完整藏文原文 · 德格版页 当前仅加载第 38 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
དེ། ཕྱག་འཚལ་ནས་ཡུན་རིང་མོ་ཞིག་ལོན་པ་དང་། དགེ་བའི་རྩ་བའི་ཤུགས་བསམ་གྱིས་མི་ཁྱབ་པས་མངོན་པར་བརླན་པའི་སེམས་དང་ལྡན་པ་ལུས་དང་སེམས་ཤིན་ཏུ་སིམ་པར་གྱུར་པ་དེ། ཁང་པ་བརྩེགས་པའི་སྒོའི་གནས་ནས་ལངས་ཏེ།
D44.038.0292a01.01ཡུད་ཙམ་ཞིག་ཏུ་ཁང་པ་བརྩེགས་པ་ཆེན་པོ་རྣམ་པར་སྣང་མཛད་ཀྱི་རྒྱན་གྱིས་བརྒྱན་པའི་སྙིང་པོ་དེ་ལ་མིག་མི་འགེབས་པས་བལྟས་ནས། ཐལ་མོ་སྦྱར་ཏེ་ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ནས། དེ་ལྟ་བུའི་འདུ་ཤེས་དང་། ཡིད་ལ་བྱ་བས་བསྐུལ་བའི་སེམས་དང་
D44.038.0292a02.01ལྡན་པས། ཚིག་ཏུ་བརྗོད་པ་འདི་ནི་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་གནས་ལ་རྣམ་པར་སྤྱོད་པ་རྣམས་ཀྱི་གནས་སོ། །འདི་ནི་ཆོས་ཐམས་ཅད་ལ་རྣམ་པར་མི་རྟོག་པའི་གནས་ལ་རྣམ་པར་སྤྱོད་པ་རྣམས་ཀྱི་གནས་སོ། །ཆོས་ཀྱི་དབྱིངས་ཐ་མི་དད་པའི་གནས་ལ་རྣམ་པར་སྤྱོད་པ་སེམས་ཅན་གྱི་
D44.038.0292a03.01ཁམས་མི་དམིགས་པའི་གནས་ལ་རྣམ་པར་སྤྱོད་པ། ཆོས་ཐམས་ཅད་མི་སྐྱེ་བའི་གནས་ལ་རྣམ་པར་སྤྱོད་པ། འཇིག་རྟེན་ཐམས་ཅད་གནས་མེད་པའི་གནས་ལ་རྣམ་པར་སྤྱོད་པ། འགྲོ་བ་ཐམས་ཅད་ཀྱི་གནས་གནས་{མྱེད་,མེད་}པའི་གནས་ལ་རྣམ་པར་སྤྱོད་པ། གནས་
D44.038.0292a04.01ཐམས་ཅད་རྣམ་པར་བསྒོམས་པའི་གནས་ལ་རྣམ་པར་སྤྱོད་པ། བརྟེན་པ་ཐམས་ཅད་ལ་མི་རྟེན་པའི་གནས་ལ་རྣམ་པར་སྤྱོད་པ། ལུས་ཐམས་ཅད་ལ་མི་རྟེན་པའི་གནས་ལ་རྣམ་པར་སྤྱོད་པ། འདུ་ཤེས་ཀྱི་རྣམ་པ་ཐམས་ཅད་བསྩལ་བའི་གནས་ལ་རྣམ་པར་སྤྱོད་པ་
D44.038.0292a05.01རྣམས་ཀྱི་གནས་སོ། །འདི་ནི་ཆོས་ཐམས་ཅད་རང་བཞིན་མེད་པའི་གནས་ལ་རྣམ་པར་སྤྱོད་པ་རྣམས་ཀྱི་གནས་སོ། །རྟོག་པ་དང་རྣམ་པར་རྟོག་པ་དང་། ཡོངས་སུ་རྟོག་པ་ཐམས་ཅད་དུ། རྣམ་པར་མི་རྟོག་པའི་གནས་ལ་རྣམ་པར་སྤྱོད་པ། འདུ་ཤེས་དང་སེམས་དང་
D44.038.0292a06.01ཡིད་ཐམས་ཅད་ཀྱིས་རྣམ་པར་དབེན་པའི་གནས་ལ་སྤྱོད་པ། ལམ་ཐམས་ཅད་བླང་བ་མེད་པ་དང་། དོར་བ་མེད་པའི་གནས་ལ་རྣམ་པར་སྤྱོད་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་ལ་འཇུག་པའི་གནས་ལ་རྣམ་པར་སྤྱོད་པ། སྒོ་ཀུན་ནས་ཆོས་ཀྱི་དབྱིངས་རྒྱས་པར་
D44.038.0292a07.01