完整藏文原文 · 德格版页 当前仅加载第 38 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱང་བའི་ཚུལ་དག་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའི་ས་ལ་ཡང་དག་པར་གནས་པར་བྱ་བ་དག་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའི་སའི་མཚན་མ་དག་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའི་སའི་དབང་དག་ཀྱང་རབ་ཏུ་
D44.038.0227b01.01ཤེས་སོ། །བྱང་ཆུབ་སེམས་དཔའི་ས་ནས་སར་འཕར་བའི་ཡེ་ཤེས་དག་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའི་ས་ཡོངས་སུ་བསྡུ་བའི་ཡེ་ཤེས་དག་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའི་ས་ཡོངས་སུ་སྨྱིན་པར་བྱ་བའི་ཡེ་ཤེས་ཀྱང་རབ་ཏུ་ཤེས་
D44.038.0227b02.01སོ། །བྱང་ཆུབ་སེམས་དཔའི་རྣམ་པར་དགོད་པ་ལ་ཡང་དག་པར་གནས་པར་བྱ་བ་ཡང་རབ་ཏུ་ཤེས་སོ། །བྱང་ཆུབ་སེམས་དཔའི་སྤྱོད་པའི་དཀྱིལ་འཁོར་གྱི་རྒྱ་ཡང་རབ་ཏུ་ཤེས་སོ། །བྱང་ཆུབ་སེམས་དཔའི་སྤྱོད་པའི་རྣམ་པར་བརྩེ་བ་དག་ཀྱང་རབ་ཏུ་ཤེས་སོ། །
D44.038.0227b03.01བྱང་ཆུབ་སེམས་དཔའི་ཏིང་ངེ་འཛིན་རྒྱ་མཚོ་དག་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའི་རྣམ་པར་ཐར་པའི་ཚུལ་རྒྱ་མཚོ་དག་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའ་དེ་དག་སེམས་ཀྱི་སྐད་ཅིག་རེ་རེ་ལ་ཏིང་ངེ་འཛིན་རྒྱ་མཚོ་སྣ་ཚོགས་ཐོབ་པར་
D44.038.0227b04.01བྱེད་པ་དག་ཀྱང་རབ་ཏུ་ཤེས་སོ། །ཐམས་ཅད་མཁྱེན་པ་ཉིད་ཀྱི་སྣང་བའི་ཚུལ་ཐོབ་པར་བྱེད་པ་དག་ཀྱང་རབ་ཏུ་ཤེས་སོ། །ཐམས་ཅད་མཁྱེན་པ་ཉིད་ཀྱི་གློག་གི་སྣང་བའི་སྤྲིན་དག་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའི་བཟོད་པ་ཐོབ་པའི་ཚུལ་དག་
D44.038.0227b05.01ཀྱང་རབ་ཏུ་ཤེས་སོ། །ཐམས་ཅད་མཁྱེན་པ་ཉིད་དུ་འཇུག་པའི་ཡེ་ཤེས་ཀྱི་རྣམ་པར་གནོན་པ་དག་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའ་རྣམས་ཞིང་རྒྱ་མཚོར་རྗེས་སུ་བགྲོད་པར་བྱེད་པ་དག་ཀྱང་རབ་ཏུ་ཤེས་སོ། །ཆོས་རྒྱ་མཚོའི་
D44.038.0227b06.01ཚུལ་ལ་འཇུག་པ་དག་ཀྱང་རབ་ཏུ་ཤེས་སོ། །སེམས་ཅན་རྒྱ་མཚོའི་མཚན་ཉིད་ཐ་དད་པ་དག་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའི་དམ་པར་སྤྱོད་པའི་ཚུལ་ཐམས་ཅད་ཀྱི་རྣམ་པར་འཕྲུལ་པ་དག་ཀྱང་རབ་ཏུ་ཤེས་སོ། །
D44.038.0227b07.01