完整藏文原文 · 德格版页 当前仅加载第 38 函德格 336a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱོབ་པ་དང་། ལ་ལ་ལས་ནི་དྲང་སྲོང་ཆེན་པོར་གྱུར་ཏེ། བསྟན་པ་མངོན་པར་བསྒྲུབ་པ་དང་། ལ་ལ་ལས་ནི་འཁོར་ལོས་སྒྱུར་བར་གྱུར་ཏེ། སེམས་ཅན་དགེ་བ་བཅུའི་ལས་ཀྱི་ལམ་ལ་དགོད་པ་དང་། ལ་
D44.038.0336a01.01ལ་ལས་ནི་སྨན་པར་གྱུར་ཏེ། ན་བའི་གསོས་སྨན་དང་། ལ་ལ་ལས་ནི་ཕ་མ་ལ་ཕུ་དུད་བྱེད་པ་དང་། ལ་ལ་ལས་ནི་དགེ་བའི་བཤེས་གཉེན་ལ་རིམ་གྲོ་བྱེད་པ་དང་། ལ་ལ་ལས་ནི་ཉན་ཐོས་ཀྱི་ཁ་དོག་དང་། གཟུགས་ཀྱིས་སེམས་ཅན་འདུལ་བ་ལ་བརྩོན་པ་དང་།
D44.038.0336a02.01ལ་ལ་ལས་ནི་རང་སངས་རྒྱས་ཀྱི་ཁ་དོག་དང་། གཟུགས་ཀྱིས་སེམས་ཅན་འདུལ་བ་ལ་བརྩོན་པ་དང་། ལ་ལ་ལས་ནི་བྱང་ཆུབ་སེམས་དཔའི་ཁ་དོག་དང་། གཟུགས་ཀྱིས་སེམས་ཅན་འདུལ་བ་ལ་བརྩོན་པ་དང་། ལ་ལ་ལས་ནི་སངས་རྒྱས་ཀྱི་སྐུ་མདོག་དང་སྐུ་
D44.038.0336a03.01གཟུགས་ཀྱིས་སེམས་ཅན་འདུལ་བ་ལ་བརྩོན་པ་དང་། ལ་ལ་ལས་ནི་སྐྱེས་པའི་རབས་ཀྱི་ཁྱད་པར་ཐམས་ཅད་ཀྱིས་སྐྱེ་བ་ཡོངས་སུ་བསྟན་ཏེ། སེམས་ཅན་ཡོངས་སུ་སྨིན་པར་བྱེད་པ་དང་། ལ་ལ་ལས་ནི་ཆོས་སྨྲ་བའི་གཟུགས་ཀྱིས་དེ་བཞིན་གཤེག་
D44.038.0336a04.01པའི་བསྟན་པ་ལ་ཞུགས་ཏེ། ལུང་དབོག་པ་དང་། ཁ་ཏོན་བྱ་བ་དང་ཚུལ་བཞིན་དུ་དཔྱད་པར་བྱ་བ་ལ་བརྩོན་པ་དང་། དེ་བཞིན་གཤེགས་པའི་མཆོད་རྟེན་ལ་རྒྱན་གྱིས་བརྒྱན་པར་བྱེད་པ་དང་། དེ་བཞིན་གཤེགས་པའི་སྐུ་གཟུགས་བྱེད་དུ་འཇུག་པ་དང་།
D44.038.0336a05.01སངས་རྒྱས་མཆོད་པ་ལ་སེམས་ཅན་ཡོངས་སུ་བསྐུལ་བ་དང་། སྤོས་དང་བྱུག་པ་གསོལ་ཞིང་། འབྲུ་མར་དྲི་ཞིམ་པོས་བྱུག་པ་དང་། དྲིལ་བུ་དང་། མེ་ཏོག་གི་ཕྲེང་བ་གསོལ་བ་ལ་{སྩོགས་,སོགས་}པ། སངས་རྒྱས་ཀྱི་མཆོད་པ་རྣམ་པ་ཐམས་
D44.038.0336a06.01ཅད་ལ་བརྩོན་པ་དང་། དགེ་བ་བཅུའི་ལས་ཀྱི་ལམ་ལ་སེམས་ཅན་རབ་ཏུ་འགོད་པ་དང་། བསླབ་པའི་གནས་ལྔ་དང་། གསོ་སྦྱིན་གྱི་ཡན་ལག་བརྒྱད་དང་། སངས་རྒྱས་དང་། ཆོས་དང་། དགེ་འདུན་ལ་སྐྱབས་བཙལ་བ་དང་།
D44.038.0336a07.01