完整藏文原文 · 德格版页 当前仅加载第 38 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
ཤའི་ཡལ་ག་ལ་མངོན་ཏུ་བལྟས་ཏེ། འདུད་ཅིང་ཕྱག་འཚལ་བར་འཁོད་པར་གྱུར་བ་འདི་ནི་སྔོན་གྱི་ལྟས་དགུ་པ་བྱུང་བའོ། །ཡང་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སྐུ་ལྟེ་བའི་དཀྱིལ་འཁོར་དག་ནས་བྱང་ཆུབ་སེམས་དཔའི་སྐྱེ་བས་རྣམ་པར་
D44.038.0209b01.01འཕྲུལ་པའི་སྒྲོན་མ་ཞེས་བྱ་བའི་འོད་ཟེར་མང་པོ་འཐོན་ཏེ། ལུམ་བི་ནིའི་ནགས་ཚལ་འདི་ཐམས་ཅད་སྣང་བར་བྱས་ནས་གནས་པར་གྱུར་ཏེ། འོད་ཟེར་གྱི་སྒོའི་དཀྱིལ་འཁོར་དེ་དག་ཐམས་ཅད་ལའང་དེ་བཞིན་གཤེགས་པ་དེ་དག་ཐམས་ཅད་ཀྱི་སྐྱེ་བས་རྣམ་
D44.038.0209b02.01པར་འཕྲུལ་པ་གཟུགས་བརྙན་དུ་གྱུར་པར་སྣང་བ་དང་། ཐོག་མ་བལྟམ་པའི་རྣམ་པར་འཕྲུལ་བ་དང་བཅས་པར་བྱང་ཆུབ་སེམས་དཔའི་ཡོན་ཏན་ཐམས་ཅད་ཀྱང་སངས་རྒྱས་ཀྱི་གསུང་གི་དབྱངས་དང་ལྡན་པར་འོད་ཟེར་གྱི་སྒོའི་དཀྱིལ་འཁོར་དེ་དག་ལས་
D44.038.0209b03.01སྒྲར་འཐོན་ཅིང་གྲགས་པར་གྱུར་པ་འདི་ནི་སྔོན་གྱི་ལྟས་བཅུ་པ་བྱུང་བའོ། །བྱང་ཆུབ་སེམས་དཔའི་སྐྱེ་བའི་དུས་ལ་བབ་པའི་ཚེ། སྔོན་གྱི་ལྟས་བཅུ་པོ་དེ་དག་བྱུང་བར་གྱུར་ཏེ། དེ་བྱུང་བས་འཇིག་རྟེན་གྱི་དབང་པོ་ཐམས་ཅད་ཀྱིས་ཀྱང་བྱང་ཆུབ་སེམས་དཔའ་
D44.038.0209b04.01འབྱུང་བར་འགྱུར་རོ་ཞེས་བྱ་བར་ཤེས་སོ། །རིགས་ཀྱི་བུ་དེ་ལྟར་ཁོ་མོ་སྔོན་གྱི་ལྟས་བཅུ་པོ་དེ་དག་མཐོང་བས་ཀྱང་དགའ་བའི་ཤུགས་བསམ་གྱིས་མི་ཁྱབ་པ་རབ་ཏུ་ཐོབ་བོ། །རིགས་ཀྱི་བུ་གཞན་ཡང་ལྷ་མོ་སྒྱུ་མ་གྲོང་ཁྱེར་ཆེན་པོ་སེར་སྐྱའི་གནས་ནས་བྱུང་བའི་ཚེ།
D44.038.0209b05.01ལུམ་བི་ནིའི་ནགས་ཚལ་འདིར་སྔོན་གྱི་ལྟས་སྣང་བ་ཆེན་པོ་བཅུ་བྱུང་བར་གྱུར་ཏེ། དེ་དག་བྱུང་བས་སེམས་ཅན་ཚད་མེད་པ་རྣམས་ཐམས་ཅད་མཁྱེན་པའི་ཆོས་ཀྱི་སྣང་བས་དགའ་བའི་ཤུགས་རྣམ་པར་འཕེལ་བར་གྱུར་ཏོ། །བཅུ་གང་ཞེ་ན། འདི་ལྟ་སྟེ། སའི་སྟེང་ན་
D44.038.0209b06.01གནས་པའི་རིན་པོ་ཆེའི་ཁང་བ་བརྩེགས་པ་ཐམས་ཅད་དུ་སྣང་བ་རབ་ཏུ་བྱུང་ངོ་། །རིན་པོ་ཆེའི་པདྨོ་ཁ་མ་བྱེ་བ་ཁ་འབྱེ་བར་གྱུར་པའི་འདབ་མ་ཐམས་ཅད་ལས་སྣང་བ་རབ་ཏུ་བྱུང་སྟེ། བལྟམ་པ་ལེགས་པར་བལྟམ་མོ་ཞེས་བྱ་བའི་སྒྲ་སྙན་པ་ཡང་དེ་དག་ལས་བྱུང་བར་
D44.038.0209b07.01