完整藏文原文 · 德格版页 当前仅加载第 38 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
རང་ལ་རག་ལས་པའི་གནས་ལ་རྣམ་པར་སྤྱོད་པ་དེ་དག་གི་གནས་སོ། །འདི་ནི་གང་དེ་དག་འཇིག་རྟེན་གྱི་གནས་ཐམས་ཅད་ལས་གྱེན་དུ་འཕགས་ཀྱང་སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་འགྲོ་བ་ཐམས་ཅད་ཀྱི་གནས་ན་སྣང་
D44.038.0293a01.01བ་དང་། གང་དེ་དག་ཞིང་ཐམས་ཅད་ལ་མི་གནས་ཀྱང་། དེ་བཞིན་གཤེགས་པ་ཐམས་ཅད་ལ་མཆོད་པ་བྱ་བའི་ཕྱིར་ཞིང་ཐམས་ཅད་དུ་རྗེས་སུ་སྤྱོད་པ་དང་། གང་དེ་དག་སངས་རྒྱས་ཀྱི་ཞིང་ཐམས་ཅད་ཀྱི་རྒྱན་ཡོངས་སུ་གཟུང་བའི་ཕྱིར་ཞིང་ཐམས་ཅད་དུ་རྗེས་
D44.038.0293a02.01སུ་སྤྱོད་ཀྱང་གནས་ནས་གཡོ་བ་མེད་པ་དང་། གང་དེ་དག་དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་ན་འདུག་ཀྱང་སངས་རྒྱས་ཀྱི་འདུ་ཤེས་སུ་མངོན་པར་ཞེན་པ་དང་བྲལ་བ་དང་། གང་དེ་དག་དགེ་བའི་བཤེས་གཉེན་ཐམས་ཅད་ལ་རྟེན་པའི་གནས་ལ་རྣམ་
D44.038.0293a03.01པར་སྤྱོད་ཀྱང་འགྲོ་བ་ཐམས་ཅད་ན་དེའི་ཡེ་ཤེས་ལ་མཉམ་ཞིང་འདྲ་བ་མེད་པ་དང་། གང་དེ་དག་བདུད་ཀྱི་གནས་ཐམས་ཅད་ན་སྤྱོད་ཀྱང་འདོད་པའི་ཡོན་ཏན་གྱི་དགའ་བ་དང་བྲལ་བ་དང་། གང་དེ་དག་འདུ་ཤེས་ཀྱི་རྣམ་པའི་གནས་ཐམས་ཅད་ལ་རྣམ་པར་སྤྱོད་ཀྱང་འདུ་ཤེས་
D44.038.0293a04.01ཀྱི་རྣམ་པ་ཐམས་ཅད་རྣམ་པར་བསྩལ་བའི་ཡིད་དང་ལྡན་པ་དང་། གང་དེ་དག་འགྲོ་བ་ཐམས་ཅད་དུ་ཁྱབ་པའི་ལུས་དང་ལྡན་ཡང་བདག་དང་སེམས་ཅན་དུ་གཉིས་སུ་བྱ་བར་མི་སྤྱོད་པ་དང་། གང་དེ་དག་འཇིག་རྟེན་གྱི་ཁམས་ཐམས་ཅད་ཀྱི་ཁོངས་སུ་ཆུད་པའི་ལུས་དང་ལྡན་
D44.038.0293a05.01ཡང་། ཆོས་ཀྱི་དབྱིངས་ཐ་དད་དུ་བྱ་བའི་གནས་ལ་རྣམ་པར་མི་སྤྱོད་པ་དང་། གང་དེ་དག་མ་འོངས་པའི་བསྐལ་པ་ཐམས་ཅད་དུ་གནས་པར་བྱ་བའི་སྨོན་ལམ་དང་ལྡན་ཡང་། བསྐལ་པ་རིང་བ་དང་། ཐུང་བའི་འདུ་ཤེས་ཀྱི་རྣམ་པས་རྣམ་པར་མི་སྤྱོད་པ་དང་། གང་དེ་དག་སྐྲའི་རྩེ་མོ་
D44.038.0293a06.01གཅིག་ནས་མི་གཡོ་ཡང་། འཇིག་རྟེན་གྱི་ཁམས་ཐམས་ཅད་དུ་སྣང་བ་དེ་ལྟ་བུ་བསྒྲུབ་དཀའ་བའི་ཆོས་ཀྱི་ཕྱོགས་ལ་འཇུག་པ་རྣམ་པར་སྤྱོད་པ་དེ་དག་གིས་གནས་སོ། །འདི་ནི་ཟབ་མོའི་གནས་ལ་རྣམ་པར་སྤྱོད་པ་མི་གཉིས་པའི་གནས་ལ་རྣམ་པར་སྤྱོད་པ། མཚན་
D44.038.0293a07.01