། དེ་བཞིན་གཤེགས་
D44.038.0145a06.01པ་བྱང་ཆུབ་སེམས་དཔར་གྱུར་པས་སྔོན་གྱི་སངས་རྒྱས་རྒྱ་མཚོ་མ་ལུས་པར་གཟིགས་ཤིང་བསྐལ་པ་རྒྱ་མཚོར་བཞུགས་བཞུགས་པ་ཚད་མེད་པའི་ཚུལ་དང་། དེ་བཞིན་གཤེགས་པ་སྔོན་བྱང་ཆུབ་སེམས་དཔར་གྱུར་པས་ཞིང་རྒྱ་མཚོ་མ་ལུས་པར་རྒྱས་
D44.038.0145a07.01