完整藏文原文 · 德格版页 当前仅加载第 38 函德格 348b 版页；藏文 NFD、目录标记与异常页序保留在来源切片中，重复版页行以稳定序号区分。
ཡངས་པའི་བསམ་པ་དང་། སྙིང་རྗེ་ཆེན་པོའི་རྡོ་རྗེ་ཐོགས་པའི་ལྷག་པའི་བསམ་པ་དང་། བྱང་ཆུབ་སེམས་དཔའ་ཀུན་ཏུ་བཟང་པོའི་རྗེས་སུ་འབྲངས་པར་སྨོན་པ། ཕྱི་མའི་མཐའི་བསྐལ་པའི་མུར་ཐུག་པར་བྱིན་གྱིས་བརླབས་པ་དང་། ཡོངས་སུ་གནོན་པའི་རྩལ་
D44.038.0348b01.01རྣམ་པར་དག་པ། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་མཉམ་པ་ཉིད་ཀྱི་རྗེས་སུ་སོང་བ་དང་། བྱང་ཆུབ་སེམས་དཔའ་ཀུན་ཏུ་བཟང་པོའི་ས་ལ་གནས་པའི་ཡེ་ཤེས་ལ་རྣམ་པར་དཔྱོད་པ། དེ་བཞིན་གཤེགས་པ་ཐམས་ཅད་ཀྱི་ཡུལ་ལ་
D44.038.0348b02.01ཡང་དག་པར་གནས་པ་དང་མི་ལྡན་པ་དེས་བྱང་ཆུབ་སེམས་དཔའ་ཀུན་ཏུ་བཟང་པོ་དེ་བཞིན་གཤེགས་པ་ཐམས་ཅད་དང་མཉམ་པ་ཉིད་རྗེས་སུ་ཐོབ་པ། དུས་གསུམ་མཉམ་པ་ཉིད་ཀྱི་རྗེས་སུ་སོང་བ། བསམ་གྱིས་མི་ཁྱབ་པའི་ཡུལ་དང་ལྡན་པ། མི་འཕྲོགས་
D44.038.0348b03.01པའི་སྤྱོད་ཡུལ་ཅན་མུ་མེད་པའི་ཡེ་ཤེས་ཀྱི་ཡུལ་དང་ལྡན་པ། བྱང་ཆུབ་སེམས་དཔའ་ཐམས་ཅད་ཀྱིས་རྣམ་པར་ལྟ་བ། འཇིག་རྟེན་ཐམས་ཅད་ཀྱི་ཟིལ་གྱིས་(མནོན་,གནོན་)པ། འཁོར་གྱི་དཀྱིལ་འཁོར་འཁོར་ཐམས་ཅད་ཀྱི་རྗེས་སུ་འབྲང་བ། མངོན་པར་འཕགས་
D44.038.0348b04.01པའི་ཡུལ་དང་ལྡན་པ་དེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱི་སྤྱན་སྔར་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རྒྱ་མཚོ་ན་ནི་འདུག །བྱང་ཆུབ་སེམས་དཔའི་ཚོགས་ཀྱིས་ནི་ཡོངས་སུ་བསྐོར། བྱང་ཆུབ་སེམས་དཔའི་
D44.038.0348b05.01དགེ་འདུན་གྱིས་ནི་མདུན་དུ་བྱས་ཤིང་། སེང་གེའི་ཁྲི་རིན་པོ་ཆེའི་པད་མོ་ཆེན་པོའི་སྙིང་པོ་ཅན་ཞིག་ལ་འདུག་པ་མཐོང་སྟེ། དེས་དེའི་བ་སྤུའི་བུ་ག་ཐམས་ཅད་ཀྱི་བ་སྤུའི་སྒོ་རེ་རེ་ནས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འོད་
D44.038.0348b06.01ཟེར་གྱི་སྤྲིན་མང་པོ་འཐོན་ནས། འཇིག་རྟེན་གྱི་ཁམས་ཆོས་ཀྱི་དབྱིངས་ཀྱིས་ཀླས་པ་ནམ་མཁའི་མཐས་གཏུགས་པ་ཐམས་ཅད་རབ་ཏུ་སྣང་བར་བྱས་ནས། སེམས་ཅན་རྣམས་ཀྱི་སྡུག་བསྔལ་རབ་ཏུ་ཞི་བར་བྱེད་པ་མཐོང་ངོ་། །དེས་དེའི་ལུས་ལས་འོད་
D44.038.0348b07.01