完整藏文原文 · 德格版页 当前仅加载第 38 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
དྲག་པོ་དང་། རྣམ་པར་གནོན་པ་ཤིན་ཏུ་ཡངས་པའི་སྟོབས་དང་། བྱང་ཆུབ་སེམས་དཔའི་མངོན་པར་ཤེས་པ་ཆེན་པོའི་སྟོབས་དང་། མཐུ་དང་། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་། སྨོན་ལམ་
D44.038.0116a01.01མངོན་པར་བསྒྲུབས་པའི་སྟོབས་ཀྱིས་སྙིང་རྗེ་ཆེན་པོའི་ཚུལ་རྒྱ་མཚོའི་ཤུགས་དྲག་པོ་ཤིན་ཏུ་སྐྱེས་པའི་ཕྱིར་འགྲོ་བ་ཐམས་ཅད་དུ་ཐོགས་པ་མེད་པའི་བྱམས་པ་ཆེན་པོས་རྒྱས་པར་དགང་བ་དང་། སེམས་ཅན་ཐམས་ཅད་ཀྱི་བདེ་བ་ཡོངས་སུ་བསྒྲུབ་པ་དང་།
D44.038.0116a02.01དགའ་བའི་ཤུགས་རྣམ་པར་འཕེལ་བར་བྱ་བ་དང་། སེམས་ཅན་ཐམས་ཅད་ཡོངས་སུ་བསྡུ་བའི་ཡེ་ཤེས་རབ་ཏུ་བསྒྲུབ་པའི་ཕྱིར། བྱང་ཆུབ་སེམས་དཔའི་རྣམ་པར་ཐར་པ་རྒྱ་ཆེན་པོའི་རྣམ་པར་འཕྲུལ་པ་དང་། ཁྱུ་མཆོག་གི་མཐུ་ཕྱུང་བ་དང་ལྡན་པས་
D44.038.0116a03.01ཞིང་ཐམས་ཅད་ཡོངས་སུ་དག་པར་བྱ་བ་ལ་མངོན་དུ་གྱུར་པར་གནས་པར་མཐོང་ངོ་། །ཆོས་ཐམས་ཅད་ཀྱི་རྒྱུས་ཤེས་པར་བྱ་བ་ལ་མངོན་དུ་གྱུར་པ་དང་། སངས་རྒྱས་ཐམས་ཅད་མཆོད་ཅིང་རིམ་གྲོར་བྱ་བ་ལ་མངོན་དུ་གྱུར་པ་དང་། དེ་བཞིན་གཤེགས་པ་ཐམས་
D44.038.0116a04.01ཅད་ཀྱི་བསྟན་པ་ཡོངས་སུ་གཟུང་བ་ལ་མངོན་དུ་གྱུར་པ་དང་། དགེ་བའི་རྩ་བ་ཐམས་ཅད་བསྩགས་པ་ལ་མངོན་དུ་གྱུར་པ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་རྣམ་པར་འཕེལ་བར་བྱ་བ་ལ་མངོན་དུ་གྱུར་པ་དང་། སེམས་ཅན་ཐམས་ཅད་
D44.038.0116a05.01ཀྱི་སེམས་ལ་སྒྲིབ་པ་མེད་པར་མངོན་དུ་གྱུར་པར་གནས་པ་དང་། སེམས་ཅན་ཐམས་ཅད་ཀྱི་དབང་པོ་ཡོངས་སུ་སྨིན་པར་བྱ་བ་ལ་མངོན་དུ་གྱུར་པར་གནས་པ་དང་། སེམས་ཅན་ཐམས་ཅད་ཀྱི་མོས་པ་རྒྱ་མཚོ་རྣམ་པར་སྦྱང་བ་ལ་མངོན་དུ་གྱུར་པ་
D44.038.0116a06.01དང་། སེམས་ཅན་ཐམས་ཅད་ཀྱི་སྒྲིབ་པའི་ཆོས་རྣམ་པར་བཟློག་པ་ལ་མངོན་དུ་གྱུར་པ་དང་། སེམས་ཅན་ཐམས་ཅད་ཀྱི་མི་ཤེས་པའི་མུན་པ་རྣམ་པར་བསྩལ་བ་ལ་མངོན་དུ་གྱུར་ཅིང་ཐམས་ཅད་མཁྱེན་པའི་ཡེ་ཤེས་སྣང་བ་ཡོངས་སུ་བསྐྱེད་པའི་དོན་དུ་
D44.038.0116a07.01