完整藏文原文 · 德格版页 当前仅加载第 38 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
སྙེད་ཅིག་བསྙེན་བཀུར་ཏོ། །བསྐལ་པ་སྙིང་རྗེ་བཟང་པོ་ཞེས་བྱ་བ་ཞིག་བྱུང་བ་དེ་ལ་ཁོ་མོས་དེ་བཞིན་གཤེགས་པ་ཆུ་ཀླུང་གང་གཱ་བརྒྱད་ཅུའི་བྱེ་མ་སྙེད་ཅིག་བསྙེན་བཀུར་ཏོ། །བསྐལ་པ་རྒྱལ་བར་གྱུར་པ་ཞེས་བྱ་བ་ཞིག་བྱུང་བ་དེ་ལ་ཁོ་མོས་དེ་བཞིན་གཤེགས་པ་ཆུ་ཀླུང་
D44.038.0272b01.01གངྒཱ་དྲུག་ཅུའི་བྱེ་མ་སྙེད་ཅིག་བསྙེན་བཀུར་ཏོ། །བསྐལ་པ་ཟླ་བ་བཟང་པོ་ཞེས་བྱ་བ་ཞིག་བྱུང་བ་དེ་ལ་ཁོ་མོས་དེ་བཞིན་གཤེགས་པ་ཆུ་ཀླུང་གང་གཱ་བདུན་ཅུའི་བྱེ་མ་སྙེད་ཅིག་བསྙེན་བཀུར་ཏོ། །རིགས་ཀྱི་བུ་དེ་ལྟར་ཚུལ་དེ་བཞིན་དུ་ཁོ་མོ་རྟག་ཏུ་རྒྱུན་མ་ཆད་པར་
D44.038.0272b02.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་བྲལ་བར་མ་གྱུར་པ་ནི་བསྐལ་པ་ཆུ་ཀླུང་གངྒཱའི་བྱེ་མ་སྙེད་ཅིག་དྲན་ཏེ། ཁོ་མོས་དེ་བཞིན་གཤེགས་པ་དེ་དག་ཐམས་ཅད་ལས་བྱང་ཆུབ་སེམས་དཔའི་རྣམ་པར་ཐར་པ་དྲན་
D44.038.0272b03.01པ་ཐོགས་པ་མེད་ལ་རྣམ་པར་དག་པས་བརྒྱན་པ་འདི་ཐོས་སོ། །ཐོས་ནས་ཀྱང་ཡོངས་སུ་བཟུང་ངོ་། །ཇི་སྐད་དུ་གསུངས་པ་བཞིན་དུ་ཁོང་དུ་ཆུད་དོ། །རྣམ་པར་ཐར་པ་འདི་ཉིད་ལ་ཁོ་མོ་རྟག་ཏུ་རྒྱུན་མ་ཆད་པར་རྗེས་སུ་ཞུགས་པར་གནས་གནས་
D44.038.0272b04.01ཏེ། དེ་བཞིན་གཤེགས་པ་དེ་དག་གི་བྱང་ཆུབ་སེམས་དཔའི་ས་ཉེ་བར་བཟུང་བ་ནས་དམ་པའི་ཆོས་གནས་པ་ཟད་པའི་མཐར་ཐུག་གི་བར་གྱི་སངས་རྒྱས་ཀྱི་རྣམ་པར་འཕྲུལ་པ་ཇི་སྙེད་པ་དེ་དག་ཐམས་ཅད་ཀྱང་བྱང་ཆུབ་སེམས་དཔའི་རྣམ་པར་ཐར་པ་དྲན་པ་ཐོགས་པ་མེད་
D44.038.0272b05.01ལ་རྣམ་པར་དག་པས་བརྒྱན་པ་འདི་དྲན་ནོ། །རྗེས་སུ་དྲན་ནོ། །བཟུང་ངོ་། །ཡོངས་སུ་བཟུང་ངོ་། །ཉེ་བར་བཟུང་ངོ་། །རྗེས་སུ་འབྲང་བར་བྱེད་དོ། །རིགས་ཀྱི་བུ་ཁོ་མོས་བྱང་ཆུབ་སེམས་དཔའི་རྣམ་པར་ཐར་པ་འདི་ཤེས་པར་ཟད་ན། ཁོ་མོས་
D44.038.0272b06.01བྱང་ཆུབ་སེམས་དཔའ་མུན་པའི་མུན་ནག་དང་བྲལ་བ། འཁོར་བའི་ནམ་ནངས་པ། སྒྲིབ་པ་དང་བྲལ་བ། གཉིད་མེད་པ་ལ་མོས་ཤིང་། དགའ་བ་སྙོམས་པ་དང་། ལེ་ལོ་རྣམ་པར་སྤངས་པ། ལུས་ཀྱི་འདུ་བྱེད་ཤིན་ཏུ་བྱང་བ། རྟག་པར་ཆོས་ཐམས་ཅད་ཀྱི་རང་
D44.038.0272b07.01