完整藏文原文 · 德格版页 当前仅加载第 38 函德格 354a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་སྣང་བར་གྱུར་ཏོ། །ཇི་ལྟར་མི་མཇེད་ཀྱི་འཇིག་རྟེན་གྱི་ཁམས་འདིར་བྱང་ཆུབ་སེམས་དཔའ་ཀུན་ཏུ་བཟང་པོ་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱི་སྤྱན་སྔ་ན་འདུག་པས་ལག་པ་གཡས་
D44.038.0354a01.01པ་བརྐྱང་ཏེ། ཚོང་དཔོན་གྱི་བུ་ནོར་{བཟངས་ཀྱི་,བཟང་གི་}སྤྱི་བོར་བཞག་པ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་ཀྱི་དེ་བཞིན་གཤེགས་པའི་ཞབས་ཀྱི་དྲུང་ན་འདུག་པའི་བྱང་ཆུབ་སེམས་དཔའ་ཀུན་ཏུ་བཟང་པོས་ཀྱང་ལག་པ་གཡས་པ་བརྐྱང་
D44.038.0354a02.01ཞིང་ཚོང་དཔོན་གྱི་བུ་ནོར་{བཟངས་ཀྱི་,བཟང་གི་}སྤྱི་བོ་ལ་བཞག་པར་གྱུར་ཏོ། །དེ་བཞིན་དུ་ཕྱོགས་དང་ཕྱོགས་མཚམས་ཐམས་ཅད་ཀུན་གྱི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བའི་ཁོངས་སུ་ཆུད་པའི་འཇིག་རྟེན་གྱི་ཁམས་དག་གི་དེ་བཞིན་
D44.038.0354a03.01གཤེགས་པ་ཐམས་ཅད་ཀྱི་ཞབས་ཀྱི་དྲུང་ན་འདུག་པའི་བྱང་ཆུབ་སེམས་དཔའ་ཀུན་ཏུ་བཟང་པོས་ཀྱང་ལག་པ་གཡས་པ་བརྐྱང་ཞིང་ཚོང་དཔོན་གྱི་བུ་ནོར་{བཟངས་ཀྱི་,བཟང་གི་}སྤྱི་བོ་ལ་བཞག་པར་གྱུར་ཏོ། །ཇི་ལྟར་བཅོམ་ལྡན་འདས་རྣམ་པར་
D44.038.0354a04.01སྣང་མཛད་ཀྱི་ཞབས་ཀྱི་དྲུང་ན་འདུག་པའི་བྱང་ཆུབ་སེམས་དཔའ་ཀུན་ཏུ་བཟང་པོའི་ལག་པས་རེག་སྟེ། ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}ཆོས་ཀྱི་སྒོ་མང་པོ་ལ་ཞུགས་པར་གྱུར་པ་དེ་བཞིན་དུ་ཀུན་ཏུ་བཟང་པོའི་ལུས་ཐམས་
D44.038.0354a05.01ཅད་ལས་འཕྲོས་པའི་ལག་པའི་སྤྲིན་མང་པོས་རེག་པའི་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}ཀྱང་ཆོས་ཀྱི་སྒོ་མང་པོ་ལ་ཚུལ་སྣ་ཚོགས་ཀྱིས་ཞུགས་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་
D44.038.0354a06.01ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་ངའི་རྣམ་པར་འཕྲུལ་པ་མཐོང་མོད། སྨྲས་པ་འཕགས་པ་མཐོང་ནི་མཐོང་ན་དེ་ཙམ་དུ་བསམ་གྱིས་མི་ཁྱབ་པའི་རྣམ་པར་ཐར་པ་དེ་ནི་དེ་བཞིན་
D44.038.0354a07.01