完整藏文原文 · 德格版页 当前仅加载第 38 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
སོ་སོའི་རྐྱེན་བཞིན་གོ་བར་བགྱི་བས་བསྟན། །ཁྱོད་ཀྱིས་སྲིད་པའི་རྒྱ་མཚོ་དག །ལས་ཀྱིས་རྣམ་བྲིས་སྣ་ཚོགས་གཟུགས་གཟིགས་ཤིང་། །ཆོས་ཀྱི་སྒྲིབ་པ་མེད་པའི་ལམ་བསྟན་ཏེ། །སེམས་ཅན་ཀུན་ཀྱང་རྣམ་པར་སྦྱོང་བ་མཛད། །ཁྱོད་སྐུ་
D44.038.0107b01.01མཚན་བྲིས་རྣམ་དག་ཀྱང་། །ཀུན་ཏུ་བཟང་པོའི་སྤྱོད་པ་དམ་པ་ཡིས། །སེམས་ཅན་བསམ་པའི་དབང་ཚུལ་དུ། །ཁྱོད་ནི་ལྷ་མོའི་སྐུ་གཟུགས་ས་སྟོན། །དེ་ནས་ཚོང་དཔོན་གྱི་བུ་ནོར་{བཟངས་ཀྱིས,བཟང་གིས}། མཚན་མོའི་ལྷ་མོ་རབ་ཏུ་དགའ་བའི་མིག་འགྲོ་
D44.038.0107b02.01བར་རྣམ་པར་སྣང་བ་ལ་ཚུལ་དང་འདྲ་བའི་ཚིགས་སུ་བཅད་པ་དེ་དག་གིས་མངོན་པར་བསྟོད་དེ། འདི་སྐད་ཅེས་སྨྲས་སོ། །ལྷ་མོ་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཞུགས་ནས་ཇི་སྲིད་ཅིག་ལགས། ལྷ་མོ་ཁྱོད་ཀྱིས་བྱང་ཆུབ་
D44.038.0107b03.01སེམས་དཔའི་རྣམ་པར་ཐར་པ་ཀུན་ཏུ་བཟང་པོའི་དགའ་བ་ཤིན་ཏུ་ཡངས་ཤིང་དྲི་མ་མེད་པའི་ཤུགས་ཀྱི་རྒྱལ་མཚན་འདི་ཐོབ་ནས་ཇི་སྲིད་ཅིག་ལགས། དེ་ནས་མཚན་མོའི་ལྷ་མོ་རབ་ཏུ་དགའ་བའི་མིག་འགྲོ་བར་རྣམ་པར་སྣང་བས། ཚོང་དཔོན་གྱི་བུ་ནོར་
D44.038.0107b04.01{བཟངས་,བཟང་}ལ་ཚིགས་སུ་བཅད་དེ་སྨྲས་པ། དྲན་པ་བསྐལ་པ་མང་འདས་པ། །ཞིང་གི་རྡུལ་སྙེད་དེ་ཡི་སྔ་རོལ་ན། །ཞིང་ནི་རིན་ཆེན་མདོག་བདེ་འབྱུང་། །དེ་ཡི་བསྐལ་པ་ཞི་བའི་དབྱངས་ཤེས་བྱ། །གླིང་བཞི་བྱེ་བ་ཁྲག་ཁྲིག་སྟེ། །བརྒྱ་སྟོང་ཕྲག་
D44.038.0107b05.01བཅུ་རྣམས་ཀྱིས་ཡོངས་སུ་གང་། །ཚད་མེད་རིན་ཆེན་རི་བོ་འདྲ། །གླིང་བཞི་བར་མ་བཟང་པོ་རྣམ་པར་བཀྲམ། ས། རྒྱལ་པོའི་ཕོ་བྲང་བྱེ་བ་བརྒྱ། །སྟོང་ཕྲག་བཅུ་རྣམས་ཡོངས་སུ་ཚང་བ་སྟེ། །རྒྱལ་པོའི་ཕོ་བྲང་མདངས་དགའ་བ། །དབུས་ན་གནས་
D44.038.0107b06.01པ་སྤོས་ཀྱི་རྒྱལ་མཚན་འོད། །དེར་ནི་ཕྱོགས་ཀྱི་དབང་པོ་ས་ཡི་བདག །འཁོར་ལོས་སྒྱུར་བ་མངོན་པར་གཟུགས་བཟང་བྱུང་། །མཚན་རབ་སུམ་ཅུ་གཉིས་དང་ལྡན། །དེ་ཡི་ལུས་ཀྱང་དཔེ་བྱད་བཟང་པོས་བརྒྱན། །པད་མོའི་སྦུབས་ནས་རྫུས་ཏེ་བྱུང་། །
D44.038.0107b07.01