完整藏文原文 · 德格版页 当前仅加载第 38 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་གཟུགས་ཞི་གནས་ཀྱི་སྣང་བས་རྣམ་པར་དམིགས་པ་དང་། མི་འབྱུང་བའི་གཟུགས་འགྲོ་བའི་ལས་ཇི་ལྟ་བ་བཞིན་དུ་རྗེས་སུ་འབྲང་བ་དང་། རིན་པོ་ཆེ་ཡིད་བཞིན་གྱི་རྒྱལ་པོ་ལྟར་བསམ་པ་ཇི་ལྟ་བ་བཞིན་དུ་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་
D44.038.0262b01.01བྱ་བའི་སྨོན་ལམ་ཡོངས་སུ་གྲུབ་པ་དང་། རྣམ་པར་མི་རྟོག་པའི་གཟུགས་འགྲོ་བ་ཐམས་ཅད་ཀྱི་ཡོངས་སུ་རྟོག་པ་བཞིན་དུ་ཉེ་བར་གནས་པ་དང་། མི་རྟོག་པས་རྟོག་པ་མེད་པའི་གཟུགས་འགྲོ་བ་ཐམས་ཅད་ཀྱིས་རྣམ་པར་དམིགས་པ་དང་། ཐོགས་པ་མེད་པའི་
D44.038.0262b02.01གཟུགས་འཁོར་བ་ལས་བཟློག་པ་ལ་རབ་ཏུ་བརྩོན་པ་དང་། རྣམ་པར་དག་པའི་གཟུགས་དེ་བཞིན་ཉིད་དང་། མཉམ་པར་རྣམ་པར་མི་རྟོག་པ་དང་། རྣམ་པ་དེ་ལྟ་བུའི་གཟུགས་གཟུགས་མེད་པར་གཟུགས་སུ་སྣང་བ་དང་། ཚོར་བ་མེད་པའི་གཟུགས་ཀྱིས་
D44.038.0262b03.01འཇིག་རྟེན་གྱི་སྡུག་བསྔལ་གྱི་ཚོར་བ་རབ་ཏུ་ཞི་བར་བྱ་བ་ལ་བརྩོན་པ་དང་། འདུ་ཤེས་ཀྱི་རྣམ་པ་ཐམས་ཅད་ལས་གྱེན་དུ་འཕགས་པའི་གཟུགས་སེམས་ཅན་ཐམས་ཅད་ཀྱི་འདུ་ཤེས་ཀྱི་རྣམ་པས་རྣམ་པར་དམིགས་པ་དང་། མངོན་པར་འདུ་བྱ་བ་མེད་པའི་ཆོས་ཉིད་
D44.038.0262b04.01ཀྱིས་བྱུང་བའི་གཟུགས་ཆོས་སྒྱུ་མའི་རྣམ་པས་གྲུབ་པ་དང་། རྣམ་པར་ཤེས་པའི་ཡུལ་ལས་ཡོངས་སུ་འདས་པའི་གཟུགས་བྱང་ཆུབ་སེམས་དཔའི་སྨོན་ལམ་ཀྱི་ཡེ་ཤེས་ལས་བྱུང་བ་དང་། རང་བཞིན་མེད་པའི་གཟུགས་འགྲོ་བ་ཐམས་ཅད་ཀྱི་ཚིག་གི་ལམ་ལ་
D44.038.0262b05.01གཞོལ་བ་དང་། གདུང་བ་ཡོངས་སུ་བསྩལ་བའི་གཟུགས་ཆོས་ཀྱི་སྐུ་བསིལ་བ་དམ་པ་དང་ལྡན་པས། ལྷ་མོ་སྒྱུ་མ་བསམ་པ་ཇི་ལྟ་བ་བཞིན་དུ་འགྲོ་བའི་གཟུགས་ཀྱི་ལུས་ཡོངས་སུ་སྟོན་པ་དང་། སེམས་ཅན་གྱི་བསམ་པའི་དབང་དུ་འགྲོ་བ་ཐམས་ཅད་དང་
D44.038.0262b06.01མཉམ་ཞིང་འདྲ་བའི་གཟུགས་ཀྱི་ལུས་འགྲོ་བ་ཐམས་ཅད་ཀྱི་གཟུགས་ཀྱི་ལུས་ལས་འཕགས་པ་སྟོན་ཅིང་འདུག་པ་མཐོང་ངོ་། །དེ་ལ་སེམས་ཅན་ལ་ལས་ནི་ལྷ་མོ་སྒྱུ་མ་དེ་བདུད་ཀྱི་བུ་མོའི་གཟུགས་སུ་འདུག་ལ་བདུད་ཀྱི་བུ་མོའི་གཟུགས་བས་ཀྱང་ལྷག་པར་
D44.038.0262b07.01