完整藏文原文 · 德格版页 当前仅加载第 38 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་ཆོས་ཀྱི་རླབས་ཡོངས་སུ་སྐྱེད་དོ། །ཆོས་ཀྱི་རླབས་ཐམས་ཅད་ལ་ཆོས་ཀྱི་དགའ་བའི་ཤུགས་རྒྱ་མཚོ་རབ་ཏུ་ཐོབ་པར་བྱེད་དོ། །ཆོས་ཀྱི་དགའ་བའི་ཤུགས་རྒྱ་མཚོ་ཐམས་ཅད་ལས་རབ་ཏུ་ཐོབ་པར་བྱ་བའི་ཤུགས་མངོན་པར་སྒྲུབ་བོ། །སའི་ཤུགས་
D44.038.0144b01.01ཐམས་ཅད་ལ་ཏིང་ངེ་འཛིན་རྒྱ་མཚོའི་ཤུགས་མངོན་པར་སྒྲུབ་བོ། །ཏིང་ངེ་འཛིན་རྒྱ་མཚོའི་སྤྲིན་ཐམས་ཅད་ལ་སངས་རྒྱས་མཐོང་བ་རྒྱ་མཚོ་རབ་ཏུ་ཐོབ་པར་བྱེད་དོ། །སངས་རྒྱས་མཐོང་བ་རྒྱ་མཚོ་ཐམས་ཅད་ལ་སྣང་བ་རྒྱ་མཚོ་རབ་ཏུ་ཐོབ་པར་བྱེད་དོ། །སྣང་བ་རྒྱ་
D44.038.0144b02.01མཚོ་ཐམས་ཅད་ལ་དུས་གསུམ་གྱི་ཡེ་ཤེས་ཀྱི་དཀྱིལ་འཁོར་གྱིས་ཡོངས་སུ་གཞོག་པར་བྱེད་དོ། །ཕྱོགས་རྒྱ་མཚོ་མཐའ་དང་དབུས་མེད་པ་རྒྱས་པར་དགའ་བའི་ཚུལ་དང་། དེ་བཞིན་གཤེགས་པའི་སྔོན་གྱི་མཐའི་སྤྱོད་པ་རྒྱ་མཚོ་ཚད་མེད་པ་ལ་འཇུག་པའི་ཚུལ་དང་།
D44.038.0144b03.01དེ་བཞིན་གཤེགས་པའི་སྔོན་གྱི་སྦྱོར་བ་རྒྱ་མཚོ་ཚད་མེད་པའི་ཡེ་ཤེས་སྣང་བའི་ཚུལ་དང་། དེ་བཞིན་གཤེགས་པའི་དཀའ་བ་ཚད་མེད་པ་ཡོངས་སུ་གཏོང་བའི་ཡེ་ཤེས་སྣང་བ་རབ་ཏུ་ཐོབ་པར་བྱ་བའི་ཚུལ་དང་། དེ་བཞིན་གཤེགས་པའི་ཚུལ་ཁྲིམས་ཀྱི་དཀྱིལ་
D44.038.0144b04.01འཁོར་ཚད་མེད་པ་ཡོངས་སུ་དག་པ་སྣང་བར་བྱ་བའི་ཚུལ་དང་། དེ་བཞིན་གཤེགས་པའི་བཟོད་པའི་ཚད་མེད་པ་ཡོངས་སུ་སྦྱོང་བའི་ཚུལ་དང་། དེ་བཞིན་གཤེགས་པའི་བརྩོན་འགྲུས་ཆེན་པོའི་ཤུགས་ཚད་མེད་པ་རྣམ་པར་འཕེལ་བར་བྱ་བའི་མཐུའི་ཡེ་ཤེས་
D44.038.0144b05.01སྣང་བ་རབ་ཏུ་ཐོབ་པར་བྱ་བའི་ཚུལ་དང་། དེ་བཞིན་གཤེགས་པའི་བསམ་གཏན་གྱི་དཀྱིལ་འཁོར་དང་། བསམ་གཏན་གྱི་ཡན་ལག་རྒྱ་མཚོ་ཚད་མེད་པ་ཡོངས་སུ་དག་པར་བྱ་བའི་སྦྱོར་བས་སྣང་བ་རབ་ཏུ་ཐོབ་པར་བྱ་བའི་ཚུལ་དང་། དེ་བཞིན་གཤེགས་
D44.038.0144b06.01པའི་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་རྒྱ་མཚོ་ཚད་མེད་པ་ཡོངས་སུ་དག་པར་བྱ་བ་དང་། རྣམ་པར་དམིགས་པ་སྣང་བར་བྱ་བའི་ཚུལ་དང་། དེ་བཞིན་གཤེགས་པའི་ཐབས་མཁས་པའི་ཕ་རོལ་ཏུ་ཕྱིན་པའི་ཚུལ་རྒྱ་མཚོ་ཚད་མེད་པ་ལ་འཇུག་པར་བྱ་
D44.038.0144b07.01