完整藏文原文 · 德格版页 当前仅加载第 38 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}མཚན་མོའི་ལྷ་མོ་སྒྲ་རྒྱ་མཚོ་རབ་ཏུ་ཞི་བ་དང་ལྡན་པ་ལ་འདི་སྐད་ཅེས་སྨྲས་སོ། །འཕགས་མ་ལྷ་མོ་ཇི་ལྟར་ནན་ཏན་དུ་བགྱིས་ན། བྱང་ཆུབ་སེམས་དཔས་དེ་ལྟ་བུའི་རྣམ་པར་ཐར་པ་དེ་ཡོངས་སུ་འགྲུབ་པར་
D44.038.0141a01.01འགྱུར། སྨྲས་པ་རིགས་ཀྱི་བུ་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཚོགས་ཆེན་པོ་ཆོས་ཡངས་པ་དང་ལྡན་པ། རྣམ་པར་རྒྱ་ཆེན་པོ་གསལ་བ་ཆེན་པོ་སྣང་བ་ཆེན་པོ། འོད་ཆེན་པོ་བྱིན་ཆེན་པོ་རྣམ་པར་དབྱེ་བ་ཆེན་པོ་འབྱུང་བ་ཆེན་པོ་ཕུན་སུམ་ཚོགས་
D44.038.0141a02.01པ་ཆེན་པོ་སྟེ། དེ་དག་ལ་ནན་ཏན་དུ་བྱེད་པའི་བྱང་ཆུབ་སེམས་དཔའ་རྣམས་ཀྱི་རྣམ་པར་ཐར་པ་འདི་ལྟ་བུ་ཕུན་སུམ་ཚོགས་པར་འགྱུར་བ་དག་གོ །བཅུ་གང་ཞེ་ན་འདི་ལྟ་སྟེ། བྱང་ཆུབ་སེམས་དཔའི་སྦྱིན་པ་སེམས་ཅན་རྒྱ་མཚོ་ཐམས་ཅད་ཀྱི་བསམ་པ་ཇི་ལྟ་བ་བཞིན་
D44.038.0141a03.01དུ་ཡོངས་སུ་ཚིམ་པར་བྱེད་པ་ལ་ཞུགས་པ་ནི་རྒྱ་ཆེན་པོའི་ཆོས་སོ། །བྱང་ཆུབ་སེམས་དཔའི་ཚུལ་ཁྲིམས་དེ་བཞིན་གཤེགས་པའི་ཡོན་ཏན་རྒྱ་མཚོ་ལ་འཇུག་པའི་ནན་ཏན་ལ་ཞུགས་པ་ནི་རྒྱ་ཆེན་པོའི་ཆོས་སོ། །བྱང་ཆུབ་སེམས་དཔའི་བཟོད་པ་ཆོས་ཐམས་ཅད་ཀྱི་རང་
D44.038.0141a04.01བཞིན་ངེས་པར་རྟོགས་པར་བྱ་བ་ལ་ཞུགས་པ་ནི་རྒྱ་ཆེན་པོའི་ཆོས་སོ། །བྱང་ཆུབ་སེམས་དཔའི་བརྩོན་འགྲུས་ཐམས་ཅད་མཁྱེན་པ་ཉིད་དུ་ཡང་དག་པར་བརྩམས་པ་ལས་ཕྱིར་མི་ལྡོག་པ་ལ་ཞུགས་པ་ནི་རྒྱ་ཆེན་པོའི་ཆོས་སོ། །བྱང་ཆུབ་སེམས་དཔའི་བསམ་གཏན་སེམས་
D44.038.0141a05.01ཅན་ཐམས་ཅད་ཀྱི་ཉོན་མོངས་པའི་གདུང་བ་རབ་ཏུ་ཞི་བར་བྱ་བ་ལ་ཞུགས་པ་ནི་རྒྱ་ཆེན་པོའི་ཆོས་སོ། །བྱང་ཆུབ་སེམས་དཔའི་ཤེས་རབ་ཀྱི་ཆོས་རྒྱ་མཚོ་ཐམས་ཅད་ཡོངས་སུ་ཤེས་པར་བྱ་བ་ལ་ཞུགས་པ་ནི་རྒྱ་ཆེན་པོའི་ཆོས་སོ། །བྱང་ཆུབ་སེམས་དཔའི་ཐབས་སེམས་ཅན་རྒྱ་
D44.038.0141a06.01མཚོ་ཐམས་ཅད་ཡོངས་སུ་སྨིན་པར་བྱ་བ་དང་གདུལ་བ་ལ་ཞུགས་པ་ནི་རྒྱ་ཆེན་པོའི་ཆོས་སོ། །བྱང་ཆུབ་སེམས་དཔའི་སྨོན་ལམ་ཕྱི་མའི་མཐའི་མུར་ཐུག་པའི་བསྐལ་པར་སངས་རྒྱས་ཀྱི་ཞིང་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་སྤྱད་པའི་ཕྱིར་ཞིང་རྒྱ་མཚོ་
D44.038.0141a07.01