完整藏文原文 · 德格版页 当前仅加载第 38 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
གོ་པས་དོན་དེ་ཉིད་ཡོངས་སུ་བསྟན་པར་བྱ་བའི་ཕྱིར། སངས་རྒྱས་ཀྱི་བྱིན་གྱིས་ཕྱོགས་བཅུར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རླབས་ཆེན་དྲི་མེད་བློ་ལྡན་གཞན་གྱི་དོན་ཞུགས་ཤིང་། དགེ་བཤེས་དམ་པ་
D44.038.0225a01.01བསྙེན་བརྩོན་གཡོ་དང་སྒྱུ་མེད་པ། །སྟོན་པའི་འདུ་ཤེས་ཐོབ་ཅིང་སྐྱོ་མེད་བརྩོན་འགྲུས་ཅན། །དེ་དག་སྤྱོད་པ་འཇིག་རྟེན་མིག་འཕྲུལ་འདྲ་འདི་ཡིན། །གང་རྣམས་མོས་པ་རླབས་ཆེན་མཁའ་དང་འདྲ་ལྡན་ཞིང་། །དེའི་ཁོངས་སུ་དུས་གསུམ་འཇིག་
D44.038.0225a02.01རྟེན་ཆུད་པ་དང་། །ཞིང་དང་སེམས་ཅན་ཆོས་དང་སངས་རྒྱས་དེ་བཞིན་པ། །ཡེ་ཤེས་འོད་བྱེད་སྤྱོད་པ་དེ་དག་འདི་ཡིན་ནོ། །གང་རྣམས་བསམ་པ་མཁའ་འདྲ་མཐའ་དང་དབུས་མེད་ལ། །ཀུན་ནས་ཉོན་མོངས་དྲི་མས་མ་གོས་རབ་དག་ཅིང་། །དེ་
D44.038.0225a03.01བཞིན་གཤེགས་པ་ཀུན་གྱི་ཡོན་ཏན་འབྱུང་གྱུར་པ། །དེ་དག་སྤྱོད་པ་མིག་འཕྲུལ་གཞི་ཡི་རྣམ་པ་འདྲ། །ཀུན་མཁྱེན་ཡེ་ཤེས་རྣམ་ཡངས་ཚད་མེད་བསམ་ཡས་དག །ཡོན་ཏན་རྒྱ་མཚོས་ཡིད་གསལ་ལྡན་པ་ཉེར་བརྟན་པ། །དེ་དག་བསོད་ནམས་
D44.038.0225a04.01རྒྱ་མཚོའི་ལུས་དང་སྙིང་པོ་སྟེ། །འཇིག་རྟེན་སྤྱོད་ཀྱང་འཇིག་རྟེན་དྲི་མས་གོས་མི་འགྱུར། །རྒྱལ་བའི་གསུང་གི་ཡན་ལག་སྒྲ་སྐད་ཚུལ་ཀུན་གྱིས། །ཆོས་ཀྱི་འབྲུག་སྒྲ་ཉན་ཀྱང་གང་རྣམས་མི་ངོམས་ཤིང་། །ཆོས་ཚུལ་རྗེས་སུ་སྙེགས་པའི་ཤེས་རབ་
D44.038.0225a05.01འོད་ཀྱི་སྒྲོན། །དེ་དག་འགྲོ་བར་འོད་གསལ་བྱེད་པའི་སྤྱོད་འདི་ཡིན། །གང་རྣམས་ཕྱོགས་བཅུའི་དེ་བཞིན་གཤེགས་པ་ཚད་མེད་པ། །གཞན་དང་གཞན་དག་སེམས་ཀྱི་སྐད་ཅིག་ཀུན་སེམས་ཤིང་། །བདེ་གཤེགས་རྒྱ་མཚོ་ཐམས་ཅད་ལྟ་ཞིང་ཤེས་
D44.038.0225a06.01བྱེད་པ། །སངས་རྒྱས་སེམས་ལྡན་དེ་དག་སྤྱོད་ཡུལ་འདི་ཡིན་ནོ། །རྒྱལ་བ་རྣམས་ཀྱི་རྣམ་པར་ཡངས་པའི་འཁོར་མཐོང་ཞིང་། །དེ་དག་ཏིང་ངེ་འཛིན་ཚུལ་རྒྱ་མཚོ་མང་པོ་དང་། །སྨོན་ལམ་རྒྱ་མཚོ་མཐའ་དང་དབུས་མེད་ཚུལ་འཇུག་པ། །མིག་
D44.038.0225a07.01