完整藏文原文 · 德格版页 当前仅加载第 38 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱི་མའི་མཐར་སྤྱོད་པ། །ཀུན་ཏུ་བཟང་པོ་དེ་དག་ཚུལ་འདི་ཡིན། །གང་རྣམས་ཆོས་དབྱིངས་ཚུལ་རྣམས་རྒྱ་མཚོ་ཡིས། །འགྲོ་བ་རྒྱ་མཚོ་འདུ་དང་འཇིག་པ་ཡི། །བསྐལ་པར་བཅས་པ་ཁོང་དུ་ཆུད་པའི་རྣམས། །རྟོག་མེད་དེ་དག་རྣམ་ཐར་འདི་ཡིན་ནོ། །ཞིང་
D44.038.0165b01.01རྣམས་ཀུན་གྱི་རྡུལ་ཕྲན་ཐམས་ཅད་ལ། །སངས་རྒྱས་གྲངས་མེད་ཤིང་རྒྱལ་དྲུང་བཞུགས་ཤིང་། །བྱང་ཆུབ་འཚང་རྒྱ་འགྲོ་འདུལ་མཐོང་བ་ཡི། །ཆགས་མེད་མིག་ཅན་དེ་དག་ཚུལ་འདི་ཡིན། །ཁྱོད་ནི་བསྐལ་པ་རྒྱ་མཚོ་རྒྱ་ཆེན་དུ། །དགེ་བའི་བཤེས་གཉེན་
D44.038.0165b02.01མང་པོ་བསྙེན་བཀུར་ཏེ། །ཆོས་འདོད་ཆོས་ཚོལ་མི་སྐྱོ་འདིར་ཕྱིན་པས། །ཐོས་ནས་དེ་ནི་ཡོངས་སུ་གཟུང་བར་ནུས། །ཁྱོད་ཀྱི་བསམ་པ་ཡོངས་སུ་སྦྱང་བའི་ཕྱིར། །བདེ་གཤེགས་བྱིན་རླབས་བསམ་གྱིས་མི་ཁྱབ་པས། །རྣམ་པར་སྣང་མཛད་ཚད་མེད་
D44.038.0165b03.01ཡུལ་འདི་ཡང་། །ཁོ་མོའི་ཚིག་ལས་ཆགས་པ་མེད་པར་འབྱུང་། །རིགས་ཀྱི་བུ་སྔོན་འདས་པའི་དུས་བསྐལ་པ་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་ཕ་རོལ་དེའི་ཡང་ཕ་སྔ་ཞིག་ཏུ་འཇིག་རྟེན་གྱི་ཁམས་རྒྱ་མཚོ་གསེར་རིན་པོ་ཆེའི་རི་སྤོ་རྣམ་པར་སྣང་
D44.038.0165b04.01བ་ཞེས་བྱ་བ་བྱུང་སྟེ། རིགས་ཀྱི་བུ་འཇིག་རྟེན་གྱི་ཁམས་རྒྱ་མཚོ་གསེར་རིན་པོ་ཆེའི་རི་སྤོ་རྣམ་པར་སྣང་བ་དེར་དེ་བཞིན་གཤེགས་པ་ཡེ་ཤེས་རི་བོའི་འོད་ཆོས་ཀྱི་དབྱིངས་སུ་སྣང་བའི་གཟི་བརྗིད་རྒྱལ་པོ་ཞེས་བྱ་བ་བྱུང་སྟེ། དེ་བཞིན་གཤེགས་པ་ཡེ་ཤེས་རི་བོའི་
D44.038.0165b05.01འོད་ཆོས་ཀྱི་དབྱིངས་སུ་སྣང་བའི་གཟི་བརྗིད་རྒྱལ་པོ་དེ། སྔོན་བྱང་ཆུབ་སེམས་དཔའི་སྤྱོད་པ་མཛད་པའི་ཚེ་འཇིག་རྟེན་གྱི་ཁམས་རྒྱ་མཚོ་གསེར་རིན་པོ་ཆེའི་རི་སྤོ་རྣམ་པར་སྣང་བ་ཞེས་བྱ་བ་འཇིག་རྟེན་གྱི་ཁམས་རྒྱ་མཚོའི་ས་དང་། རི་རྡུལ་ཤིན་ཏུ་ཕྲ་བ་སྙེད་ཀྱི་
D44.038.0165b06.01འཇིག་རྟེན་གྱི་ཁམས་འབྱམ་ཀླས་པ་བསྟན་དུ་ཡོད་པ་དང་ལྡན་པ། འཇིག་རྟེན་གྱི་ཁམས་ཀྱི་རྒྱུད་རེ་རེ་ཞིང་ཡང་བསྐལ་པའི་གྲངས་ཤིན་ཏུ་བསྟན་པ་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་དང་ལྡན་པ་བསྐལ་པ་རེ་རེ་ཞིང་ཡང་བསྐལ་པ་བར་མ་ཤིན་ཏུ་བསྟན་པ་དུ་
D44.038.0165b07.01