完整藏文原文 · 德格版页 当前仅加载第 38 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སེམས་ཅན་གྱི་ཁམས་འབྱུང་བའི་རྒྱུ་ཐོས་པ་ཐོབ་པ་དང་མ་བྲལ་ལོ། །འགྲོ་བ་ཐམས་ཅད་ཀྱི་ཉོན་མོངས་པའི་དྲ་བའི་དཀྱིལ་འཁོར་ཡོངས་སུ་ཟད་པར་བྱ་བའི་ཡེ་ཤེས་སྣང་བ་དང་མ་བྲལ་ལོ། །སེམས་ཅན་ཐམས་ཅད་ཀྱི་དགེ་བའི་རྩ་བ་འབྱུང་བའི་རྒྱུའི་ཡེ་ཤེས་ཐོབ་པ་དང་མ་བྲལ་ལོ། །
D44.038.0041b01.01སེམས་ཅན་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་ལུས་ཡོངས་སུ་སྟོན་པ་དང་མ་བྲལ་ལོ། །སེམས་ཅན་ཐམས་ཅད་ཀྱི་ཤེས་པར་བྱེད་པའི་དབྱངས་ཀྱི་དཀྱིལ་འཁོར་རྣམ་པར་དག་པ་དང་མ་བྲལ་ལོ། །རིགས་ཀྱི་བུ་ཁོ་མོ་བྱང་ཆུབ་སེམས་དཔའི་རྣམ་པར་ཐར་བའི་སྒོ་ཐུབ་པར་དཀའ་
D44.038.0041b02.01བའི་ཡེ་ཤེས་ཀྱི་སྙིང་པོ་འདི་དང་། ཆོས་ཐམས་ཅད་ཡོངས་སུ་བཙལ་བས་མི་སྐྱོ་བའི་རྒྱན་གྱི་ཏིང་ངེ་འཛིན་གྱི་སྒོ་འདི་ལ་སྙོམས་པར་ཞུགས་ཏེ། བྱང་ཆུབ་སེམས་དཔའི་སྤྱོད་པའི་སྒོ་ཡི་དམ་ལ་བརྟན་པ་འདི་རྣམ་པར་ཕྱེ་བ་དང་། གཟུངས་ཀྱི་སྒོ་ཆོས་ཐམས་ཅད་མཉམ་པ་ཉིད་
D44.038.0041b03.01ཀྱིས་འདི་དང་། སྤོབས་པའི་ཡེ་ཤེས་སྣང་བའི་སྒོ་ཆོས་ཀྱི་གཞི་ཐམས་ཅད་སྣང་བར་བརྗོད་པ་འདི་རྣམ་པར་ཕྱེ་བ་དང་། ཆོ་འཕྲུལ་བསམ་གྱིས་མི་ཁྱབ་པ་ཡོད་ན་རིགས་ཀྱི་བུ་ཁྱོད་མངོན་སུམ་དུ་བལྟ་བར་འདོད་དམ། སྨྲས་པ། འཕགས་མ་འཚལ་ལོ། དེ་ནས་དགེ་བསྙེན་མ་མི་
D44.038.0041b04.01གཡོ་བ་དེ་ན་དེ་ལྟར་འདུག་བཞིན་དུ་བྱང་ཆུབ་སེམས་དཔའི་རྣམ་པར་ཐར་པའི་སྒོ་ཐུབ་པར་དཀའ་བའི་ཡེ་ཤེས་ཀྱི་སྙིང་པོ་ལ་{སྩོགས་,སོགས་}པ་དང་། ཏིང་ངེ་འཛིན་གྱི་སྒོ་ཐམས་ཅད་ཡོངས་སུ་བཙལ་བས་མི་སྐྱོ་བའི་རྒྱན་ལ་{སྩོགས་,སོགས་}པ་དང་། ཏིང་ངེ་འཛིན་གྱི་སྒོ་དོན་ཡོད་པའི་དཀྱིལ་
D44.038.0041b05.01འཁོར་གྱི་རྒྱན་ལ་{སྩོགས་,སོགས་}པ་དང་། ཏིང་ངེ་འཛིན་གྱི་སྒོ་སྟོབས་བཅུའི་ཡེ་ཤེས་ཀྱི་དཀྱིལ་འཁོར་མངོན་དུ་འགྱུར་བ་ལ་{སྩོགས་,སོགས་}པ་དང་། ཏིང་ངེ་འཛིན་གྱི་སྒོ་སངས་རྒྱས་ཀྱི་རིགས་མི་ཟད་པའི་མཛོད་ལ་{སྩོགས་,སོགས་}པ་ཏིང་ངེ་འཛིན་གྱི་སྒོ་བརྒྱ་སྟོང་ཕྲག་བཅུ་ལ་རྣམ་པར་བལྟ་བ་དང་། རྣམ་
D44.038.0041b06.01པར་དཔྱད་པ་དང་། རྗེས་སུ་འཇུག་པ་དང་། ངེས་པར་རྟོགས་པར་བྱས་སོ། །དེ་ལྟར་དགེ་བསྙེན་མ་མི་གཡོ་བ་སྙོམས་པར་ཞུགས་མ་ཐག་ཏུ་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}ཕྱོགས་བཅུར་འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྗོད་དུ་མེད་པ་ཕྲག་བཅུའི་རྡུལ་ཤིན་ཏུ་ཕྲ་བ་
D44.038.0041b07.01