完整藏文原文 · 德格版页 当前仅加载第 38 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐུལ་བ་དང་། སེམས་ཅན་གྱི་ཁམས་ཐམས་ཅད་ཡོངས་སུ་སྐྱོབ་པ་དང་། སེམས་ཅན་ཐམས་ཅད་ལ་ལུས་མངོན་པར་སྟོན་པས་དགའ་ལྡན་གྱི་ཕོ་བྲང་ནས་འཕོས་ཏེ། འཁོར་དང་བཅས་པར་ཁོ་མོའི་ལུས་སུ་ཞུགས་ནས་དེ་དག་ཐམས་ཅད་ཀྱང་ཁོ་མོའི་
D44.038.0266b01.01ཁོང་ན་གོམ་པ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་དུ་ཡངས་པ་ནས། འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དུ་ཡངས་པའི་འགྲོས་ཀྱིས་རྒྱུ་ཞིང་སྤྱོད་དོ། །ཕྱོགས་བཅུའི་འཇིག་རྟེན་གྱི་
D44.038.0266b02.01ཁམས་འབྱམ་ཀླས་པ་ཐམས་ཅད་ཀྱི་དེ་བཞིན་གཤེགས་པའི་ཞབས་ཀྱི་དྲུང་གི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་བརྗོད་དུ་མེད་པ་དག་ཀྱང་སེམས་ཀྱི་སྐད་ཅིག་རེ་རེ་ལ་བྱང་ཆུབ་སེམས་དཔའི་མངལ་གྱི་གནས་དང་། རྣམ་པར་འཕྲུལ་པ་ལྟ་བའི་
D44.038.0266b03.01ཕྱིར་ཁོ་མོའི་ཁོང་དུ་འདོང་ངོ་། །རྒྱལ་པོ་ཆེན་པོ་བཞི་དང་། བརྒྱ་བྱིན་དང་རབ་མཚེ་མ་དང་རབ་དགའ་ལྡན་དང་རབ་འཕྲུལ་དགའ་དང་དབང་བསྒྱུར་གྱི་ལྷའི་དབང་པོ་རྣམས་དང་། ཚངས་པ་རྣམས་ཀྱང་མངལ་གྱི་གནས་ན་བཞུགས་པའི་བྱང་ཆུབ་སེམས་
D44.038.0266b04.01དཔའ་ལ་ལྟ་བ་དང་། ཕྱག་བྱ་བ་དང་། བསྙེན་བཀུར་བ་དང་། ཆོས་མཉན་པའི་གཏམ་ཉམས་སུ་མྱོང་བར་བྱ་བའི་ཕྱིར་ཉེ་བར་དོང་ཡང་ཁོ་མོའི་རུམ་འདིས་དེ་སྙེད་ཀྱི་འཁོར་གྱི་དཀྱིལ་འཁོར་ཅིག་ཡོངས་སུ་བཟུང་ཡང་ཡངས་པར་གྱུར་པ་ཡང་མེད།
D44.038.0266b05.01མིའི་ལུས་ཐ་མལ་པ་ལས་ཁོ་མོའི་ལུས་ཁྱད་པར་ཅན་དུ་གྱུར་བ་ཡང་མེད་མོད་ཀྱི། འཁོར་གྱི་དཀྱིལ་འཁོར་དེ་སྙེད་ཀྱང་ཡོངས་སུ་བཟུང་ངོ་། །ལྷ་དང་མི་དེ་དག་ཐམས་ཅད་ཀྱིས་ཀྱང་བྱང་ཆུབ་སེམས་དཔའི་ལོངས་སྤྱོད་སྣ་ཚོགས་དང་། རྒྱན་ཡོངས་སུ་དག་
D44.038.0266b06.01པ་ཡང་མཐོང་བར་གྱུར་ཏོ། །དེ་ཅིའི་ཕྱིར་ཞེ་ན། དེ་ནི་བྱང་ཆུབ་སེམས་དཔའི་རྣམ་པར་ཐར་པ་སྨོན་ལམ་ཆེན་པོའི་ཡེ་ཤེས་སྒྱུ་མའི་རྣམ་པ་འདི་ཉིད་ཤིན་ཏུ་བསྒོམས་པའི་ཕྱིར་རོ། །རིགས་ཀྱི་བུ་ཇི་ལྟར་ཁོ་མོ་སྐལ་བ་དང་ལྡན་པའི་གླིང་བཞི་པ་འདིའི་
D44.038.0266b07.01