完整藏文原文 · 德格版页 当前仅加载第 38 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་གྱིས། ཕ་ཟད་ཅིག་ནས་ཚུར་གཤེགས་པ་མཐོང་ནས། དེ་བཞིན་གཤེགས་པ་ལ་སེམས་མངོན་པར་མོས་པར་གྱུར་ཏོ། །དེ་ནས་རྒྱལ་པོ་གཞོན་ནུ་རྣམ་པར་རྒྱལ་བ་དང་། འགྲོ་བའི་ཚོགས་ཆེན་པོ་དེ་དག་གིས་བཅོམ་ལྡན་འདས་དེ་བཞིན་
D44.038.0194a01.01གཤེགས་པ་ཆོས་ཀྱི་འཁོར་ལོའི་སྒྲ་ནམ་མཁའི་སྤྲིན་གྱི་སྒྲོན་མའི་རྒྱལ་པོ་དེ། ཕ་ཟད་དུ་བསུ་ནས་མོས་པའི་སེམས་ཀྱིས་ལུས་ཐམས་ཅད་ཀྱིས་ཕབ་སྟེ་ཕྱག་འཚལ་ནས། ཞབས་གཉིས་ལ་སྤྱི་བོས་གཏུགས་ཏེ། མཆོད་པ་རྣམ་པ་སྣ་ཚོགས་ཀྱིས་ཡང་དག་
D44.038.0194a02.01པར་མཆོད་ནས་ཚིག་འདི་སྐད་དུ་བརྗོད་དོ། །བཅོམ་ལྡན་འདས་ཚུར་གཤེགས་སུ་གསོལ། བདེ་བར་གཤེགས་པ་ཚུར་གཤེགས་སུ་གསོལ། དེ་བཞིན་གཤེགས་པས་བདག་ཅག་དགོངས་སོ། །བདེ་བར་གཤེགས་པས་བདག་ཅག་ཡོངས་སུ་བཟུང་ངོ་། །དེ་ནས་རྒྱལ་
D44.038.0194a03.01པོ་གཞོན་ནུ་རྣམ་པར་རྒྱལ་བས་བཅོམ་ལྡན་འདས་ལ་གདན་དམ་པས་བསྟབས་ཏེ། འདི་སྐད་ཅེས་གསོལ་ཏོ། །བཅོམ་ལྡན་འདས་གདན་བཏིང་བ་འདིར་བཞུགས་སུ་གསོལ་ཞེས་ནས་བཅོམ་ལྡན་འདས་དེར་གཤེགས་པ་དང་གདན་དེ་ཡང་གཙང་སྦྲ་
D44.038.0194a04.01ལྷུར་ལེན་པའི་ལུས་ཀྱི་རིས་སུ་གཏོགས་པའི་ལྷ་རྣམས་ཀྱིས་སངས་རྒྱས་ཀྱི་བྱིན་གྱིས་རིན་པོ་ཆེ་སྤོས་ཀྱི་རྒྱལ་པོའི་པདྨོའི་སྙིང་པོ་ཅན་དུ་བྱིན་གྱིས་བརླབས་ནས། གདན་དེ་ལ་བཅོམ་ལྡན་འདས་ཆོས་ཀྱི་འཁོར་ལོའི་སྒྲ་ནམ་མཁའི་སྤྲིན་གྱི་སྒྲོན་མའི་རྒྱལ་པོ་དེ་བཞིན་གཤེགས་པ་
D44.038.0194a05.01བཞུགས་སོ། །འཁོར་གྱི་སྟན་དེ་དག་ལ་བྱང་ཆུབ་སེམས་དཔའ་རྣམས་འཁོད་དེ། དེའི་ཞལ་མཐོང་མ་ཐག་ཏུ་འཁོར་དེའི་སེམས་ཅན་ཐམས་ཅད་ཀྱང་། སྒྲིབ་པ་ཐམས་ཅད་དང་བྲལ་ཏེ། ནད་ཐམས་ཅད་ཀྱང་ཞི་བར་གྱུར་ནས། འཕགས་པའི་ཆོས་ཀྱི་སྣོད་
D44.038.0194a06.01དུ་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཆོས་ཀྱི་འཁོར་ལོའི་སྒྲ་ནམ་མཁའི་སྤྲིན་གྱི་སྒྲོན་མའི་རྒྱལ་བོས་སེམས་ཅན་དེ་དག་སྣོད་དུ་གྱུར་པར་ཐུགས་སུ་ཆུད་ནས། བསྟན་པ་རིམ་པས་བཀའ་སྩལ་ཏེ། འདི་ལྟར་རྒྱུའི་དཀྱིལ་འཁོར་རབ་ཏུ་སྣང་
D44.038.0194a07.01