完整藏文原文 · 德格版页 当前仅加载第 38 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་ཏུ་ཕྱིན་པ་ལ་རབ་ཏུ་བརྩོན་པ། སེམས་ཅན་གྱི་ལམ་གྲོགས་མང་པོ་ཡོངས་སུ་བསྐྱང་བ་ལ་མངོན་པར་བརྩོན་པ། འཁོར་བའི་རྒྱ་མཚོ་ཆེན་པོ་ལས་སེམས་ཅན་བསྒྲལ་བ་ལ་ཞུགས་པ་ཐམས་ཅད་མཁྱེན་པ་ཉིད་ཀྱི་ལམ་ཆེན་པོ་ལ་ཞུགས་པ།
D44.038.0307a01.01ཆོས་ཀྱི་གྲུ་ཆེན་པོ་ཡང་དག་པར་བཤམ་པ་ལ་བརྩོན་པ། ཆོས་ཆེན་པོ་དང་བསོད་ནམས་རིན་པོ་ཆེ་ཡོངས་སུ་བསྡུ་བ་ལ་རབ་ཏུ་རྟུལ་བ། ཆོས་ཀྱི་མཆོད་སྦྱིན་ཆེན་པོའི་ཚོགས་བསྩགས་པ་ལ། བརྩོན་པ་རྣམས་ཀྱི་མིང་ཐོས་པའམ། གཟུགས་ཀྱི་ལུས་མཐོང་
D44.038.0307a02.01བའམ་སྤྱོད་ཡུལ་དུ་འགྲོགས་པའམ། སྤྱོད་པ་དང་སྐལ་བ་མཉམ་པ་ནི་ཤིན་ཏུ་དཀོན་ནོ། །དེ་ཅིའི་ཕྱིར་ཞེ་ན། རིགས་ཀྱི་བུ་སྐྱེས་བུ་དམ་པ་འདི་ནི་འགྲོ་བ་ཐམས་ཅད་ཡོངས་སུ་བསྐྱབ་པའི་དོན་དུ་བྱུང་བ་སྟེ། སེམས་ཅན་ཐམས་ཅད་སྡུག་བསྔལ་ལས་ཡོངས་སུ་
D44.038.0307a03.01ཐར་བར་བྱ་བ་དང་། ངན་སོང་ཐམས་ཅད་ཡང་དག་པར་བསྩལ་པ་དང་། མི་ཁོམ་པའི་ལམ་ཐམས་ཅད་རྣམ་པར་བཟློག་པ་དང་། ལམ་ཉམ་ང་བ་ཐམས་ཅད་ཡོངས་སུ་སྤང་བ་དང་། མི་ཤེས་པའི་མུན་པ་ནག་པོ་ཐམས་ཅད་རྣམ་པར་བསྩལ་བ་དང་། འཁོར་
D44.038.0307a04.01བའི་འབྲོག་དགོན་པ་ཐམས་ཅད་ལས་ཡང་དག་པར་བཟླ་བ་དང་། འགྲོ་བའི་རྒྱུད་ཀྱི་འཁོར་ལོ་ཐམས་ཅད་རྣམ་པར་བཟློག་པ་དང་། བདུད་ཀྱི་ཡུལ་ཐམས་ཅད་ལས་ཡང་དག་པར་བཟླ་བ་དང་། གནས་ཀྱི་རྟེན་ཐམས་ཅད་ལས་གྱེན་དུ་བསྐྱོད་པ་དང་། རྟེན་གྱི་གཞི་
D44.038.0307a05.01ཐམས་ཅད་ལས་བསྐུལ་བ་དང་། འགྲོ་བའི་རྒྱུད་ཐམས་ཅད་དུ་མི་གནས་པར་བྱ་བ་དང་། འདོད་པའི་འདམ་ནས་ཡང་དག་པར་འདོན་པ་དང་། དགའ་བའི་འདོད་ཆགས་སྤང་བ་དང་། ལྟ་བའི་བཅིངས་པ་གཏུབ་པ་དང་། འཇིག་ཚོགས་ལ་མངོན་པར་
D44.038.0307a06.01ཞེན་པ་རྣམ་པར་བཟློག་པ་དང་། འདུ་ཤེས་ཀྱི་ཞགས་པ་ཡང་དག་པར་གཅད་པ་དང་། ཕྱིན་ཅི་ལོག་གི་ལམ་ནས་རྣམ་པར་བཟློག་པ་དང་། ང་རྒྱལ་གྱི་རྒྱལ་མཚན་བསྙལ་བ་དང་། བག་ལ་ཉལ་བའི་ཟུག་རྔུ་ཡང་དག་པར་དབྱུང་བ་དང་། སྒྲིབ་པའི་སྒོ་གླེགས་
D44.038.0307a07.01