完整藏文原文 · 德格版页 当前仅加载第 38 函德格 329b 版页；藏文 NFD、目录标记与异常页序保留在来源切片中，重复版页行以稳定序号区分。
པ་བརྩེགས་པ་ལ་ལར་ནི་བྱང་ཆུབ་སེམས་དཔའ་བྱམས་པ། བྱང་ཆུབ་སེམས་དཔའི་མངོན་པར་ཤེས་པ་བསྒྲུབ་པའི་ཐབས་ཀྱི་ཏིང་ངེ་འཛིན་ལ། མཉམ་པར་གཞག་པར་མཐོང་ངོ་། །ཁང་པ་བརྩེགས་པ་ལ་ལར་ནི་བྱང་ཆུབ་སེམས་དཔའི། ཏིང་
D44.038.0329b01.01ངེ་འཛིན་སྤྲུལ་པ་ཡོད་པ་ལ་མཉམ་པར་བཞག་པའི་བྱང་ཆུབ་སེམས་དཔའ་མང་པོ་མཐོང་སྟེ། དེ་དག་གི་ལུས་ཐམས་ཅད་དང་། བ་སྤུའི་སྒོ་ཐམས་ཅད་ནས་སྤྲུལ་པ་ཐམས་ཅད་ཀྱི་སྤྲིན་མང་པོ་འབྱུང་བ་མཐོང་ངོ་། །ལ་ལའི་ལུས་དང་། བ་
D44.038.0329b02.01སྤུའི་སྒོ་ཐམས་ཅད་ནས་ནི། ལྷའི་རིས་ཀྱི་སྤྲིན་མང་པོ་འབྱུང་བ་མཐོང་ངོ་། །ལ་ལའི་ལུས་དང་བ་སྤུའི་སྒོ་ཐམས་ཅད་ནས་ནི་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་
D44.038.0329b03.01ཆེན་པོ་དང་། བརྒྱ་བྱིན་དང་། ཚངས་པ་དང་། འཇིག་རྟེན་གྱི་མགོན་པོ་དང་། འཁོར་ལོས་སྒྱུར་བའི་སྤྲིན་མང་པོ་འབྱུང་བ་དང་། ལ་ལའི་ལུས་དང་བ་སྤུའི་སྒོ་ཐམས་ཅད་ནས་ནི། ཁམས་ཀྱི་རྒྱལ་པོའི་སྤྲིན་མང་པོ་འབྱུང་བ་དང་། ལ་ལའི་
D44.038.0329b04.01ལུས་དང་བ་སྤུའི་སྒོ་ཐམས་ཅད་ནས་ནི། རྒྱལ་བུ་གཞོན་ནུའི་སྤྲིན་མང་པོ་འབྱུང་བ་དང་། ལ་ལའི་ལུས་དང་བ་སྤུའི་སྒོ་ཐམས་ཅད་ནས་ནི། ཚོང་དཔོན་དང་། བློན་པོ་དང་། ཁྱིམ་བདག་གི་སྤྲིན་མང་པོ་དང་། ལ་ལའི་ལུས་དང་བ་སྤུའི་སྒོ་
D44.038.0329b05.01ཐམས་ཅད་ནས་ནི། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའི་སྤྲིན་མང་པོ་དང་། ལ་ལའི་ལུས་དང་བ་སྤུའི་སྒོ་ཐམས་ཅད་ནས་ནི། དེ་བཞིན་གཤེགས་པའི་སྐུའི་སྤྲིན་མང་པོ་དང་། ལ་ལའི་ལུས་དང་བ་སྤུའི་སྒོ་ཐམས་ཅད་ནས་ནི།
D44.038.0329b06.01སེམས་ཅན་ཐམས་ཅད་དུ་སྤྲུལ་པའི། སྤྲིན་ཚད་མེད་པ་འབྱུང་བ་མཐོང་ངོ་། །ལ་ལའི་ལུས་དང་བ་སྤུའི་སྒོ་ཐམས་ཅད་ནས་ནི། ཆོས་ཀྱི་སྒོ་རྣམ་པ་སྣ་ཚོགས་འབྱུང་བ་ཐོས་པར་གྱུར་ཏེ། འདི་ལྟར་བྱང་ཆུབ་སེམས་དཔའི་ཡོན་ཏན་བསྔགས་པའི་སྒོ་
D44.038.0329b07.01