完整藏文原文 · 德格版页 当前仅加载第 38 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
པས་མཛེས་པར་བརྒྱན་པ་དང་། གཡས་གཡོན་ནས་རིན་པོ་ཆེའི་སྟེགས་བུའི་ཕྲེང་བ་རྣམ་པར་བཀོད་པས་རྣམ་པར་བརྒྱན་པ་སྟེ། རིན་པོ་ཆེའི་སྟེགས་བུ་ལ་ལ་ལ་ནི་སློངས་མོ་བའི་ཚོགས་ལ་ཡོངས་སུ་བསྟབས་པའི་དོན་དུ་རིན་པོ་ཆེའི་སྣོད་སྣ་ཚོགས། རིན་པོ་ཆེ་སྣ་ཚོགས་ཀྱིས་ཡོངས་སུ་བཀང་
D44.038.0235b01.01བ་བཀོད། སྟེགས་བུ་ལ་ལ་ལ་ནི་རྒྱན་འདོད་པའི་སློངས་མོ་བ་རྣམས་བརྒྱན་པའི་དོན་དུ་རིན་པོ་ཆེ་ཐམས་ཅད་ཀྱི་རྒྱན་གྱི་རྣམ་པ་ཡོངས་སུ་བཀོད། སྟེགས་བུ་ལ་ལ་ལ་ནི་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱ་བའི་ཕྱིར་ཡིད་བཞིན་གྱི་ནོར་བུ་རིན་པོ་ཆེ་བཀོད།
D44.038.0235b02.01སྟེགས་བུ་ལ་ལ་ལ་ནི་སུ་ཅི་འདོད་པ་དེ་དག་ལ་དེ་སྦྱིན་པའི་དོན་དུ་ཁ་ཟས་དང་བཏུང་བ་དང་། བྲོ་བ་སྣ་ཚོགས་ཀྱིས་ཡོངས་སུ་བཀང་བའི་སྣོད་མང་པོ་བཀོད། སྟེགས་བུ་ལ་ལ་ལ་ནི་རྣམ་པ་ཐམས་ཅད་དུ་མཆོག་ཏུ་ཞིམ་པའི་རོ་དང་། ཁ་དོག་དང་དྲི་དང་། བྲོ་དང་། རེག་ཡིད་དུ་འོང་བ་དང་ལྡན་པའི་
D44.038.0235b03.01ལྷ་རྫས་ཀྱི་ཁ་ཟས་ཀྱི་རྣམ་པ་བཀོད། སྟེགས་བུ་ལ་ལ་ལ་ནི་རོ་བྲོ་བ་སྣ་ཚོགས་དང་ལྡན་པའི་ལྷ་རྫས་ཀྱི་ཤིང་ཏོག་སྣ་ཚོགས་ཐམས་ཅད་སྤུངས། སྟེགས་བུ་ལ་ལ་ལ་ནི་གོས་འདོད་པ་རྣམས་ཡིད་བཞིན་དུ་སྤྱོད་དུ་གཟུད་པའི་ཕྱིར་ལྷ་རྫས་ཀྱི་གོས་རིན་པོ་ཆེ་ཁ་དོག་སྣ་ཚོགས་
D44.038.0235b04.01དང་ལྡན་པ་མདོག་བཟང་པོ་རྣམ་པ་སྣ་ཚོགས་དག་དང་རི་མོ་སྣ་ཚོགས་ཤིན་ཏུ་སྤ་བར་རྣམ་པར་ཕྱེ་བ་ཤིན་ཏུ་བཙུན་པ་ལ་འོས་པ་ཤིན་ཏུ་ཕྲ་བ། རབ་ཏུ་འཇམ་པ། ཐགས་སུ་མ་བཏགས་པ། བྱེ་བ་བརྒྱ་ཕྲག་སྟོང་སྙེད་ཡོངས་སུ་བཀོད་པར་གྱུར་ཏོ། །སྟེགས་བུ་ལ་ལ་
D44.038.0235b05.01ལ་ནི་བྱུག་པ་འདོད་པའི་སེམས་ཅན་རྣམས་བསམ་པ་ཇི་ལྟ་བ་བཞིན་དུ་ཡོངས་སུ་སྤྱོད་དུ་གཟུང་པའི་ཕྱིར། །ལྷ་རྫས་ཀྱི་སྤོས་ཀྱི་རྣམ་པ་ཁ་དོག་དང་། དྲི་རྣམ་པ་སྣ་ཚོགས་ཐམས་ཅད་དང་ལྡན་པ་དག་ཀྱང་བཀོད་པར་གྱུར་ཏོ། །སྟེགས་སུ་བུ་ལ་ལ་ལ་ནི་སེམས་ཅན་
D44.038.0235b06.01རྣམས་བསམ་པ་ཇི་ལྟ་བ་བཞིན་དུ་ཡོངས་སུ་སྤྱོད་དུ་གཟུད་པའི་ཕྱིར་ཡོ་བྱད་ཐམས་ཅད་ཀྱི་ཕུང་པོ་དག་ཀྱང་བཀོད་པར་གྱུར་ཏོ། །སྟེགས་བུ་ལ་ལ་ལ་ནི་ན་ཆུང་གཟུགས་བཟང་བ་རབ་ཏུ་མཛེས་པ་ཤིན་ཏུ་སྡུག་པ། ཆ་ལུགས་སྡུག་གུ་སྣ་ཚོགས་དང་ལྡན་
D44.038.0235b07.01