完整藏文原文 · 德格版页 当前仅加载第 38 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲ་སྒྲོག་པར་བྱེད། ལྷ་རྫས་ཀྱི་གཞལ་མེད་ཁང་དང་རྒྱན་གྱི་ཚོགས་མང་པོ་ནི་རབ་ཏུ་འཁྲོལ་བར་བྱེད། བ་ལང་དང་། ཁྱུ་མཆོག་དང་། གླང་པོ་དང་། སྟག་དང་། {རི་དགས་,རི་དྭགས་}ཀྱི་དབང་པོ་ནི་རབ་ཏུ་སྒྲ་འབྱིན་པར་བྱེད། ལྷ་དང་
D44.038.0078a01.01ལྷ་མ་ཡིན་དང་། ཀླུ་དང་འབྱུང་པོའི་དབང་པོ་རྣམས་ནི་འབྲུག་སྒྲ་འབྱིན་པར་བྱེད། རིའི་དབང་པོ་ཆེན་པོ་རྣམས་ནི་ཕན་ཚུན་ཐུག་པར་བྱེད། གཏེར་གྱི་ཚོགས་བྱེ་བ་བརྒྱ་སྟོང་ནི་མངོན་དུ་བྱུང་བར་བྱེད་ཅིང་སའི་འོག་ནས་འཐོན་ཏོ། །དེ་ནས་སའི་ལྷ་མོ་
D44.038.0078a02.01བརྟན་མས་ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་འདིར་འོངས་པ་ལེགས་སོ། །སའི་ཕྱོགས་འདི་ནི་སྔོན་ཁྱོད་ཀྱི་གནས་སུ་གྱུར་ཏེ། ཁོ་མོའི་མངོན་སུམ་དུ་དགེ་བའི་རྩ་བ་བསྐྱེད་པ་ཡིན་ན། དེའི་རྣམ་
D44.038.0078a03.01པར་སྨྱིན་པའི་ཕྱོགས་འགའ་ཙམ་བལྟ་བར་འདོད་དམ། དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}སའི་ལྷ་མོ་བརྟན་མའི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། སའི་ལྷ་མོ་བརྟན་མ་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ནས།
D44.038.0078a04.01སའི་ལྷ་མོ་བརྟན་མའི་མདུན་དུ་འདུག་སྟེ་ཐལ་མོ་སྦྱར་ནས་འདི་སྐད་ཅེས་སྨྲས་སོ། །འཕགས་མ་འཚལ་ལོ། །དེ་ནས་སའི་ལྷ་མོ་བརྟན་མས་རྐང་པའི་མཐིལ་གྱིས་ས་ཆེན་པོ་ལ་བརྡབས་ཏེ། རིན་པོ་ཆེའི་གཏེར་བྱེ་བ་བརྒྱ་སྟོང་གྲངས་མེད་པ་རབ་ཏུ་བརྒྱན་
D44.038.0078a05.01པ་བསྟན་ནས་འདི་སྐད་ཅེས་སྨྲས་སོ། །རིགས་ཀྱི་བུ་རིན་པོ་ཆེའི་གཏེར་བྱེ་བ་ཁྲག་ཁྲིག་བརྒྱ་སྟོང་འདི་དག་ཀྱང་ཁྱོད་ཀྱི་རྗེས་སུ་འབྲང་བའོ། །ཁྱོད་ཀྱི་སྔོན་དུ་འགྲོ་བའོ། །ཁྱོད་ཀྱིས་ཅི་དགར་སྤྱད་པའོ། །ཁྱོད་ཀྱི་བསོད་ནམས་ཀྱི་རྣམ་པར་
D44.038.0078a06.01སྨིན་པ་ལས་བྱུང་བའོ། །ཁྱོད་ཀྱི་བསོད་ནམས་ཀྱི་སྟོབས་ཀྱིས་བསྲུངས་པའོ། །འདི་ལས་ལོང་སྟེ། ཁྱོད་ཀྱིས་ཅི་དགོས་པ་དེ་དག་གྱིས་ཤིག །རིགས་ཀྱི་བུ་གཞན་ཡང་ཁོ་མོ་ནི་བྱང་ཆུབ་སེམས་དཔའི་རྣམ་པར་ཐར་པ་ཡེ་ཤེས་ཐུབ་པར་དཀའ་
D44.038.0078a07.01