完整藏文原文 · 德格版页 当前仅加载第 38 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པའི་སྤོས་ཀྱི་མྱུ་གུ་ཀུན་ནས་འཐོན་པ་དང་། ཕྱེ་མ་ཐམས་ཅད་ཀྱི་མཛོད་ཀུན་ནས་འཐོན་པ་དང་། རྒྱལ་མཚན་ཐམས་ཅད་ཀྱི་སྤྲིན་དང་ན་བུན་ཡོངས་སུ་བྱུང་བ་དང་། སྤོས་ཀྱི་རིན་པོ་ཆེའི་གཟུགས་ཀྱི་ཤིང་དྲུང་ཀུན་འཁོར་ཏེ། རྒྱན་ཡོངས་
D44.038.0209a01.01སུ་སྦྱངས་པར་ཀུན་ནས་གནས་པར་གྱུར་པ་འདི་ནི་སྔོན་གྱི་ལྟས་བཞི་པ་བྱུང་བའོ། །ཡང་ལུམ་བི་ནིའི་ནགས་ཚལ་འདི་ཐམས་ཅད་ལྷ་རྫས་ཀྱི་མེ་ཏོག་དང་། ཕྲེང་བ་དང་། ལྷབ་ལྷུབ་སྣ་ཚོགས་ཀྱིས་མཛོད་རྣམ་པ་ཐམས་ཅད་དུ་ཡོངས་སུ་རྒྱས་པ་དང་ལྡན་པར་ཀུན་ནས་
D44.038.0209a02.01གནས་པར་གྱུར་པ་འདི་ནི་སྔོན་གྱི་ལྟས་ལྔ་པ་བྱུང་བའོ། །ཡང་ལུམ་བི་ནིའི་ནགས་ཚལ་འདི་ཐམས་ཅད་ཀྱི་ཤིང་ཐམས་ཅད་ལ་ནོར་བུ་རིན་པོ་ཆེ་དམ་པའི་མཛོད་མངོན་པར་གྲུབ་པར་གྱུར་བ་འདི་ནི་སྔོན་གྱི་ལས་དྲུག་པ་བྱུང་བའོ། །ཡང་ལུམ་པི་ནིའི་ནགས་ཚལ་འདི་
D44.038.0209a03.01ཐམས་ཅད་ཀྱི་པདྨོའི་ཚལ་ཐམས་ཅད་དུ་ཆ་ལས་སྐྱེས་པའི་མེ་ཏོག་ཐམས་ཅད་ཀྱང་ཁ་འབུས་ཏེ། སའི་གཞི་ལས་འཐོན་ནས། ཆུ་ལས་མངོན་པར་འཕགས་པར་གནས་པ་འདི་ནི་སྔོན་གྱི་ལྟས་བདུན་པ་བྱུང་བའོ། །ཡང་འཇིག་རྟེན་གྱི་ཁམས་འདིའི་
D44.038.0209a04.01འདོད་པ་ལ་སྤྱོད་པ་དང་། གཟུགས་ལ་སྤྱོད་པའི་ལྷའི་བུ་རྣམས་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའི་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། འཇིག་རྟེན་གྱི་དབང་པོ་
D44.038.0209a05.01དང་། འགྲོ་བའི་དབང་པོ་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་ལུམ་བི་ནིའི་ནགས་ཚལ་འདི་ན་ཐལ་མོ་སྦྱར་ཅིང་འཁོད་པར་གྱུར་ཏེ། འདི་ནི་སྔོན་གྱི་ལྟས་བརྒྱད་པ་བྱུང་བའོ། །ཡང་འཛམ་བུའི་གླིང་གི་འཇིག་རྟེན་གྱི་ཁམས་འདིའི་ལྷའི་བུ་མོའམ། ཀླུའི་
D44.038.0209a06.01བུ་མོའམ། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོའི་བུ་མོ་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་རབ་ཏུ་དགའ་བའི་ཡིད་ཀྱིས་མཆོད་པའི་རྣམ་པ་ཐམས་ཅད་ལག་ན་ཐོགས་ཤིང་བླག་
D44.038.0209a07.01