完整藏文原文 · 德格版页 当前仅加载第 38 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
བཅིངས་པས་གླགས་པ། ཞེ་སྡང་གིས་ཁོང་ཁྲོ་བའི་སེམས་དང་ལྡན་པ། གཏི་མུག་གིས་སེམས་ཀྱི་རྒྱུད་འཁྲུགས་པར་གྱུར་པ། ཕྲག་དོག་དང་སེར་སྣས་ཀུན་ནས་འཁོར་བ། ཉོན་མོངས་པས་རབ་ཏུ་དཀྲུགས་པའི་སེམས་དང་ལྡན་པ།
D44.038.0161a01.01འཁོར་བའི་སྡུག་བསྔལ་ཆེན་པོ་ཉམས་སུ་མྱོང་བར་གྱུར་པ། འཁོར་བ་ན་འཕོངས་པའི་སྡུག་བསྔལ་གྱིས་རབ་ཏུ་གཟིར་བ། སངས་རྒྱས་བལྟ་བ་ལས་ཕྱིར་ཕྱོགས་པར་གྱུར་པ། ཐམས་ཅད་གཟིགས་ནས་ཐུགས་རྗེ་ཆེན་པོའི་དགོངས་པ་སྐྱེས་པར་གྱུར་ཏོ། །
D44.038.0161a02.01སེམས་ཅན་ཐམས་ཅད་ཀྱི་དོན་དུ་འགྲོ་བ་ཐམས་ཅད་ལ་ཡོ་བྱད་དང་། རིན་པོ་ཆེ་ཡོངས་སུ་བསྡུ་ཞིང་། ཡོངས་སུ་སྡུད་པའི་དགོངས་པ་དང་། སེམས་ཅན་ཐམས་ཅད་ཀྱི་མཁོ་བའི་ཡོ་བྱད་ཡོངས་སུ་བསྒྲུབ་པའི་དགོངས་པ་དང་། དངོས་པོ་ཐམས་
D44.038.0161a03.01ཅད་ལ་ཆགས་པ་མི་མངའ་བའི་དགོངས་པ་དང་། ཡུལ་ཐམས་ཅད་ལ་ཡེ་བརྔམ་པ་མི་མངའ་བའི་དགོངས་པ་དང་། དགའ་བ་ཐམས་ཅད་ལ་ཆགས་པ་མི་མངའ་བའི་དགོངས་པ་དང་། ལོངས་སྤྱོད་ཐམས་ཅད་ལ་ཡོངས་སུ་མ་ཞེན་པའི་དགོངས་པ་དང་། སྦྱིན་
D44.038.0161a04.01པ་ཐམས་ཅད་ལ་རྣམ་པར་སྨིན་པ་ལ་རེ་བ་མེད་པའི་དགོངས་པ་དང་། འཇིག་རྟེན་གྱི་ཕུན་སུམ་ཚོགས་པ་ཐམས་ཅད་ལ་བཞེད་པ་མི་མངའ་བའི་དགོངས་པ་དང་། རྒྱུ་དང་རྐྱེན་ལ་མ་རྨོངས་པའི་དགོངས་པ་དང་། ལེགས་པར་འཚལ་བའི་ཆོས་ལ་
D44.038.0161a05.01ཡང་དག་པར་ཇི་ལྟར་བ་བཞིན་དུ་མཁྱེན་པའི་དགོངས་པ་དང་། སེམས་ཅན་ཐམས་ཅད་ཀྱི་དོན་ལ་གཞོལ་བར་བྱ་བ་མངོན་པར་བསྒྲུབ་པའི་དགོངས་པ་ཡང་དག་པར་སྐྱེས་པར་གྱུར་ཏེ། དེ་དེ་ལྟར་ཆོས་ཐམས་ཅད་ཀྱི་རང་བཞིན་ལ་ཡང་དག་པར་ཞུགས་
D44.038.0161a06.01པའི་དགོངས་པ་དང་ལྡན་པ་སེམས་ཅན་གྱི་ཁམས་ཐམས་ཅད་དུ་བྱམས་པ་ཆེན་པོས་སྙོམས་པར་ཞུགས་པ་འགྲོ་བ་ཐམས་ཅད་ཐུགས་རྗེ་ཆེན་པོའི་སྤྲིན་གྱིས་རྒྱས་པར་དགང་བའི་སྦྱོར་བ་མངའ་བ་སེམས་ཅན་གྱི་འཇིག་རྟེན་ཐམས་ཅད་ཀུན་ནས་
D44.038.0161a07.01