完整藏文原文 · 德格版页 当前仅加载第 38 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་པ་ལའང་འཇུག་གོ །བྱང་ཆུབ་སེམས་དཔའི་ས་ཐམས་ཅད་ཡོངས་སུ་བསྒྲུབས་པ་ལ་འང་འཇུག་གོ །བཟོད་པ་བརྙེས་པ་རྣམ་པར་དག་པ་ལའང་འཇུག་གོ །བདུད་ཀྱི་དཀྲུགས་མ་རྣམ་པར་འཐོར་བའི་ཁྱུ་མཆོག་གི་མཐུ་ཕྱུང་
D44.038.0067a01.01བ་ལའང་འཇུག་གོ །མངོན་པར་རྫོགས་པར་འཚང་རྒྱ་བའི་རྣམ་པར་འཕྲུལ་པའི་རྒྱན་ལའང་འཇུག་གོ །སངས་རྒྱས་ཀྱི་ཞིང་རྣམ་པར་དག་པར་མཛད་པ་རྣམ་པ་ཐ་དད་པ་ལའང་འཇུག་གོ །སེམས་ཅན་ཡོངས་སུ་སྨིན་པར་མཛད་པ་རྣམ་པ་ཐ་དད་པ་ལའང་འཇུག་
D44.038.0067a02.01གོ །འཁོར་ཀུན་ནས་འདུས་པ་རྣམ་པ་ཐ་དད་པ་ལའང་འཇུག་གོ །འོད་ཀྱི་དཀྱིལ་འཁོར་རྣམ་པ་ཐ་དད་པ་ལའང་འཇུག་གོ །ཆོས་ཀྱི་འཁོར་ལོ་བསྐོར་བའི་ཁྱུ་མཆོག་གི་མཐུ་ཕྱུང་བ་ལའང་འཇུག་གོ །སངས་རྒྱས་ཀྱི་རྫུ་འཕྲུལ་དང་། རྣམ་པར་འཕྲུལ་པ་
D44.038.0067a03.01དང་། ཆོ་འཕྲུལ་ལའང་འཇུག་གོ །དེ་བཞིན་གཤེགས་པ་དེ་དག་གིས་ཆོས་བསྟན་པ་ཡང་ཤིན་ཏུ་རྣམ་པར་གསལ་བ་དང་། མ་འདྲེས་པར་དྲན་ཏེ། ཡང་དག་པར་འཛིན་ཏོ། །དྲན་པས་ཡོངས་སུ་བཅངས་སོ། །རིག་པས་རབ་ཏུ་ཤེས་པར་བྱེད་
D44.038.0067a04.01དོ། །བློ་གྲོས་ཀྱིས་ཤིན་ཏུ་རྣམ་པར་འབྱེད་དོ། །བློས་རྟོགས་པར་བྱེད་དོ། །ཤེས་རབ་ཀྱིས་སྣང་བར་བྱེད་དོ། །མ་བྱོན་པའི་སངས་རྒྱས་གཅིག་ནས་གཅིག་ཏུ་བརྒྱུད་པའི་བྱམས་པ་ལ་{སྩོགས་,སོགས་}པ་དག་ཀྱང་མཐོང་ཞིང་ཤེས་ཏེ། སེམས་ཀྱི་སྐད་ཅིག་གཅིག་
D44.038.0067a05.01ལ་སངས་རྒྱས་བརྒྱ་ཡང་མཐོང་ངོ་། །དེའི་འོག་མའི་སེམས་ཀྱིས་སངས་རྒྱས་སྟོང་ཡང་མཐོང་བ་ནས། དེའི་འོག་མའི་སེམས་ཀྱིས་དེ་བཞིན་གཤེགས་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དག་ཀྱང་
D44.038.0067a06.01མཐོང་སྟེ། དེ་བཞིན་གཤེགས་པ་དེ་དག་གིས་ཐུགས་དང་པོ་བསྐྱེད་པའི་ཚོགས་གཅིག་ནས་གཅིག་ཏུ་བརྒྱུད་པ་ལའང་འཇུག་གོ །དེ་བཞིན་གཤེགས་པ་དེ་དག་གིས་ཆོས་བསྟན་པ་ཡང་ཤིན་ཏུ་གསལ་བ་དང་། མ་འདྲེས་པར་རྗེས་སུ་དྲན་
D44.038.0067a07.01