完整藏文原文 · 德格版页 当前仅加载第 38 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་མེད་པའི་གནས་ལ་རྣམ་པར་སྤྱོད་པ། གཉེན་པོ་མེད་པའི་གནས་ལ་རྣམ་པར་སྤྱོད་པ། མི་{དམྱིགས་,དམིགས་}པའི་གནས་ལ་རྣམ་པར་སྤྱོད་པ། སྤྲོས་པ་མེད་པའི་གནས་ལ་རྣམ་པར་སྤྱོད་པ། བྱམས་པ་ཆེན་པོ་དང་། སྙིང་རྗེ་ཆེན་པོའི་གནས་ལ་རྣམ་པར་སྤྱོད་པ། ཉན་ཐོས་དང་།
D44.038.0293b01.01རང་སངས་རྒྱས་ཐམས་ཅད་ཀྱིས་ཆུད་པར་དཀའ་བའི་གནས་ལ་རྣམ་པར་སྤྱོད་པ། བདུད་ཀྱི་ཡུལ་ཐམས་ཅད་ལས་ཡང་དག་པར་འདས་པའི་གནས་ལ་རྣམ་པར་སྤྱོད་པ། འཇིག་རྟེན་གྱི་ཡུལ་ཐམས་ཅད་ཀྱིས་མ་གོས་པའི་གནས་ལ་རྣམ་པར་སྤྱོད་པ། བྱང་ཆུབ་སེམས་དཔའ་
D44.038.0293b02.01ཐམས་ཅད་ཀྱི་གནས་ཀྱི་ཕ་རོལ་ཏུ་ཕྱིན་པའི་གནས་ལ་རྣམ་པར་སྤྱོད་པ། སངས་རྒྱས་ཐམས་ཅད་ཀྱི་གནས་དང་མཐུན་པའི་གནས་ལ་རྣམ་པར་སྤྱོད་པ་རྣམས་ཀྱི་གནས་སོ། །གང་དེ་དག་མཚན་མ་ཐམས་ཅད་དང་བྲལ་བའི་གནས་ལ་རྣམ་པར་སྤྱོད་ཀྱང་ཉན་ཐོས་ཀྱི་སྐྱོན་མེད་
D44.038.0293b03.01པར་མི་འཇུག་པ་དང་། གང་དེ་དག་ཆོས་ཐམས་ཅད་སྐྱེ་བ་མེད་པའི་གནས་ལ་རྣམ་པར་སྤྱོད་ཀྱང་མི་སྐྱེ་བའི་ཆོས་ཉིད་དུ་མི་ལྟུང་བ་དང་། གང་དེ་དག་མི་སྡུག་པའི་གནས་ལ་རྣམ་པར་སྤྱོད་ཀྱང་འདོད་ཆགས་དང་བྲལ་བའི་ཆོས་ཉིད་མངོན་དུ་མི་བྱེད་དེ་འདོད་ཆགས་ཀྱི་ཆོས་
D44.038.0293b04.01དང་ཡང་ལྷན་ཅིག་མི་གནས་པ་དང་། གང་དེ་དག་བྱམས་པའི་གནས་ལ་རྣམ་པར་སྤྱོད་ཀྱང་ཞེ་སྡང་གི་དྲི་མའི་རྗེས་སུ་སོང་བའི་སེམས་མེད་པ་དང་། གང་དེ་དག་རྟེན་ཅིང་འབྲེལ་བའི་གནས་ལ་རྣམ་པར་སྤྱོད་ཀྱང་ཆོས་ཐམས་ཅད་ལ་ཤིན་ཏུ་རྨོངས་པ་མེད་པ་དང་།
D44.038.0293b05.01གང་དེ་དག་བསམ་གཏན་བཞིའི་གནས་ལ་རྣམ་པར་སྤྱོད་ཀྱང་བསམ་གཏན་གྱི་དབང་གིས་མི་སྐྱེ་བ་དང་། གང་དེ་དག་ཚད་མེད་པ་བཞིའི་གནས་ལ་རྣམ་པར་སྤྱོད་ཀྱང་སེམས་ཅན་ཡོངས་སུ་སྨྱིན་པར་བྱ་བའི་དོན་དུ་གཟུགས་ཀྱི་ཁམས་ཀྱི་ལམ་གྱི་རྒྱུད་དུ་མི་འདོང་བ་
D44.038.0293b06.01དང་། གང་དེ་དག་གཟུགས་མེད་པའི་སྙོམས་པར་འཇུག་པ་བཞིའི་གནས་ལ་རྣམ་པར་སྤྱོད་ཀྱང་སྙིང་རྗེ་ཆེན་པོས་ཡོངས་སུ་ཟིན་པས་གཟུགས་མེད་པའི་ཁམས་ཀྱི་ལམ་གྱི་རྒྱུད་དུ་མི་འདོང་བ་དང་། གང་དེ་དག་ཞི་གནས་དང་ལྷག་མཐོང་གི་གནས་ལ་རྣམ་པར་སྤྱོད་
D44.038.0293b07.01