完整藏文原文 · 德格版页 当前仅加载第 38 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱེ་བྲག་ཇི་སྙེད་པ་དེ་སྙེད་ཀྱི་བྱེ་བྲག་དུ་དེ་དག་ཡོངས་སུ་སྨིན་པར་བྱ་བ་དང་། གདུལ་བའི་ཕྱིར་ལུས་བྱིན་གྱིས་རློབ་སྟེ། དེ་ལྟར་ཁོ་མོའི་རྣམ་པར་ཐར་པ་དེ་ནི་སེམས་ཀྱི་སྐད་ཅིག་རེ་རེ་ལ་ཡང་ཆོས་ཀྱི་དབྱིངས་འབྱམ་ཀླས་པ་
D44.038.0090a01.01རྒྱས་པར་འགེངས་པའི་ཚུལ་གྱིས་རྣམ་པར་འཕེལ་ལོ། །རིགས་ཀྱི་བུ་ཁོ་མོས་བྱང་ཆུབ་སེམས་དཔའི་རྣམ་པར་ཐར་པ་སེམས་ཅན་ཐམས་ཅད་ཀྱི་མུན་པ་རྣམ་པར་སེལ་བའི་ཆོས་ཀྱི་སྣང་བས་འགྲོ་བ་རྣམ་པར་འདུལ་བའི་སྒོ་འདི་ཤེས་པར་ཟད་ན། ཁོ་མོས་བྱང་ཆུབ་
D44.038.0090a02.01སེམས་དཔའ་མཐའ་དང་དབུས་མེད་པའི་བྱང་ཆུབ་སེམས་དཔའི་ཀུན་ཏུ་བཟང་པོའི་སྤྱོད་པ་དང་། སྨོན་ལམ་གྱིས་བྱུང་བ། ཆོས་ཀྱི་དབྱིངས་རྒྱ་མཚོའི་ཚུལ་འབྱམ་ཀླས་པར་འདལ་བ་ལ་འཇུག་པར་དབང་སྒྱུར་བ། བྱང་ཆུབ་སེམས་དཔས་ཡང་དག་པར་
D44.038.0090a03.01བསྒྲུབ་པའི་ཏིང་ངེ་འཛིན་ཡེ་ཤེས་རྡོ་རྗེའི་དཔལ་གྱིས་རྣམ་པར་རྩེ་བ། འཇིག་རྟེན་གྱི་ཁམས་ཐམས་ཅད་དུ། དེ་བཞིན་གཤེགས་པའི་རིགས་ཐམས་ཅད་ཡང་དག་པར་གཟུང་བ་ལ་སྨོན་ལམ་ཆེན་པོས་བྱུང་བ། འཇིག་རྟེན་གྱི་ཁམས་འབྱམ་ཀླས་པ་ཐམས་
D44.038.0090a04.01ཅད་སེམས་ཀྱི་སྐད་ཅིག་གཅིག་གིས་ཡོངས་སུ་དག་པར་བྱ་བའི་བསོད་ནམས་ཀྱི་རྒྱ་མཚོ་ཆེན་པོ་ཡོངས་སུ་གྲུབ་པ། སེམས་ཀྱི་སྐད་ཅིག་རེ་རེ་ལ་སེམས་ཅན་གྱི་ཁམས་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བའི་ཡེ་ཤེས་ལ་དབང་བསྒྱུར་བའི་འཇིག་
D44.038.0090a05.01རྟེན་གྱི་ཁམས་ཐམས་ཅད་དུ་སེམས་ཅན་ཐམས་ཅད་ཀྱི་སྒྲིབ་པའི་མུན་པ་ཐམས་ཅད་རྣམ་པར་སེལ་བའི་ཡེ་ཤེས་ཀྱི་ཉི་མའི་མིག་དང་ལྡན་པ། སེམས་ཅན་གྱི་ཁམས་ཐམས་ཅད་ལ་ཐེག་པ་ཆེན་པོ་རྣམ་པར་དམིགས་པར་བྱ་བའི་མཐུ་དང་ལྡན་པ། འགྲོ་བ་ཐམས་
D44.038.0090a06.01ཅད་ཀྱི་ཐེ་ཙོམ་དང་། ནེམ་ནུར་དང་། ཡིད་གཉིས་ཀྱི་རབ་རིབ་རྣམ་པར་སེལ་བའི་བློ་གྲོས་ཀྱི་ཟླ་བ་དང་ལྡན་པ། སྲིད་པའི་རྒྱ་མཚོ་ཐམས་ཅད་ལ་མངོན་པར་ཆགས་པ་ལས་གྱེན་དུ་བསྐྱོད་པའི་སྒྲ་དབྱངས་ཀྱི་དཀྱིལ་འཁོར་རྣམ་པར་དག་པ། ཆོས་ཀྱི་དབྱིངས་ཐམས་ཅད་
D44.038.0090a07.01