完整藏文原文 · 德格版页 当前仅加载第 38 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་བཞིན། །འཁོར་བའི་ཞགས་པ་ཀུན་ལས་རྣམ་པར་གྲོལ། །རྒྱལ་སྲས་དེ་དག་འདི་ན་གནས། །རྒྱལ་བ་རྣམས་ཀྱི་ཞབས་དྲུང་ཐམས་ཅད་ཀུན་ན་ཡང་། །ཞིང་རྣམས་ཀུན་ཏུ་རབ་ཏུ་
D44.038.0297a01.01སྣང་། །མཐའ་ཡས་བསྐལ་པ་རྣམས་ཀྱང་ཟད་པར་མཛད། །འདི་ནས་འགྲོ་བའི་ལུས་མཉམ་དང་། །རྒྱལ་སྲས་ཀུན་གྱི་ལུས་དང་གྲངས་མང་མཉམ་པ་ཡི། །སྤྲུལ་པའི་སྤྲིན་གྱིས་ཕྱོགས་ཀྱི་རྣམས། །མ་ལུས་ཐམས་
D44.038.0297a02.01ཅད་རྒྱས་པར་འགེངས་པ་མཛད། །འདི་ན་བཞུགས་པའི་དཔའ་བོ་རྣམས། །རྒྱལ་བའི་སྤྱོད་ཡུལ་ཐམས་ཅད་ཡོངས་སུ་འཇལ་བྱེད་ཅིང་། །བསྐལ་པ་བྱེ་བར་རྣམ་སྤྱོད་ཀྱང་། །ཡོངས་སུ་ངོམས་པར་འགྱུར་བའི་དུས་
D44.038.0297a03.01མེད་དོ། །འདིར་ནི་ཏིང་འཛིན་བྱེ་བ་རྣམས། །བརྗོད་དུ་མེད་པ་སྐད་ཅིག་རེ་རེ་རྟོགས་བྱས་ཤིང་། །ཏིང་ངེ་འཛིན་གྱི་ཚུལ་བཞིན་དུ། །སངས་རྒྱས་ཡུལ་རྣམས་རྣམ་པར་སྟོན་པ་མཛད། །འདིར་ནི་སྐད་ཅིག་བརྗོད་མེད་པའི། །
D44.038.0297a04.01བསྐལ་བ་ཞིང་རྣམས་སངས་རྒྱས་མཚན་ལ་རབ་བཞུགས་ཏེ། །ཤིན་ཏུ་ཡངས་པའི་བློ་ལྡན་པ། །བསྐལ་པ་དཔག་ཏུ་མེད་པའི་མཐར་ཡང་འབྱིན། །འདི་ན་གནས་ཤིང་ཚད་མེད་པའི། །བསྐལ་པར་སེམས་རྒྱུད་གཅིག་གིས་རབ་ཏུ་འཇུག་
D44.038.0297a05.01པ་བྱེད། །ཡོངས་རྟོག་འདུ་ཤེས་མེད་བྲལ་ཡང་། །འགྲོ་བའི་འདུ་ཤེས་དབང་དུ་སྟོན་པ་བྱེད། །དེ་དག་ཏིང་འཛིན་འདི་གནས་སུ། །ཞུགས་ཀྱང་དུས་གསུམ་ཐམས་ཅད་གསལ་བར་མངོན་དུ་མཐོང་། །སྐད་ཅིག་ཡུད་ལ་གནས་
D44.038.0297a06.01བརྟེན་ཅིང་། །རྣམ་ཐར་གནས་ལ་རྣམ་པར་སྤྱོད་པ་མཛད། །དེ་དག་རྣམ་སྤྱོད་གནས་འདི་ན། །མ་གཡོས་ལུས་ཀྱིས་སྐྱིལ་མོ་ཀྲུང་དུ་འཁོད་བཞིན་དུ། །ཞིང་རྣམས་ཐམས་ཅད་ཀུན་ཏུ་ཡང་། །ཐམས་ཅད་ཁྱབ་པར་ཅིག་ཅར་ཡོངས་སུ་སྣང་། །ཁྱུ་མཆོག་
D44.038.0297a07.01