完整藏文原文 · 德格版页 当前仅加载第 38 函德格 355a 版页；藏文 NFD、目录标记与异常页序保留在来源切片中，重复版页行以稳定序号区分。
བཏང་ངོ་། །རྐང་པ་དང་ལག་པ་དག་ཀྱང་ཡོངས་སུ་བཏང་ངོ་། །ཡན་ལག་དང་ཉིང་ལག་དག་ཀྱང་ཡོངས་སུ་བཏང་ངོ་། །སྣ་དང་རྣ་བ་དག་ཀྱང་ཡོངས་སུ་བཏང་ངོ་། །{མྱིག་,མིག་}དག་ཀྱང་ཡོངས་སུ་བཏང་ངོ་། །
D44.038.0355a01.01རང་གི་ཁ་ནས་ལྕེའི་དབང་པོ་དག་ཀྱང་ཡོངས་སུ་བཏང་ངོ་། །བསྐལ་པ་ཆེན་པོ་དེ་དག་རེ་རེ་ལ་ཡང་འཇིག་རྟེན་ཐམས་ཅད་ལས་མངོན་པར་འཕགས་ཤིང་བླ་ན་མེད་པར་གྱུར་པ་ཐམས་ཅད་མཁྱེན་པ་ཉིད་ཀྱི་དབུ་ལ་མངོན་པར་སྨོན་ཅིང་། རང་
D44.038.0355a02.01གི་མགོ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཅིག་ཡོངས་སུ་བཏང་ངོ་། །བསྐལ་པ་ཆེན་པོ་རེ་རེ་ལ་ཇི་ལྟ་བ་དེ་བཞིན་དུ་བསྐལ་པ་ཆེན་པོ་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་
D44.038.0355a03.01རྡུལ་ཤིན་ཏུ་ཕྲ་བ་སྙེད་ལས་བསྐལ་པ་རྒྱ་མཚོ་རེ་རེ་ལ་ཡང་དེ་བཞིན་གཤེགས་པ་སངས་རྒྱས་ཀྱི་ཞིང་རྒྱ་མཚོ་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཅིག་ལ་དབང་པོ་དམ་པར་གྱུར་ཏེ། རིམ་གྲོ་བྱས་སོ། །བཀུར་སྟི་བྱས་སོ། །ཕུད་དུད་བྱས་སོ།
D44.038.0355a04.01མཆོད་པ་བྱས་སོ། །ན་བཟའ་དང་། བཤོས་དང་། གཟིམས་ཆ་དང་། སྙུན་གྱི་རྐྱེན་སྨན་དང་། ཡོ་བྱད་དག་ཀྱང་དབུལ་བ་བྱས་སོ། །དེ་བཞིན་གཤེགས་པ་དེ་དག་གི་བསྟན་པ་ལ་ཡང་རབ་ཏུ་བྱུང་སྟེ། སངས་རྒྱས་ཀྱི་གདམས་ངག་ཐམས་
D44.038.0355a05.01ཅད་ལ་ཡང་རབ་ཏུ་ཞུགས་སོ། །དེ་དག་གི་བསྟན་པ་ཡང་། ཡོངས་སུ་གཟུང་སྟེ། རིགས་ཀྱི་བུ་དེ་སྙེད་ཀྱི་བསྐལ་པ་རྒྱ་མཚོར་ཡང་། དེ་བཞིན་གཤེགས་པའི་བསྟན་པ་ལ་སེམས་བསྐྱེད་པ་འགའ་ཙམ་གྱིས་ཀྱང་། མི་མཐུན་པའི་སེམས་བསྐྱེད་
D44.038.0355a06.01དུ་མི་དྲན་ནོ། །དེ་སྙེད་ཀྱི་བསྐལ་པ་རྒྱ་མཚོར་སེམས་བསྐྱེད་པ་འགའ་ཙམ་གྱིས་ཀྱང་ཁོང་ཁྲོ་བ་དང་ལྡན་པའི་སེམས་བསྐྱེད་པའམ། བདག་ཏུ་འཛིན་པའི་སེམས་སམ། བདག་ཡོངས་སུ་བསྐྱང་ཞིང་ཡོངས་སུ་གཟུང་བའི་སེམས་སམ།
D44.038.0355a07.01