完整藏文原文 · 德格版页 当前仅加载第 38 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་འབྱུང་བ་ཞེས་བྱ་བར་གྱུར་ཏོ། །རིགས་ཀྱི་བུ་དེ་ལ་ཇི་སྙམ་དུ་སེམས། དེའི་ཚེ་དེའི་དུས་ན་སྤྲུལ་འཚོང་མའི་གཙོ་མོ་བལྟ་ན་སྡུག་པ་ཞེས་བྱ་བ་བྱུང་བ་དེ་གཞན་ཞིག་ཡིན་པ་ཙམ་དུ་སེམས་ན་ནི་དེ་ལྟར་མི་བལྟ་སྟེ། ཤཱཀྱ་ལག་ན་ཁར་པའི་ཆུང་མ་ཁོ་མོའི་མ་མིག་མཛེས་
D44.038.0248b01.01ཤེས་བྱ་བ་འདི་ནི་དེའི་ཚེ་དེའི་དུས་ན་སྤྲུལ་འཚོང་མའི་གཙོ་མོ་བལྟ་ན་སྡུག་པ་ཞེས་བྱ་བར་གྱུར་ཏོ། །རིགས་ཀྱི་བུ་དེ་ལ་ཇི་སྙམ་དུ་སེམས། དེའི་ཚེ་དེའི་དུས་ན་བུ་མོ་དགའ་བའི་འོད་ཀྱི་དཔལ་ཤིན་ཏུ་སྦྱངས་པ། ཞེས་བྱ་བར་གྱུར་པ་དེ་གཞན་ཞིག་ཡིན་བ་ཙམ་དུ་སེམས་ན་
D44.038.0248b02.01ནི་དེ་ལྟར་མི་བལྟ་སྟེ། ཁོ་མོ་ནི་དེའི་ཚེ་དེའི་དུས་ན། སྤྲུལ་འཚོང་མའི་བུ་མོ་དགའ་བའི་འོད་ཀྱི་དཔལ་ཤིན་ཏུ་སྦྱངས་པ་ཞེས་བྱ་བར་གྱུར་ཏོ། །རིགས་ཀྱི་བུ་དེ་ལ་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོ་གཟི་བརྗིད་ཀྱི་བདག་པོའི་འཁོར་དུ་གྱུར་པ་དེ་
D44.038.0248b03.01རྣམས་གཞན་ཞིག་ཡིན་པ་ཙམ་དུ་སེམས་ན་ནི། རིགས་ཀྱི་བུ་དེ་ནི་དེ་ལྟར་མི་བལྟ་སྟེ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་། སྨོན་ལམ་ཡོངས་སུ་རྫོགས་པར་བྱ་བ་ལ་དགོད་དགོད་པའི་བྱང་ཆུབ་སེམས་དཔའི་འཁོར་གྱི་དཀྱིལ་
D44.038.0248b04.01འཁོར་འདི་ཉིད་ན་འཁོད་ཅིང་། འཇིག་རྟེན་གྱི་ཁམས་ཐམས་ཅད་དུ་གཟུགས་བརྙན་རབ་ཏུ་བྱུང་བའི་ལུས་དང་། བྱང་ཆུབ་སེམས་དཔའི་ཏིང་ངེ་འཛིན་ཐམས་ཅད་ལ་རྣམ་པར་སྤྱོད་པ་ལས་མཉམས་པའི་སེམས་དང་། དེ་བཞིན་གཤེགས་པ་ཐམས་ཅད་ཀྱི་ཞལ་
D44.038.0248b05.01མངོན་དུ་མཐོང་བར་རྣམ་པར་{དམྱིགས་,དམིགས་}པའི་མིག་དང་དེ་བཞིན་མིག་དང་དེ་བཞིན་གཤེགས་པ་ཐམས་ཅད་ཀྱི་གསུང་གི་ཡན་ལག་གི་སྤྲིན་ནམ་མཁའ་དང་མཉམ་པའི་འཁོར་ལོ་རབ་ཏུ་བསྒྲགས་པའི་དབྱངས་རྣམ་པར་{དམྱིགས་,དམིགས་}པའི་རྣ་བ་དང་། ཆོས་ཐམས་ཅད་ལ་རྣམ་པར་སྤྱད་པར་
D44.038.0248b06.01དབང་བསྒྱུར་བའི་དབུགས་ཕྱི་ནང་དུ་རྒྱུ་བ་དང་། སངས་རྒྱས་ཀྱི་ཞིང་ཐམས་ཅད་དུ་རྗེས་སུ་གྲགས་པའི་མིང་གི་སྒྲ་དང་། དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་ཉེ་བར་འགྲོ་བ་རྒྱུན་མི་གཅོད་པའི་བྱང་ཆུབ་སེམས་དཔའི་ལུས་དང་།
D44.038.0248b07.01