完整藏文原文 · 德格版页 当前仅加载第 38 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཀྱི་ཕ། །བྱང་ཆུབ་སེམས་དཔའ་ཐམས་ཅད་ཁྱོད་དང་སྤུན། །བྱང་ཆུབ་ཡན་ལག་ཐམས་ཅད་ཁྱོད་ཀྱི་གཉེན། །ཁྱོད་ནི་བདེ་གཤེགས་ཐུགས་ལས་སྐྱེས་པའི་སྲས། །ཆོས་ཀྱི་རྒྱལ་པོ་རིག་པའི་རྒྱུད་འཛིན་པ། །བྱང་ཆུབ་སེམས་དཔའི་རིགས་རྒྱུད་འཕེལ་བར་
D44.038.0303b01.01བྱེད། །རིང་པོར་མི་ཐོགས་ཆོས་རྒྱལ་ཐོབ་འགྱུར་གྱིས། །ནོར་{བཟངས་,བཟང་}དབང་པོ་ཚིམ་ཞིང་དགའ་བར་གྱིས། །སངས་རྒྱས་ཀུན་གྱི་དབང་བསྐུར་དམ་པ་ཡང་། །རིང་པོར་མི་ཐོགས་རྨད་བྱུང་ཐོབ་པར་འགྱུར། །རྒྱལ་བའི་སྲས་དང་མཚུངས་ཤིང་མཉམ་པར་འགྱུར། །
D44.038.0303b02.01ཁྱོད་ཀྱི་སྤྱོད་པའི་ཚུལ་མཐུན་དེ་འདྲའོ། །མི་གང་ཅི་འདྲའི་ས་བོན་འདེབས་བྱེད་པ། །དེ་ནི་དེ་འདྲའི་འབྲས་བུ་ཐོབ་པར་འགྱུར། །དགའ་བ་རྒྱ་ཆེན་བསམ་ཡས་ཉམས་སུ་ལོང་། །ངས་ནི་དེ་རིང་ཁྱོད་ཀྱི་དབུགས་ཀྱང་དབྱུང་། །ཚེ་གཅིག་ཁྱོད་ཀྱིས་གང་རྣམས་ཐོབ་གྱུར་པ། །
D44.038.0303b03.01བྱང་ཆུབ་སེམས་དཔའ་ཁྲག་ཁྲིག་བསམ་ཡས་པ། །བསྐལ་བ་ཁྲག་ཁྲིག་བྱང་ཆུབ་སྤྱད་སྤྱོད་པ། །དེ་དག་གིས་ཀྱང་ཕུན་སུམ་འདི་མ་རྙེད། །འདི་རྣམས་ཐམས་ཅད་མོས་པའི་འབྲས་བུ་སྟེ། །བརྩོན་འགྲུས་བསམ་པ་དག་ནི་དེ་བཞིན་ནོ། །གང་ཞིག་སྤྱོད་པ་འདི་
D44.038.0303b04.01འདྲ་དཀའ་བ་ཡང་། །ནོར་{བཟངས་,བཟང་}སྤྱོད་པ་གང་ཡིན་དེ་ལ་སྤྱོད། །སྤྱོད་པ་ཐམས་ཅད་སྨོན་ལམ་བྱུང་བ་ཡིན། །ཆོས་རྣམས་ཐམས་ཅད་མོས་ལས་ཡོངས་སུ་བྱུང་། །ནོར་{བཟངས་,བཟང་}དེ་ལྟར་ཁྱོད་ཀྱིས་ཡོངས་སུ་བསྒྲུབས། །རྟག་ཏུ་ཁྱད་པར་སྤྱོད་པ་བཙལ་བར་
D44.038.0303b05.01གྱིས། །ཀླུ་ཡི་བསམ་པ་ཇི་སྙེད་བྱུང་གྱུར་པ། །དེ་སྙེད་ཆར་པ་ཡོངས་སུ་འབབ་པར་འགྱུར། །སྨོན་ལམ་ཡེ་ཤེས་སྤྱོད་ཡུལ་ཇི་སྙེད་པ། །དེ་སྙེད་བྱང་ཆུབ་སྤྱོད་པས་རྒྱས་པར་འགྱུར། །ནོར་{བཟངས་,བཟང་}བཟང་པོའི་སྤྱོད་ཅེས་བྱ་བ་འདི། །ཚུལ་ནི་ཁྱོད་ལ་བསྟན་པ་
D44.038.0303b06.01འདི་ཡིན་གྱིས། །དེ་ཤེས་གྱིས་ལ་དགེ་བཤེས་རང་བཞིན་གྱིས། །བསྙེན་བཀུར་བྱེད་ཚེ་འཇུག་པར་མ་བྱེད་ཅིག །ལུས་རྣམས་བྱེ་བ་སྔན་ཅད་ཁྱོད་ཀྱིས་ཀྱང་། །འདོད་པའི་དོན་དུ་དོན་མེད་ཟད་བྱས་སོམས། །ད་ནི་བྱང་ཆུབ་ཡོངས་སུ་ཚོལ་གྱུར་ན། །བརྟུལ་ཤུགས་
D44.038.0303b07.01