完整藏文原文 · 德格版页 当前仅加载第 38 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
ལྗན་ལྗིན་ཏུ་འགྱུར་བའམ། ཐོགས་པར་འགྱུར་བའམ། གསེབ་འགང་བར་འགྱུར་བ་མེད་དོ། །མི་ཆེན་པོའི་མཚན་སོ་མཉམ་པ་རབ་ཏུ་ཐོབ་པར་གྱུར་ཏེ། སོ་མཉམ་ཞིང་རྡ་རྡོ་མེད་པ་དང་། སོ་ལྷག་མེད་པ་དང་། སོ་ཞུམ་པ་མེད་པ་དང་། སོ་གྱེས་པ་མེད་པ་དང་
D44.038.0233b01.01སོ་ཐོག་དྲུང་མཉམ་པ་དང་། སོ་རྡོ་བ་མེད་པར་གྱུར་ཏོ། །གཞོན་ནུ་དེའི་མཆེ་བ་ཤིན་ཏུ་དཀར་བར་གྱུར་ཏེ། མཆེ་བ་ཤིན་ཏུ་གསལ་བ། མཆེ་བ་ཤིན་ཏུ་དག་པ། མཆེ་བ་ཤིན་ཏུ་བརྟན་པར་གྱུར་ཏོ། །མི་ཆེན་པོའི་མཚན་ལྕེ་ཤིན་ཏུ་ཡངས་པ་ཡང་
D44.038.0233b02.01རབ་ཏུ་ཐོབ་པར་གྱུར་ཏེ། དེའི་ལྕེ་ནི་ཤིན་ཏུ་ཡངས་ལ་སྲབ་ཅིང་མཉེན་ཏེ། ཤིན་ཏུ་འཇམ་པ་དང་། ལས་སུ་རུང་བ་དང་། ཡིད་དུ་འོང་བ་དང་བསྒྱུར་ན་བདེ་བ་དང་། གདོང་གི་དཀྱིལ་འཁོར་ཀུན་ཏུ་འགེབས་པ་དང་། བདེན་ཞིང་ཕན་པར་འགྱུར་བའི་དོན་དང་།
D44.038.0233b03.01ཡི་གེ་དང་ངག་དང་ངེས་པའི་ཚིག་ཐོགས་པ་མེད་པར་བརྗོད་པར་གྱུར་ཏོ། །གཞོན་ནུ་དེ་ཚངས་པའི་དབྱངས་དང་ལྡན་པར་གྱུར་ཏེ། དབྱངས་ཡིད་དུ་འོང་བ་དང་། རོལ་མོའི་སྒྲ་དང་། གླུའི་ང་རོ་དང་། སིལ་སྙན་ཀྱི་དབྱངས་དང་། སྒྲ་སྐད་དང་བརྗོད་ཅིང་
D44.038.0233b04.01སྨྲ་བའི་ཚིག་གི་ལས་ཡིད་དུ་འོང་བ་བརྗོད་པས་ངག་གི་ལས་མངོན་པར་དགའ་བ་སྐྱེད་པ། འཇིག་རྟེན་ཐམས་ཅད་མངོན་པར་འདུན་པར་འགྱུར་བར་ཚངས་པ་ལས་ཀྱང་ལྷག་པའི་དབྱངས་ཀྱི་ངག་རྗོད་དེ། འཁོར་གྱི་དཀྱིལ་འཁོར་ལས་ཀྱང་
D44.038.0233b05.01གུད་དུ། མི་འདའ་བར་ཐམས་ཅད་ཀྱི་ཡིད་དང་། མཐུན་པར་བྱེད་པ་དང་ལྡན་པར་གྱུར་ཏོ། །གཞོན་ནུ་དེ་ནི། མིག་དཀར་ནག་འབྱེས་པར་གྱུར་ཏེ། མིག་ཤིན་ཏུ་དང་བ་དང་། མིག་ཡོངས་སུ་དག་པ་དང་།
D44.038.0233b06.01མིག་ལ་འོད་ཆགས་པ་དང་། མིག་རྣམ་པར་གསལ་བ་དང་། མིག་མངོན་པར་མཛེས་པ་དང་། མིག་བལྟ་ན་སྡུག་པ་དང་། མིག་ཡིད་དུ་འོང་བ་དང་། མིག་འཛུམ་པ་དང་ལྡན་པར་གྱུར་ཏོ། །གཞོན་ནུ་དེ་ནི་རྫི་མ་བའི་རྫི་མ་ལྟ་བུ་དང་ལྡན་པར་
D44.038.0233b07.01