完整藏文原文 · 德格版页 当前仅加载第 38 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སྤྱོད་པ་ལ་འཇུག་ཅིང་རྒྱུ་ཉེ་བར་{སྩོགས་,སོགས་}པའི་ཡེ་ཤེས་རྒྱུ་དང་བྱ་བའི་ལྟ་བ་མེད་པ་དང་། ཕྱིན་ཅི་ལོག་མེད་པའི་ཡེ་ཤེས་ཕྱིན་ཅི་ལོག་གི་ལྟ་བ་དང་བྲལ་བ་དང་། གཞན་གྱི་དྲིང་མི་འཇོག་པའི་ཡེ་ཤེས་དབང་ཕྱུག་ཏུ་ལྟ་བ་མེད་པ་དང་། རྟེན་པ་ལ་འཇུག་པའི་ཡེ་ཤེས་བདག་དང་
D44.038.0291b01.01ཕ་རོལ་གྱི་འདུ་ཤེས་ཀྱི་ལྟ་བ་དང་། བྲལ་བ་དང་། ཆོས་ཀྱི་དབྱིངས་མཐའ་དང་དབུས་མེད་པ་ལ་འཇུག་པའི་ཡེ་ཤེས་མཐར་འཛིན་པའི་ལྟ་བ་དང་བྲལ་བ་དང་། གཟུགས་བརྙན་ལྟ་བུར་མངོན་པར་གྲུབ་པའི་ཡེ་ཤེས་འཕོ་བའི་ལྟ་བ་མེད་པ་དང་། མི་སྐྱེ་མི་འགག་པའི་ཡེ་ཤེས་
D44.038.0291b02.01སྐྱེ་བ་དང་། འཇིག་པའི་ལྟ་བ་དང་བྲལ་བ་དང་། སྟོང་པ་ཉིད་ཀྱིས་མི་སྐྱེ་བའི་ཡེ་ཤེས་ལྟ་བའི་རྣམ་པ་ཐམས་ཅད་དང་བྲལ་བ་དང་། སྨོན་ལམ་མངོན་པར་སྒྲུབ་པའི་ཡེ་ཤེས་ཀྱི་སྟོབས་དབང་ཕྱུག་མེད་པའི་ཆོས་ཉིད་རབ་ཏུ་རྟོགས་པ་དང་། མཚན་མ་མེད་པའི་མཐའི་སྒོ་དང་ལྡན་པའི་ཡེ་ཤེས་
D44.038.0291b03.01མཚན་མ་ཐམས་ཅད་དང་བྲལ་བས་ས་བོན་ལས་མྱུ་གུ་ཆུད་མི་ཟ་བའི་ཆོས་ཉིད་དང་། རྒྱ་ལས་རྒྱའི་གཟུགས་བརྙན་འབྱུང་བའི་ཆོས་ཉིད་དང་། གཟུགས་ལས་གཟུགས་བརྙན་འབྱུང་བའི་ཆོས་ཉིད་དང་། སྒྲ་བརྙན་དང་སྒྲར་མཉམ་པ་རྣམ་པར་དམིགས་པའི་ཆོས་ཉིད་
D44.038.0291b04.01དང་རྣམ་པར་དཔྱོད་པ་དང་། རྨི་ལམ་དུ་མཉམ་པར་རྣམ་པར་དམིགས་པའི་ཆོས་ཉིད་དང་། སྒྱུ་མའི་རྣམ་པ་ལྟར་ལས་ལས་ཡོངས་སུ་བྱུང་བའི་ཆོས་ཉིད་དང་། སེམས་གཟུགས་མེད་པས་འཇིག་རྟེན་ཡོངས་སུ་བསྐྱེད་པའི་ཆོས་ཉིད་དང་། རྐྱེན་དང་རྒྱུ་
D44.038.0291b05.01ཇི་ལྟར་བསྩགས་པ་བཞིན་དུ། འབྲས་བུ་འབྱུང་བའི་ཆོས་ཉིད་དང་ལས་ཇི་ལྟར་བསྩགས་པ་དང་། མཉམ་པར་རྣམ་པར་སྨིན་པ་འབྱུང་བའི་ཆོས་ཉིད་དང་། ཐབས་མཁས་པས་རྣམ་པར་བསྒྲུབས་པའི་ཆོས་ཉིད་དང་། ཆོས་དང་ཆོས་མ་ཡིན་པ་མཉམ་པ་ཉིད་ཀྱི་མངོན་པར་
D44.038.0291b06.01བརླན་པའི་ཆོས་ཉིད་དང་། ཡེ་ཤེས་ཀྱི་རྗེས་སུ་འཇུག་པ་དེ་ལྟ་བུས་མངོན་པར་བསྒྲུབས་པའི་འདུ་ཤེས་དང་། ཡིད་ལ་བྱ་བས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}ཁང་པ་བརྩེགས་པ་རྣམ་པར་སྣང་མཛད་ཀྱི་རྒྱན་གྱིས་བརྒྱན་པའི་སྙིང་པོའི་སྒོ་ནས་རྣམ་པ་དེ་ལྟ་བུར་བཏུད་
D44.038.0291b07.01