完整藏文原文 · 德格版页 当前仅加载第 38 函德格 327a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ལ་ཐོགས་པ་མེད་པའི་དྲན་པས། རྣམ་པར་དམིགས་པའི་རྣ་བ་དང་ལྡན་པ་དང་། ཡིད་ལ་བྱ་བའི་རྣམ་པར་འཁྲུག་པ་ཐམས་ཅད་དང་བྲལ་བ་དང་། རྣམ་པར་ཐར་བ་སྒྲིབ་པ་མེད་པའི་ཚུལ་གྱི་རྗེས་སུ་འབྲང་བའི་བློ་དང་། དམིགས་
D44.038.0327a01.01པ་ཐམས་ཅད་ལ་སྒྲིབ་པ་མེད་པར་མིག་རབ་ཏུ་འགྲོ་བར་གྱུར་ནས། ཕྱོགས་ཀྱི་རྒྱུད་ཐམས་ཅད་ལ་མངོན་དུ་བལྟས་པའི་ལུས་ཀྱིས་ཕྱག་བྱ་བར། མངོན་པར་སྒྲུབ་པའི་སྟོབས་ཐམས་ཅད་དུ་ཁྱབ་པ་དང་ལྡན་པའི་ལུས་ཐམས་ཅད་ཀྱིས་ཕབ་སྟེ། ཕྱག་བྱས་སོ། །
D44.038.0327a02.01དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}ཕྱག་བྱས་མ་ཐག་ཏུ། བྱང་ཆུབ་སེམས་དཔའ་བྱམས་པའི་བྱིན་གྱི་རླབས་ཀྱི་མཐུས་ཁང་པ་བརྩེགས་པ། དེ་དག་ཐམས་ཅད་ཀྱི་ནང་དུ་བདག་ཉིད་ཕྱིན་པར་ཤེས་པར་གྱུར་ཏོ། །ཁང་པ་བརྩེགས་པ་དེ་དག་ཐམས་ཅད་
D44.038.0327a03.01དུ་ཡང་རྣམ་པར་འཕྲུལ་པ། བསམ་གྱིས་མི་ཁྱབ་པའི་ཡུལ་ཅན་རྣམ་པ་སྣ་ཚོགས་རྣམ་པ་ཐ་དད་པ་མང་པོ་ཡང་མཐོང་བར་གྱུར་ཏེ། ཁང་པ་བརྩེགས་པ་ལ་ལར་ནི། བྱང་ཆུབ་སེམས་དཔའ་བྱམས་པས་ཐོག་མ་རིགས་ནི་གང་དུ་སྐྱེས་ཏེ། མིང་ནི་
D44.038.0327a04.01ཅི་ཞེས་བྱ་བར་གྱུར་པ་ཞིག་གིས། དགེ་བའི་རྩ་བ་གང་དང་ཡོངས་སུ་བསྐུལ་བ་གང་དང་། དགེ་བའི་བཤེས་གཉེན་གང་གི་ཡང་དག་པར་བསྐུལ་བ་དང་། ཚེའི་ཚད་ནི་ཅི་ཙམ་ཞིག་ཏུ། བསྐལ་པའི་མིང་ནི་ཅི་ཞེས་བྱ་བར། དེ་བཞིན་གཤེགས་པ་ནི་གང་ལ་
D44.038.0327a05.01རྒྱན་ནི་ཇི་ལྟ་བུ་ཞིག་དང་ལྡན་པའི་ཞིང་དུ་འཁོར་ནི་ཇི་ལྟ་བུ་ཞིག་ཏུ་སྨོན་ལམ་གྱི་ཁྱད་པར་ནི་ཇི་ལྟ་བུ་ཞིག་མངོན་པར་བསྒྲུབས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ། སྨོན་ལམ་གྱི་སེམས་བསྐྱེད་པ་དེ་དག་ཐམས་ཅད་ཀྱང་
D44.038.0327a06.01མཐོང་བར་གྱུར་ཏོ། །ཤེས་པར་གྱུར་ཏོ། །ཁོང་དུ་ཆུད་པར་གྱུར་ཏོ། །དེའི་ཚེ་སེམས་ཅན་དེ་དག་དང་དེ་བཞིན་གཤེགས་པ་དེའི་སྐུ་ཚེའི་ཚད་དང་ཚེའི་ཚད་ཇི་སྲིད་ཅིག་ཏུ་གྱུར་པ་དེ་ཙམ་གྱི་དུས་སུ། དེ་བཞིན་གཤེགས་པ་དེའི་ཞབས་ཀྱི་
D44.038.0327a07.01