完整藏文原文 · 德格版页 当前仅加载第 38 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
སྨོན་ལམ་གྱི་ཚུལ་སྣ་ཚོགས་རྒྱ་མཚོ་དག་ཀྱང་རབ་ཏུ་ཤེས་སོ། །རྫུ་འཕྲུལ་གྱི་རྣམ་པར་འཕྲུལ་པ་སྣ་ཚོགས་རྒྱ་མཚོ་རྣམ་པ་ཐ་དད་པ་དག་ཀྱང་རབ་ཏུ་ཤེས་སོ། །རིགས་ཀྱི་བུ་ཁོ་མོ་ཇི་ལྟར་མི་མཇེད་ཀྱི་
D44.038.0228a01.01འཇིག་རྟེན་གྱི་ཁམས་འདིའི་འདས་པ་དང་། ད་ལྟར་བྱུང་བའི་བསྐལ་པ་སྣ་ཚོགས་རྒྱ་མཚོ་ལ་ཞུགས་ཏེ། ཁོང་དུ་ཆུད་པ་དེ་བཞིན་དུ་ཕྱི་མའི་མཐའ་གཅིག་ནས་གཅིག་ཏུ་བརྒྱུད་དེ། རྒྱུན་མི་འཆད་པའི་མ་འོངས་པའི་བསྐལ་པ་རྒྱ་མཚོ་དག་ཀྱང་རབ་
D44.038.0228a02.01ཏུ་ཤེས་སོ། །མི་མཇེད་ཀྱི་འཇིག་རྟེན་གྱི་ཁམས་ཀྱི་བསྐལ་པ་རྒྱ་མཚོ་ཇི་ལྟར་ཤེས་པ་དེ་བཞིན་དུ་མི་མཇེད་ཀྱི་འཇིག་རྟེན་གྱི་ཁམས་སུ་གཏོགས་པའི་འཇིག་རྟེན་གྱི་ཁམས་གཅིག་ནས་གཅིག་ཏུ་བརྒྱུད་པ་ཐམས་ཅད་ཀྱི་བསྐལ་པ་རྒྱ་མཚོ་དག་ཀྱང་རབ་
D44.038.0228a03.01ཏུ་ཤེས་སོ། །མི་མཇེད་ཀྱི་འཇིག་རྟེན་གྱི་ཁམས་སུ་གཏོགས་པའི་འཇིག་རྟེན་གྱི་ཁམས་གཅིག་ནས་གཅིག་ཏུ་བརྒྱུད་པ་ཐམས་ཅད་ཀྱི་བསྐལ་པ་རྒྱ་མཚོ་ཇི་ལྟར་ཤེས་པ་དེ་བཞིན་དུ་མི་མཇེད་ཀྱི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བའི་ཁོངས་སུ་ཆུད་
D44.038.0228a04.01པའི་འཇིག་རྟེན་གྱི་ཁམས་གཅིག་ནས་གཅིག་ཏུ་བརྒྱུད་པ་ཐམས་ཅད་ཀྱི་བསྐལ་བ་རྒྱ་མཚོ་དག་ཀྱང་རབ་ཏུ་ཤེས་སོ། །མི་མཇེད་ཀྱི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བའི་ཁོངས་སུ་ཆུད་པའི་འཇིག་རྟེན་གྱི་ཁམས་གཅིག་ནས་གཅིག་ཏུ་བརྒྱུད་པ་ཐམས་
D44.038.0228a05.01ཅད་ཀྱི་བསྐལ་པ་རྒྱ་མཚོ་རྣམས་ཇི་ལྟར་ཤེས་པ་དེ་བཞིན་དུ་མི་མཇེད་ཀྱི་འཇིག་རྟེན་གྱི་ཁམས་ཕྱོགས་བཅུར་འདབ་ཆགས་སུ་གནས་པའི་འཇིག་རྟེན་གྱི་ཁམས་ཐམས་ཅད་ཀྱི་བསྐལ་པ་རྒྱ་མཚོ་དག་ཀྱང་རབ་ཏུ་ཤེས་སོ། །མི་མཇེད་ཀྱི་འཇིག་རྟེན་གྱི་
D44.038.0228a06.01ཁམས་ཕྱོགས་བཅུར་འདབ་ཆགས་སུ་གནས་པའི་འཇིག་རྟེན་གྱི་ཁམས་ཐམས་ཅད་ཀྱི་བསྐལ་པ་རྒྱ་མཚོ་རྣམས་ཇི་ལྟར་ཤེས་པ་དེ་བཞིན་དུ་མི་མཇེད་ཀྱི་འཇིག་རྟེན་གྱི་ཁམས་ཕྱོགས་བཅུར་འདབ་ཆགས་སུ་གནས་པ་གཅིག་ནས་གཅིག་ཏུ་བརྒྱུད་པ་
D44.038.0228a07.01