完整藏文原文 · 德格版页 当前仅加载第 38 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའི་མངོན་པར་འདུ་བྱ་བ་ཐམས་ཅད་ལས་ཡོངས་སུ་གྲུབ་པའི་མཆོད་པ་རྣམ་པ་ཐ་དད་པ་དང་། བྱང་ཆུབ་སེམས་དཔའ་ཐམས་ཅད་དང་མཉམ་པའི་ལུས་ཀྱི་ཐལ་མོ་སྦྱར་བ་དང་། འགྲོ་བའི་ལུས་ཐམས་ཅད་དུ་ཡོངས་སུ་བྱུང་བའི་
D44.038.0290a01.01མིག་རྣམ་པ་སྣ་ཚོགས་ཀྱིས་བལྟ་བ་དང་། འགྲོ་བར་མིང་བཏགས་པ་ཐམས་ཅད་དུ་སྒྲོ་བཏགས་པའི་བྱང་ཆུབ་སེམས་དཔའ་ཐམས་ཅད་ཀྱི་ཆོས་མཉམ་པ་ཉིད་རྣམས་དང་། བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་གྱིས་སྤྲུལ་པ་ལས་བྱུང་བར་སྒྲོ་བཏགས་པའི་ལུས་ཀྱིས་
D44.038.0290a02.01བཏུད་ཅིང་ཕྱག་བྱ་བ་ཚད་མེད་པ་དང་། བྱང་ཆུབ་སེམས་དཔའ་ཐམས་ཅད་ཀྱི་དབྱངས་ཀྱི་ཡན་ལག་རྣམ་པར་དག་པ་ལས་བྱུང་བའི་ལེགས་པར་བརྗོད་པའི་རྒྱན་མངོན་པར་བསྒྲུབ་པ་དང་། སྔོན་གྱི་མཐའ་དང་ད་ལྟར་བྱུང་བའི་དུས་སུ་བྱུང་བའི་སེམས་ཅན་གྱི་གནས་ཐམས་ཅད་ཡོངས་
D44.038.0290a03.01སུ་རྒྱས་པའི་དེ་བཞིན་གཤེགས་པའི་ཕོ་བྲང་མངོན་དུ་བྱས་པའི་འདུ་ཤེས་ཀྱི་རྣམ་པ་དང་། དེ་བཞིན་གཤེགས་པ་དང་། བྱང་ཆུབ་སེམས་དཔའི་རྣམ་པར་འཕྲུལ་བས་མངོན་པར་རྫོགས་པར་འཚང་རྒྱ་བ་ཐམས་ཅད་དུ་ཁྱབ་པ་དང་། སྐྲའི་རྩེ་མོ་གཅིག་ལས་ཀྱང་ལྷག་པ་
D44.038.0290a04.01མེད་པར་བྱང་ཆུབ་སེམས་དཔའ་ཐམས་ཅད་ཀྱི་ལུས་ཀྱིས་རྒྱས་པར་འགེངས་བའི་རྗེས་སུ་སོང་བ་དང་། བྱང་ཆུབ་སེམས་དཔའ་ཐམས་ཅད་ཀྱི་མིག་གི་ལམ་རྣམ་པར་དག་པར་སྒྲོ་བཏགས་པའི་མངོན་པར་ཤེས་པ་སྣང་བས་རྣམ་པར་{དམྱིགས་,དམིགས་}པ་དང་། ཕྱོགས་ཀྱི་དྲ་བ་ཐ་དད་
D44.038.0290a05.01པ་ཐམས་ཅད་ཀྱི་རྗེས་སུ་སོང་བའི་ཡིད་ཀྱི་སྐྱེ་མཆེད་དང་། ཆོས་ཀྱི་དབྱིངས་ཀྱི་གཞི་ཐ་དད་པ་རྒྱས་པར་འགེངས་པའི་སྨོན་ལམ་མངོན་པར་བསྒྲུབས་པའི་སྟོབས་དང་། ཆོས་ཐམས་ཅད་ལ་འཇུག་པའི་སྒོ་ནམ་མཁའི་དབྱིངས་ཀྱིས་ཀླས་ཏེ། མཐས་གཏུགས་པ་ཐམས་ཅད་དུ་
D44.038.0290a06.01ཁྱབ་ལ། དུས་གསུམ་དུ་ཐ་མི་དད་ཅིང་རྒྱུན་མི་འཆད་པ་དང་། དད་པ་དང་མོས་པ་ལ་འཇུག་པའི་སྟོབས་དགེ་བའི་བཤེས་གཉེན་གྱི་གདམས་ངག་སྣང་བའི་ཕྱོགས་ལ་ཞུགས་པས་ཡུལ་རྒྱ་མཚོའི་འགྲམ་གང་ན་བ་དེར་ཕྱིན་ཏེ། དེ་ལྟར་ཚོང་དཔོན་གྱི་བུ་ནོར་{བཟངས་,བཟང་}རིམ་
D44.038.0290a07.01