完整藏文原文 · 德格版页 当前仅加载第 38 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
མ་དང་ལྡན་པ་བསྐལ་བ་བར་མ་རེ་རེ་ཞིང་ཡང་འཇིག་རྟེན་གྱི་ཁམས་རྣམ་པ་ཐ་དད་དུ་བྱ་བ་བསྟན་པ་དུ་མ་དང་ལྡན་པ། དེ་བཞིན་གཤེགས་པ་འབྱུང་བ་དང་། རྫུ་འཕྲུལ་སྣ་ཚོགས་བསྟན་དུ་ཡོད་པ་དེ་བཞིན་གཤེགས་པ་འབྱུང་བ་རེ་རེ་ཞིང་ཡང་མདོ་སྡེ་ཡང་དག་པར་བསྟན་
D44.038.0166a01.01པ། འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་བརྗོད་དུ་ཡོད་པ་མདོ་སྡེ་རེ་རེ་ལ་ཡང་བྱང་ཆུབ་སེམས་དཔའི་ལུང་བསྟན་པ། འཇིག་རྟེན་གྱི་ཁམས་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བསྟན་དུ་ཡོད་པ་སེམས་ཅན་འདུལ་བ་མཐའ་དང་དབུས་མེད་པ་ཤིན་ཏུ་བསྟན་པ། ཐེག་པ་
D44.038.0166a02.01ཐ་དད་པའི་ཚུལ་གྱིས་བསྒྲུབས་པ། སངས་རྒྱས་ཀྱི་རྣམ་པར་འཕྲུལ་པ་དང་ཆོ་འཕྲུལ་སྣ་ཚོགས་ཀྱིས་རྣམ་པར་འདུལ་བ་དང་ལྡན་པ་ཡོངས་སུ་སྦྱངས་ཏེ། རིགས་ཀྱི་བུ་འཇིག་རྟེན་གྱི་ཁམས་རྒྱ་མཚོ་གསེར་རིན་པོ་ཆེའི་རི་སྤོ་རྣམ་པར་སྣང་བ་དེར། འཇིག་རྟེན་གྱི་ཁམས་བར་མའི་རྒྱུད་
D44.038.0166a03.01ཕྱོགས་ཀུན་ཏུ་མངོན་པར་བལྟས་པའི་སྒོ་རྒྱལ་མཚན་གྱིས་རྣམ་པར་བརྒྱན་པ་ཞེས་བྱ་བ་བྱུང་སྟེ། རིགས་ཀྱི་བུ་འཇིག་རྟེན་གྱི་ཁམས་བར་མའི་རྒྱུད་ཕྱོགས་ཀུན་ཏུ་སྒོ་མངོན་པར་བལྟས་པ་རྒྱལ་མཚན་གྱིས་རྣམ་པར་བརྒྱན་པ་དེར། འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱི་མདོག་
D44.038.0166a04.01ཀུན་ཏུ་སྣང་བའི་དཔལ་ཞེས་བྱ་བ་འཇིག་རྟེན་གྱི་ཁམས་ཀྱི་གཞི་དང་། མཚམས་ཀྱི་རྒྱན་རིན་པོ་ཆེའི་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་བྱང་ཆུབ་རབ་ཏུ་སྣང་བ་ལས་བྱས་པ། རིན་པོ་ཆེ་སྣ་ཚོགས་ཀྱི་མེ་ཏོག་རྒྱ་མཚོ་ལ་གནས་པ། ལྷུན་རིན་པོ་ཆེའི་རྒྱལ་
D44.038.0166a05.01པོ་དེ་བཞིན་གཤེགས་པ་ཐམས་ཅད་ཀྱི་སྤྲུལ་པའི་གཟུགས་བརྙན་རབ་ཏུ་སྟོན་པ་ལས་བསྒྲུབས་པ། ལྷའི་གྲོང་ཁྱེར་གྱི་དབྱིབས་སུ་འདུག་པ་རྣམ་པར་དག་ཅིང་ཀུན་ནས་ཉོན་མོངས་པ་བྱུང་བར་གྱུར་ཏེ། འཇིག་རྟེན་གྱི་ཁམས་དེར་གླིང་བཞི་བའི་འཇིག་རྟེན་གྱི་ཁམས་རི་རབ་ཀྱི་རྡུལ་
D44.038.0166a06.01ཤིན་ཏུ་ཕྲ་བ་སྙེད་བྱུང་བར་གྱུར་ཏོ། །གླིང་བཞི་པ་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་པོ་དེ་དག་གི་གླིང་བཞི་པ་དབུ་མ་རིན་པོ་ཆེ་སྣ་ཚོགས་ཀྱི་རྩེ་མོའི་རྒྱལ་མཚན་ཞེས་བྱ་བ་བྱུང་སྟེ། གླིང་བཞི་པའི་འཇིག་རྟེན་གྱི་ཁམས་རིན་པོ་ཆེ་སྣ་ཚོགས་ཀྱི་རྩེ་མོའི་རྒྱལ་མཚན་དེར་གླིང་ཆུ་ཞེང་དུ་
D44.038.0166a07.01