完整藏文原文 · 德格版页 当前仅加载第 38 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
འཁྱིལ་པར་གྱུར་ཏེ། ཕྱིར་མི་ཟློག་པའི་སྤུ་དང་། མི་ལྡོག་པའི་སྤུ་དང་། མ་འདྲེས་པའི་སྤུ་དང་ལྡན་པར་གྱུར་ཏོ། །གཞོན་ནུ་དེ་མི་ཆེན་པོའི་མཚན་སྐྲ་མཐོན་ཏིང་དུ་འདུག་པ་ཐོབ་པར་གྱུར་ཏེ། དེའི་སྐྲ་ནོར་བུ་རིན་པོ་ཆེ་རྣམ་པར་སྣང་བའི་མདོག་ལྟར་མཐོན་ཏིང་དུ་འདུག་པ།
D44.038.0234b01.01འཇམ་པ་སྣུམ་པ། ལེགས་པར་འཁྱིལ་པ། གཡས་ཕྱོགས་སུ་འཁྱིལ་བ། དྲུང་ཤིན་ཏུ་རན་པ། ཟད་ཟེད་མེད་པ། འཇམ་འཇམ་ལྟར་འདུག་པ། མི་འཛིང་བ། དབྱིབས་མཉམ་ཞིང་མཐུན་པར་གནས་པ་དང་ལྡན་པར་གྱུར་ཏོ། །རྒྱལ་བུ་གཞོན་ནུ་དེ་ཤིང་ནྱ་གྲོ་དྷ་
D44.038.0234b02.01ལྟར་ཆུ་ཞེང་གབ་པའི་མི་ཆེན་པོའི་མཚན་རབ་ཏུ་ཐོབ་པར་གྱུར་ཏེ། ཀུན་ནས་གྱེན་དུ་རན་པ་དང་། ཀུན་ཏུ་བཟང་བ་དང་། ཀུན་ཏུ་མཛེས་པ་དང་ལྡན་པར་གྱུར་ཏེ། དེ་ནི་མདུན་ནས་བལྟས་ནའང་ངོམས་མི་ཤེས་ཤིང་བལྟ་ན་ཡིད་དུ་འོང་བ་རྒྱབ་དང་གཡས་གཡོན་དང་། འགྲོ་
D44.038.0234b03.01བ་དང་འདུག་པ་དང་། འགྲེང་བ་དང་ཉལ་བ་དང་། སྨྲ་བ་དང་། མི་སྨྲ་བར་འདུག་པ་ལ་བལྟས་ན། ཡང་ངོམས་མི་ཤེས་ཤིང་ཡིད་དུ་འོང་ལ་བལྟ་ན་སྡུག་པར་གྱུར་ཏོ། །རིགས་ཀྱི་བུ་རྒྱལ་པོ་གཞོན་ནུ་གཟི་བརྗིད་ཀྱི་བདག་པོ་དེ་མི་ཆེན་པོའི་མཚན་སུམ་ཅུ་རྩ་གཉིས་པོ་འདི་
D44.038.0234b04.01དག་གིས་ཡོངས་སུ་བརྒྱན་པའི་ལུས་དང་ལྡན་པར་གྱུར་ཏེ། སེམས་ཅན་ཐམས་ཅད་ཀྱི་བལྟ་ན་ཡིད་དུ་མི་འོང་བའི་བག་མེད་པ་བལྟ་ན་བསམ་པ་ཐམས་ཅད་ཡོངས་སུ་རྫོགས་པར་བྱེད་པ། བལྟ་ན་སེམས་ཅན་ཐམས་ཅད་ཀྱི་དགའ་བ་ཡོངས་སུ་འབྱུང་བ། དེ་ལྟ་བུ་
D44.038.0234b05.01ཞིག་སྐྱེས་པར་གྱུར་ཏོ། །རིགས་ཀྱི་བུ་དེ་ནས་ལན་གཅིག་ཅིག་རྒྱལ་པོ་གཞོན་ནུ་གཟི་བརྗིད་ཀྱི་བདག་པོ་དེ་ཡབ་ཀྱིས་གནང་ནས་རྒྱལ་པོའི་གནས་སྡོང་པོ་རི་བོ་དཔལ་གྱི་བཟའ་ཤིང་གི་ར་བ་སྤོས་ཀྱི་མྱུ་གུའི་རྩེ་མོ་ལས་འོད་ཀྱི་སྤྲིན་འབྱུང་བ་ཞེས་བྱ་བ་དེར་ས་བཟང་པོ་
D44.038.0234b06.01ལྟ་བའི་ཕྱིར་བུ་མོ་སྟོང་ཕྲག་ཉི་ཤུ་དང་ལྷན་ཅིག་ཏུ་བསོད་ནམས་ཀྱི་གཟི་བརྗིད་དང་དཔལ་གྱི་བསྐལ་པ་བཟང་པོའི་རྣམ་པར་འཕྲུལ་པའི་རྒྱན་གྱིས་བྱུང་ནས་སྐྱེས་པ་དང་། བུད་{མྱེད་,མེད་}ཀྱི་ཚོགས་ཀྱིས་ཀུན་ནས་དགའ་བར་བྱ་ཞིང་། འཛམ་བུ་ཆུ་ཀླུང་གི་གསེར་གྱི་ཤིང་རྟ་
D44.038.0234b07.01