完整藏文原文 · 德格版页 当前仅加载第 38 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་འཁོར་བའི་རྒྱ་མཚོ་ཐམས་ཅད་དུ་རྣམ་པར་སྤྱོད་པ་ཉོན་མོངས་པའི་རྒྱ་མཚོ་ཐམས་ཅད་ཀྱིས་གོས་པ་མེད་པ། ལྟ་བའི་རྣམ་པའི་རྒྱ་མཚོ་ཐམས་ཅད་ཀྱི་ཆགས་པའི་ཆུ་སྲིན་གྱི་འཇིགས་པ་དང་བྲལ་བ། ཆོས་རྒྱ་མཚོ་ཐམས་ཅད་ཀྱི་རང་བཞིན་དང་།
D44.038.0051a01.01གཞི་ལས་རྣམ་པར་རྒྱུ་བ། འགྲོ་བ་རྒྱ་མཚོ་ཐམས་ཅད་བསྡུ་བའི་དངོས་པོས་ཡོངས་སུ་སྡུད་པའི་རྒྱ་མཚོ་དང་ལྡན་པ། ཐམས་ཅད་མཁྱེན་པ་ཉིད་ཀྱི་རྒྱ་མཚོ་དང་འགྲོགས་པ། སེམས་ཅན་གྱི་མངོན་པར་ཆགས་པའི་རྒྱ་མཚོ་ཐམས་ཅད་རབ་ཏུ་བསྲུབ་པ། དུས་རྒྱ་མཚོ་ཐམས་
D44.038.0051a02.01ཅད་དང་། ཐ་མི་དད་པར་རྣམ་པར་སྤྱོད་པ། འགྲོ་བ་རྒྱ་མཚོ་ཐམས་ཅད་ཡོངས་སུ་སྨིན་པར་བྱ་བའི་དམིགས་པ་ཤེས་པ། འགྲོ་བ་རྒྱ་མཚོ་ཐམས་ཅད་ཀྱི་འདུལ་བའི་དབྲེས་ལས་མི་འདའ་བར་དེ་དག་གི་སྤྱོད་པ་ཤེས་པའམ། ཡོན་ཏན་བརྗོད་པར་ནུས་རེ་སྐན། །སོང་རིགས་ཀྱི་བུ་
D44.038.0051a03.01ལྷོ་ཕྱོགས་ཀྱི་རྒྱུད་འདི་ཉིད་ན་གྲོང་ཁྱེར་དགའ་བའི་ཕྲེང་བ་ཞེས་བྱ་བ་ཡོད་དེ། དེ་ན་ཚོང་དཔོན་རྒྱལ་བ་དམ་པ་ཞེས་བྱ་བ་འདུག་གིས། དེའི་གན་དུ་སོང་ལ་ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་བསླབ་པར་བྱ་བ་དང་། ཇི་ལྟར་ནན་ཏན་དུ་བྱ་བ་དྲིས་ཤིག །དེ་ནས་
D44.038.0051a04.01ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}མཉན་པ་དཔའ་བོའི་རྐང་པ་གཉིས་ལ་སྤྱི་བོས་ཕྱག་འཚལ་ནས། མཉན་པ་དཔའ་བོ་ལ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ཏེ། ཡང་དང་ཡང་བལྟས་ནས་གདོང་མཆི་མས་བཀང་སྟེ། ངུ་ཞིང་། དགེ་བའི་བཤེས་གཉེན་
D44.038.0051a05.01བལྟ་བས་མ་ངོམས་བཞིན་དུ་མཉན་པ་དཔའ་བོའི་དྲུང་ནས་སོང་ངོ་།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་བཞི་བ། དེ་ནས་ཚོང་དཔོན་གྱི་བུ་ནོར་{བཟངས་,བཟང་}བྱམས་པ་ཆེན་པོས་སེམས་ཅན་གྱི་ཁམས་ཚད་
D44.038.0051a06.01མེད་པར་རྒྱས་བའི་སེམས་དང་ལྡན་པ། སྙིང་རྗེ་ཆེན་པོའི་རླན་གྱིས་མངོན་པར་བརླན་པའི་རྒྱུད་ཅན། བསོད་ནམས་དང་ཡེ་ཤེས་ཀྱི་ཚོགས་རྒྱ་ཆེན་པོའི་རྒྱན་ཤིན་ཏུ་བསྩགས་པ་ཉོན་མོངས་པའི་རྡུལ་དང་མུན་པ་དང་དྲི་མ་དང་འདམ་ཐམས་ཅད་དང་བྲལ་བ། ཆོས་མཉམ་པ་ཉིད་ཁོང་དུ་ཆུད་
D44.038.0051a07.01